روآية يايمه حبيته للكاتبه ملاذ

كملي توك ما كتبتي شي

أترككم مع تكملة الجزء الاول .... قراءه ممتعه
حنان :فايز والله ازعل اذا مااخذتها
فايز:خلاص ماراح اطلع ورجع يمشي لبيت الشعر
حنان:دمعتها ع خدها لايمه خلاص انا ابغى فيها اغراض
اذا جيت من عند الشباب كلمني وانااقولك اوكي
فايز:وش هي قوليها اللحين وانااجيبها
ام احمد بالصدفه انقذت بنتها لما نادت فايز يابوي تعال اخذ رد ع هاالمبلي ازعجني|||
يقول صوتك خوفني لابارك الله فيه من ولد..
فايز:هاتي الظاهر وليدوه
ام احمد :ماغيره بس خذ ومدت الجوال لفايز
فايز:يناظر الشاشه ويضحك هلاوليد وينك؟؟
ام احمد:هالولد مايستحي يقول جدي يدور ع زوجه
حنان :ههه يمه الله يهداك صدقتي اكيد بيمزح معاك عشان عارف فايز يحبك
وليد:هذي وش تقول اللي عندك كأنهاتحش فيني
فايز:ماعليك من جدتي اللحين انت وين قاعد انتظرك
وليد:رجعت للاستراحه
فايز:اوف الشرهه ع اللي يطلبك مره ثانيه
وليد:تستاهل مخلي هاالعجوز ترد علي خوفتني بصوتها ومشيت
فايز:هاه عن الغلط تراها امي
وليد:اللي اعرفه امك اسمها حنان
فايز:عادي انا لي ثنتين مادام ربي اخذ مني ابوي
وليد:الله يخليهن لك يا الله ترى راسي صدع وانا استناك
فايز:يلا جايك اللحين بس لاعاد تدق ع جوال جدتي وسكر منه....
الجده ام احمد تطالع فيه وتضحك مااحد مونسني في دنيتي غيرك يا فايز انت وبنت مريم شجون
هنا فايز ابتسم لما سمع طاريها.....
حنان: عسى ربي يخليه لنا وقاعده تحط الفلوس بجيبه وتكلم لولا الله ثم هو كان اللحين ماندري ويش نسوي هي قالت كذا عشان تحسس فايز انه رجال وانها يقدر ع كل شي بس تخاف عليه..طبعا فايز ما انتبه لها لما حطت الفلوس عشان هو متعود ان امه ترتب ملابسه قبل يطلع من البيت.....
فايز يمد يده وفيها الجوال خوذي حنان عطيه جدتي
انا ماشي تبغون شي؟؟؟........
ام احمد وحنان:مع بعض انتبه ع نفسك..........
(( في بيت ابو مشعل))
نوف والجازي يطالعون مع الشباك نوف:ا يازينه هالولد وربي كأنه بنت شفتها في الجامعه لمن كنت ادرس.......
الجازي:قسم بالله فايز ذا موطبيعي أحس فيه عرق لبناني انا بس ابي مثل رموشه,,
نوف:وهي تشرب بيبسي كل وجهه انتي بس شوفي خشمه وعيونه تذبح,,
آآآآآخ بس الله يسامحك يا ساره ياليتك ماخليتينا نحط هالوعد اللي ماادري ايش فايدته صراحه؟؟؟......
الجازي:لاحرام عليك هي صادقه تبغين وحده تتزوجه منا ثم نزعل عليها وانتي عارفتنا كل بنات عمي وانا وانتي نتموت فيه حتى لمياء بنت جارنا ماسلمت من الوعد وهي مومن العايله اصلا بس عشانها مقدره شعورنا....
نوف: ايه ....بس عاجبك ؟!! وحده تاخذه منا من خارج العايله ايش بيكون ردت فعلك ساعتها ؟؟؟انتي وام الوعود..؟؟
الجازي:عادي مافيها شي لمن نغار ونزعل منها ماعلينا مانعرفها ولاتعرفنا.....
نوف :بس هذا طموحكن لا معليش انا ماراح اوفي بالوعد هذا... اذا خطبني .. بقول /لبيه جاك ... ماراح ارفض عشانكن ..... ابدا <<حلوة ذي!!!
الجازي: هو ... وش قلتي ؟؟؟<<<قطع كلامها جوال نوف يرن ( أغار من الهوى و ثوبك أغار تخيل من اهلك؛؛؛اناظلي وهو ظلي اغار ان قرب لظلك................. وكانت الاغنيه معبره مره!!!!
سويره ام الوعود يتصل بك......
نوف:هلا سوير وش بغيتي؟؟........
ساره: وش بلاك معصبه؟؟؟ بس كنت بقولك شفتي فايز دوبه خرج اه ياقلبي يذبح,,,,
نوف:ايه شفته الله يسامحك حرمتينا منه......!!!!
ساره: هههاي ايش اسوي انا اللي اموت فيه وربي اتوقع اذا تزوج بيغمى علي.....
نوف:ساعتها خلي وعدك ينفعك.......
