رز بالحمص من مطبخي بالصور

السلام عليكم ورحمة الله وبركاته كيفكم يافراشات ؟ .............. قبل يومين كنت طفشانه .. وفكرت اني اسوي غدا ماحصلش .. وخطر ببالي اسوي رز بالحمص .. وبديت الشغل بذمه وضمير .. وبعد ماخلصت قلت ليش ماأصور الطبق للفراشات واخليهم يشوفون طبخي ... ..................... المقادير / دجاجه مقطعه اربع قطع 2 كأس رز ( او على حسب افراد عائلتك ) 1 كأس حمص ( كمية الحمص تكون نصف كمية الرز بالضبط ) بهارات ( قرفه – قرنفل – فلفل اسود - كمون – شيبه ) < طبعاً كلها مو مطحونه ملح 2 حبة بصل مقطع مربعات ثوم مدقوق * بعض الناس يحطونه انا لاني ماأحبه ماحطيته *-* الطريقه / 1- نسلق الدجاجه في ماء + البهارات والملح 2- وقت مانسلق الدجاجه نخلي الحمص منقوع بماء حار 3- بعد انتهاء السلق نخرج الدجاجه .. ونصفي المويه من البهارات .. ونضع الرز ونصف كمية الحمص .. 4- نقلي الدجاجه بالزيت .. وبعدها نقلي البصل المقطع .. 5- النص الباقي من الحمص نسلقه لحاله .. عشان نزين فيه الصحن عند الغرف .. 5- بعد مايستوي الرز .. نغرفه ونضع فوقه الدجاجه ونزين الصحن بالبصل المقلي والحمص ... وبصحه وعافيه *-* **