رفله تبي مساعده ههه

ذرى

31-12-2022 - 12:45 am

السلام عليكم و رحمة الله و بركاته
شلونكم يا بنات ...؟؟؟
بصراحه أنا نص و نص بالطبخ بس إن حطيت هذا على هذا و ذاك على ذاك طلع يجن يعني تاكلون أصابعكم وراها ههه ...
عندي صوص مع دجاج ودي أجربها و ودي أسوي معاها عيش نثري ...
و أنا عمري ما سويت العيش وودي أجربه و يكون نثري و فيه نكهه حلوه ...
فأبي الطريقه و المكونات علشان أسوي عيش نثري ما صار و لا إستوى ههه ...
يلا أبي همتكم معاي لحد يفشلني ...
إختكم من الكويت ...
ذرى ...

التعليقات (9)

ذرى

31-12-2022 - 04:01 am

أفا كلكم طلعتوا رفلات ههه ...
وين طباخات المنتدى و ين الفنانات ...
أتوقع إستفساري سهل و ما يبيله شي ...!!!!!!!!!!

ذرى

31-12-2022 - 05:02 am

أفا بنات وين المساعدات ما قدرت وحده منكم بس تعطيني الوصفه أو الطريقه ...؟؟؟؟؟
ما أعتقد إن البنات بالمنتدى كلهم ما يعرفون يطبخون ...؟؟؟ّّ!!!!!

**رهام**

31-12-2022 - 06:03 am

عزيزتي ذرى .... العيش النثري يعني تقللين الماء فيه
وانصحك باستخدام عيش تلدا او انديا جيت لانه يعطيك النتيجه الل تبين
انا ما عندي خبره بطبخ الرز بس حسب اللي اسمعه من الوالده

ذرى

31-12-2022 - 07:04 am

أنا عارفه إن العيش النثري إنه أقلل الماي فيه ...
تسلمين حبيبتي عالمشاركه و الله إنج نشميه يا بنت ديرتي ...
أنا أبي الكميه جم قلاس عيش و جم قلاص ماي ...
و الأشخاص أبيها ل6 أشخاص جم يكفي لهم و شنو إلي تحطونه عالعيش علشان يعطي نكهه حلوه ...
و الله ودي أفاجئ أمي لأن دايم تحن علي أسوي شي لهم بالمطبخ و أنا أتكسل مالي خلق فودي أفاجئها و أسوي لهم عشا يستانسون عليه ...
فياليت وحده من البنات تساعدني و لها أحلى دعوه بإذن الله ...
و أرد أشكرج يا بنت ديرتي ...

**رهام**

31-12-2022 - 08:05 am

انا اقتراحي يا ذرى انك تسوين لك طبق ثاني غير العيش لان العيش يبيله شطاره شوي وما نبيج تتفشلين جدام اهلك .. سوي صينية دياي احسن لك على الاقل مضمونه

ذرى

31-12-2022 - 09:06 am

ههه كل شي جربته بس ودي أسوي العيش فخاطري أسوي عيش له نكهه حلوه أبيهم يجربون شي جديد غير إلي أسويهم حفظو إختراعاتي ههه ...

نجمة الشرقية

31-12-2022 - 10:07 am

شوفي حبيبتي عندي وصفة انشاء اللة تعجبك.......
كيلي 6كاسات رز وبعدين اغسليها ونقعيها في الماء لمدة لا تقل عن ربع ساعة..........
وبعدين اشخلية من الماء حتى يجف نوعا ما ثم ضعي قليل من الزيت يعني نصف كاس......
في قدر ولما يسخن الزيت اشوي ضعي علية نصف كيس شعيرية وبدأي بتقليبها حتى ......
تصبح مائلة للبني قليلا ثم اضيفي لها الرز وبدأي بالتقليب لمدة ربع ساعة مع أضافة.......
ملعقة طعام ثوم مدقوق ومكعب ماجي الي فية قطعتين اثناء التقليب بعد الربع الساعة........
اضيفي ماء مغلي بمقدار ما يغطي الرز بحوالي سم تقريبا وإذا بدأ بالغليان قصري على النار.....
وغطي القدر بقصدير وإذا جف وشعرتي ان الرز حبتة ما بعد تستوي اضيفي لة قليل من الماء المغلي......
والرز علشان يستوي يبي لة تقريبا 20 دقيقة.......
يا للة جربية وإذا عجبك ادعيلي وخبريني.......

عــاشــ عموري ــقــة

31-12-2022 - 11:08 am

ههه
زين انتي انا ماعرف اسوي بيض

ذرى

31-12-2022 - 12:09 pm

نجمة الشرقيه فديت قلبج حبيبتي و بإذن الله هاليومين الجايين أجربها و لج أحلى دعوه من غير ما اجربها حبيبتي ...
يا الله يا رب يسعدج بحياتج و آخرتج و يوفقج و يحقق لج كل أمانيج يا عمري ...
عاشقه عموري ههه زين طلعة لنا وحده أرفل مني ههه ...

شيش طااوق دجاج←
صينيه الخضار بالقشطه→