ساره: والله يانوف انا اهم حاجه عندي انا مانزعل من بعض ومانفترق""وانتي عارفتنا كلنا نحبه مع بعض
نوف:اصلا انتي ع بالك ان عمتي تزوجه مدلعته مره تخيلي تقول لامي انه ماينام الا ع صدرها من عمره عشر سنين؟؟؟؟!!
ساره:ايه هي البارحه لمن رحت اساعدها في عمل الاطباق)) اللي ماتعرفونه ان حنان تعمل اطباق مأكولات ومشروبات وتبيعها عشان تصرف على نفسها وهي تحب الطبخ ومرتاحه بعملها رغم ان اخوانها حاولوا فيها تتركه ويعطونها بدل ارباحه دبل بس هي رفضت واصرت انهاتستمر((
ازعجها مره كل شوي يدق الباب ويناديها حنان حنان
نوف:خ يعجبني ياناس حتى مايقول يمه وربي فيه جاذبيه يلا كملي
ساره:ايه بس هذا اللي عاجبك يادلخه هذا يعتبر عقوق بس عشانها عمتي ماتزعل منه والله لو قلنا كذا لا مهاتنا كان رحنا في خبر كان ههه
نوف:يوه بتكملي ولا اسكر السماعه؟؟؟!!......
ساره:اصلا انتي ماخليتيني اكمل... المهم قلت عمه وش فيه هو تعبان؟؟؟؟؟؟؟؟؟؟ قالت لا وسكتت...
عاد عمتي رايحه جايه واذا جات تصلح الفطاير دق الباب مره ثانيه,,,
انحرجت مني قالت خلصي الحلا لين اجيك نص ساعه ماراح اطول...
قلت خذي راحتك ياعمه
عاد تخيلي قعدت ساعه وهي ماجات وصلحت حلا اثنين جلست ع المائده ومسكت جوالي اراسل صديقتي ومادريت الاوهي داخله علي قالت انااسفه طولت عليك فايز جنني دوبه نام بعد اتعبني معاه,,,
كررت عليها السؤال مره ثانيه قلت عمه هو تعبان ولا ايش فيه عاد تخبريني فيني لقافه زياده
قالت لابس هو لازم ينام على صدري قلت اها يعني يدلع صح؟؟
قالت لا وربي من صغيروهوكذا عاد انا اخذتها فرصه ودي اعرف حياته يوم كان صغير وعايش بلندن قلت عمه بالله عليك احكي لي عن حياتك انتي وفايز لمن كنتوا في لندن اذا كان ماعندك مانع؟؟؟ احس اني احرجتها بسؤالي الغبي مثل وجهي
نوف: ياربي منك ليش تحرجينها ابوي لمن قلت نفسي اعرف حياة عمتي حنان كيف يوم تزوجت وهي صغيره
جاني كف يمشي مليون من يده ومشى وتركني ابكي
ساره: ههه اذكر بس لافات الفوت ماينفع الصوت انا سألتها وتورطت
نوف: هاه ردت عليك
ساره: ايوه سكتت خمس دقايق ثم ردت علي
نوف: يلاكملي تراي متحمسه مره ودي اعرف سالفتها احس عمتي وراه شي الله اعلم ايش هو
ساره:نوف جهزي القهوه والشاي عشان بجيك سالفه مره طويله مايصلح اقولها في السماعه
نوف: طيب استناك انا والجازي ذبحتني جالسه في حظني عشان تتسمع ههه
ساره:ههه الله يعينك عليها عاد دبا
الجازي من وراء السماعه عن طوالة اللسان ياسويره
ساره: ههه يلاباي
نوف:باي
------------------------------------
تتوقعون ايش سالفة ام فايز؟؟؟؟اللي اخوانها مخبينها عن اولادهم؟؟

يسلموا

((الجزء الثاني))
فيصل جالس على مكتبه ((في المستشفى)).....
دخلت عليه الممرضه تركض :: دكتور دكتور .....
في واحد مريض مرره تعباان ... دكتور
فيصل: اوك اوك ...خليها تدخل ..وماسك راسه ... تعبان مرره ... يلا سريع خليها تدخل ... وهاتي الملف حقها ....
ولما طلعت الممرضه ... تنهد بقوه ::: يارب يارب قدرني على عملي بأكمل وجه .... يارب
دق الباب :: ودخلت حرمه كبيره عليها عبايتها ومو باين منها شي .... ومعها بنتها اللي لابسه عبايه نااعمه .حيل ومبين عودها النحيل ... ومو مغطيه وجهها .... وعيونها متورمه من البكاء .....
تصيح : مابي ادخل مابي ادخل ...
والممرضه ماسكتها عشان ماتهرب ......
فيصل:فاطمه اتركيها واخرجي وسكري الباب وراك ... زين؟؟
قعدت تصيح البنت ماابغى شي ماابغى شي خلوني اموت آآآآآه .... آآآآآآه .... ياربي ياربي اخذ رووحي
ورمت نفسها ع الارض وامها جالسه عندها تبكي ::
حرك الكرسي فيصل وقام ومشى لعندها قال :: وش اسمها ؟؟؟
ردت امها : هيفاء يادكتور .... بنتي اللي ماعندي غيرها ...
