رز بالتونة يجنن ورمة سهل لناس العجزانه زي

cute-love

14-07-2022 - 10:27 pm

يلا سجلو معايا

مراحب طبعا بعد ازمة وعراك استمر 3 ساعات بيني وبين امي عشان كنت جيعانه وابغى اطلب من برى اكل ورفضت رفضا شديد بحجت اني بنت ولازم اقوم اطبخ وبعد ماقرصني الجوع قمت زي الطييبن وجبتي عدتي وطبخت
ماابغى اطول عليكم شوفو انا مااعرف اكتب المقادير ومدري ايش انا اقولكم كيف سويتو وانتو سو وقولي لي كيف طلع

يلا سجلو معايا

او شي جبت قدر وحطيت في نص ملعقت غرف سمن حلو ....وجبت 3 حبات بصل وقطعتها صغيرة مرة وحطيتها على النار لين سار لونها ذهبي..... وبعدين جبت مكعب ماجي واحد وملعقة صغيرة فلفل اسود وملعقة صغيرة كمون..... وحطيتها مع علبتين تونه كبيرة بس طبع التونه صفيتها من الزيت سار في القدر التونه والفلفل و الكمون والماجي والبصل وقلبتها.... وجبت 4 فصووص ثوم وفرمتها صغيرة وحطتيها مع العفش الي في القدر وقلبتها وبعدين.... قطعت 3 طماطمات قطع شوي كبيرة حلو وحطيتها وجبت فوقها قرنين فلفل فكيتها من النص وحطيتها معا>> تحب الأكل المفلفل
وخليتها على نار واطية لين حسيت انها اتسبكت وطلعت موية الطماطم وبعدين جبت 6 كاسات رز وغسلوتو وسويتو لوحدو و بعدين حطيتو فوق العدة حقت التونه في القدر التاني وحبت غطا اصغر من القدر وكبست الرز فيها وبعدين غطيت القدر بغطايتو وخليتها تقريبا من 7 لي 10 دقايق على شمة نار على قول امي
وبعدين رفعت الغطا وجبت شويت زعفران وحطيتو في موية وقلبتو لين سار لونها اصفر ورشيتها وحفرت في النص حفرة وكبيت الباقي ووخليتو دقيقة على النار وبعدين غرفتو
واكلو اهلي وبعد ماخلصو انا اكيد بتقول قالو لي تسلم يدك صح؟
لالا غلطانين قالو لي قومي يلا شيلي السفرة وجيبي الفاكه >> ونعم التشجيع
اهم شي في النهاية ريحتي سارت بصل واطريت ادخل اتروش واتنظف زي الحلوين و وبس

التعليقات (9)

آήـثـــے لآتتـــگـرر

15-07-2022 - 12:48 am

ههه ياعمري عليك
ايه كذ1 خلك سنعه عشان لما تتزوجين ان شاء الله تكونين احسن طباخه وتكشخين بطبخك
لاتسووين مثلي كنت اكسل بنت ولو اموت جوع اسوي اندومي او سندوتش بيض ويوم تزوجت تورطت
وها انا لين الحين اتعلم مع انه لي سنتين .. بس اعرف للكبسات اما الفطاير والحلى لسه في طور التعليم خ
الف صحه وعافيه على قلبك يا عسل

* أم عبودي *

15-07-2022 - 01:49 am

ماشاء الله .. شطوره
ننتظر جديدك حبوبه
/
/

روحي دونه

15-07-2022 - 02:50 am

ياسلام عليك انا اقولك تسلم يدك بس غسلتي الفاكهه اللي جبتيها
لول

ليمونه بالنعناع

15-07-2022 - 03:51 am

>> اشتهيته وانا جوعانهياربياش اسوي هاه

اشواك ورد

15-07-2022 - 04:52 am

يعطيك الف عافيه شكل الطبخه تجنن وسهله كمان