ردوا علي الله يسعدكم

قلب هيثم

30-03-2022 - 07:09 pm

بسم الله الرحمن الرحيم كيفكم يا احلى عضوات اليوم لي مجموعة طلبات ياليت تساعدوني في الأجابة عليها : 1 - كيف احافظ على : " الزيتون بكل انواعه _ الجبن الأبيض _ القشطة البلدي " فترة طويلة في الثلاجة 2 - اللي تعرف طريقة مشروب الزنجبيل بالحلبة ياليت تعطيني الطريقة . 3 - وصفات نستخدم فيه نوتيلا كريمة البندق و الكاكاو لأنها موجودة عندي بكثرة وزوجي يحبها بس انا ما اعرف استخداماتها . ياليت تجابوني ولكم كل الحب و التقدير جزاكم الله خير الجزاء

التعليقات (7)

السوسن البيضاء

30-03-2022 - 10:21 pm

حبيبتي انا ممكن اساعدك في سؤال واحد بس والباقي ماقدر اساعدك فيه لاني مني خبيره في هذي الاشياء
اذا تبغي وصفات تستخدمي فيها النوتيلا
سويها مثلا حلى وانا دحين باقلك طريقته
جيبي بسكوت شاهي وطحنيه بعدين جيبي زبده وسيحيها
وحطيها فوق البسكوت وبعدين حطي البسكوت في صنية الحلا
بعدين جيبي علبتين قشطه اي نوع وجيبي علبة النوتلا الصغير وخلطيهم مع بعض في الخلاض بعد ما تخلطيهم تمام حطيها فوق البسكوت
وبعدين حطيها في الثلاجه لين ماتتماسك
ومبعدين كلوها وبالعافيه عليكم
وفي طريقه مرره مرره سهله
وتنفع فطور في الصباح وانا لمن اروح المدرسه اسوي دي الطريقه
جيبي عيش التوست وبعدين حطي علي النوتلا صراحتا تتطلع مرره خطيره
ونصيحه لاتستخدمي غير عيش التوست لانو اطعم شي
ان شاء الله حبيبتي اكون ساعتك

رنووووش

30-03-2022 - 11:22 pm

ياغالية انا اقدر افيدك بالنسبة للزيتون والجبن انا تقعد عندي باالشهرين
اول شي اذا شريتيهم حطيهم بعلب تبرويه (البلاستك مثل حقت التمر)
الجبنة غطيها لثلاث ارباعها بالمويه والزيتون حطيه بمويته بالعلبه
بس واغرفي منها ولاترجعي المستخدم للعلبة واستعملي ملعقة نظيفة للغرف
نسيت اقوللك شغلة الجبنة بتخف ملوحتها كثير بعد الموية اذا تبينها تظل مالحة حطي معها ملح
جربي وادعي لوخيتك

قلب هيثم

31-03-2022 - 12:23 am

السوسن البيضاء
الله يسعدك ويرضى عنك
مشكورة على الوصفات
إن شاء الله راح اجربها
يعطيك العافية يا رب
يالله ياحلوين نبغى وصفات جديدة
وردود حلوة

قلب هيثم

31-03-2022 - 01:24 am

رنوش
الله يسعدك ويرضى عنك
تسلمي على المعلومات المفيدة
بس حبيت أقولك
الزيتون المعلب مو مشكلة عندي
بس المشكلة اللي اشتريه بالكيلو ؟
وبعدين بقيت القشطة البلدي
اللي تعرف طريقة حفظها تساعدنا يا حلوين
مرة ثانية تسلمي يا
رنوش ويعطيك العافية

aflis

31-03-2022 - 02:25 am

شوفي حبيبتي
بالنسبة للزيتون غطية بالزيت سوى العادي او زيت الزيتون زي ما تحبي
واذا اخذتي منه لا ترجعينه على الجديد حطي له علبه ثانية
اما الجبنه غطيها بمويه او حليب وضيفي عليها ملح عشان تحافظ على ملوحيتها
اما القشطة حاولي انك تحطينها بمكان بارد بالثلاجة
واغرفي منها وخليها دائماً محكومة التغطية
وادعيلي يالغالية

قلب هيثم

31-03-2022 - 03:26 am

Aflis الله يسعدك ولا يحرمك عجبتني فكرة الحليب على الجبنة إن شاء الله راح أجربها القشطة البلدي أنا مسوية نفس طريقتك بس تخيلي ما كملت اسبوعين في الثلاجة إلا بدت تصير حامضة ما ادري ليش ؟ برغم أنها محكمة الأغلاق تسلمين حبيبتي وربي يوفقك دنيا و آخرة

فراشة واحب الوناسه

31-03-2022 - 04:27 am

انابالنسبه للزيتون والجبن نفس كلام الاخوات اما القشطه والله ماعندي خبره فيها
وموفقه

أجمل قواعد المغارف لمطبخ أنيق روعة←
ردوا علي الله يسعدكم→