رز صيني ولا اسهل بالصور ياحلوات

سلام يا حلوات ........
ماراح اطول في المقدمات ، اولا انا وحدة مااحب اطول في المطبخ يعني احب الطبخات السهلة واللي نتيجتها طعمة.
جايبتلكم طبخة سهلة وماتاخذ اكثر من نص ساعة .
انا من عادتي اختار المكونات اللي احبها في الاكل واجمعها واعمل منها طبخة وهذا اللي عملته هنا ...
ندخل في المقادير :
واضح في الصورة
دجاج صدور مقطع قطع صغيرة
فلفل حلو ( اخضر -اصفر -احمر) مقطع بشكل طولي
قرن فلفل حار
حبة بصلة مقطعة
شوية ملفوف احمر
صلصة الصويا حلوة ( ملعقة اكل)
رز بسمتي ( مسلوق بماء وملح )
زيت
فلفل اسود - ملح - زنجبيل
الحين نحط شوية زيت ونحمس البصل فيها لين يقرب يلين
ثم
نضيف قطع الدجاج على البصل ونحركها لين تستوي
اضيفي الفلفل الحلو والفلفل الحار والبهارات وقلبيها على النار الى ان تلين
اضيفي صلصة الصويا الحلوة وقلبيها على النار
( لا تشيلي هم الاكل ماراح يطلع طعمه حلو كانه فيه سكر لاني بصراحة مااحب الاكل اللي فيه حلى )
جا دور الرز مستوي ومسلوق حطيه على الخضار الموجودة عندك وقلبيه كويس . خففي الحرارة مرة وغطي الرز لدقايق قليلة
خلاص يا حلوات جا وقت الاكل .....وبصدق الاكلة سهلة وطعمة
وبالعافية واللي ناوية تعملها تقولي عن النتيجة .......<<< يارب مااتفشل