فيصل : طيب ممكن تخرجين ياخاله وتتركينا لوحدنا .؟؟؟
الام : لا يادكتور مااقدر اخليها ... تسوي في نفسها شي انت ماتعرفها .....
البنت مو معاهم قاعده تصرخ ... وتشد في شعرها
فيصل : ليش وش فيها ؟؟؟
فاقده احد ؟؟؟؟؟ ........
امها : أي والله ياوليدي ماتت صاحبتها الروح بالروح من اربع شهور وهي على ذا الحال ... لا تأكل ولا تشرب ....
وقالت لنا الدكتوره: لازم ترووح دكتور نفسي تتعالج من الصدمه اللي مرت بها .... وهاذني جبتها لك والامل بعد الله فيك .....
فيصل : يمسك يد هيفاء ويوقفها وهي تصرخ مابي الحياه ... اللي مافيها وداد .....
آآآآآآآآآآآآآآآآآه .... ياليتني كنت معها ...... ياربي ... خذ روحي .............
امها : لا يمه لا ياحبيبتي .... لا تقولين ذا الكلام هاذي حكمة ربي .....
فيصل يمشيها الين جلسها ع الكرسي .....
وماهو مستغرب لان تمر عليه حالات اصعب من كذا
راح وجلس على الكرسي المقابل لهيفاء ....
ويقول : يلا يالخاله رووحي الاستراحه ارتاحي شوي
امها : بس يادكتوور ... انتبه لها ... ترا ماعندي غيرهاا
وولد الله اعلم بحاله ... مايخرج من الغرفه <<<قالتها بدون قصد ....>>>
فيصل : كسرت خاطرها وحب يخلي هيفاء تهدي شووي
وش فيها ولد يالخاله .. عسى ماشر ؟؟؟
اما هيفاء مافيها الا العافيه ان شاء الله بس هاذي كلها آثاار صدمه ... وبتعدي ... مع الوقت
امها:: ولدي مريض نفسي وانا خايفه البنت تلحقه ......
وربي كل يووم انا وهم بكاء وماتجف دموعنا ....
فيصل : انزين ليش ماجبتيه معك ؟؟؟
امه : قلتلك يادكتور مايخرج من الغرفه ...
وتمسك راسها وتصييح .....ياويلي ع عيالي .....
ياربي معونتك .... ياقادر ....
قام فيصل وحط يده على كتفها ....
وقال ::: خلص ياخاله .... وكلي امرك لله ....وحنا بنقوم بواجبنا ومالك غير طيبة الخاطر ....
هيفاء تقوم من مكانها : يمه يمه خلص خلص ... لا تبكين
تكفين خلص لا تبكين ......
الام :: طيب ياحبيبتي ...
وقعدن يضمن بعض ويبكن ....
فيصل :: سكت خمس دقايق .... بعدين قال يلا خاله ...
رووحي خذي هاذي الحبووب ... تراها مهديه وزينه للاعصاب ... واجلسي بالاستراحه ..
لين اخلص من هيفاء ... ساعه بس وتكون هيفاء عندك .... زين ؟؟
هيفاء :: خلص يمه يلا نبي نرووح البيت انا مافيني شي ...
امها : خلص يابنتي اجلسي عند الدكتور ومدام تعبنا ذا المسافه ... مايصير نرجع .....
هيفاء :: سكتت
فيصل : يلا ياخاله ... انا ناديت الممرضه عشان تساعدك ...
الام :: مشكور ياوليدي تعبناك معنا ....
فيصل : لا عادي احنا في خدمتكم ولو ...
وخرجت الام من الغرفه بخطواتها المبعثره ...
فيصل :: هاه ... ياهيفاء ماودك تجلسين ؟؟؟
هيفاء سرحانه ماهي حوله ...
فيصل : هيفاء هيفاء ......
هيفاء : تبتسم ..... ايووه انا داريه انك ماراح تتخلين عني ياوداد .....
فيصل : ياساتر ... شكلها مره تحب صاحبتها ...
أقول هيفاء من متى ماتت صاحبتك<<قال كذا عشان يصحيها من الوهم اللي عايشه فيه>>
هيفاء:اللي دوبها أستوعبت الموقف قعدت تصيح من أربع شهور
فيصل:يلا اجلسي قوليلي سبب وفاتها ؛؛
هوحب يبدأ معها كذا عشان تفضفض مادام ماعندها الااخوها التعبان وامها المسكينه..........
هيفاء::تمسح دموعها،،، بطرف كم عبايتها ماتت في حادث وهي كانت جايتني تزورني لاني كنت تعبانه لمن تعب فهد....
يعني كلها بسبتي
فيصل: آها طيب بعدين وش صار؟؟؟؟؟؟؟؟؟؟؟؟
هيفاء: عصبت وش صار ؟؟؟؟انت دلخ ماتفهم........أقول ماتت ماتت .... وتركتني .... وهي اللي تقولي ماراح ترتاح الين تشوف فهد متعافي مافيه شي ....
تخيل تخيل يادكتور :: مو بس انا اللي احبه حتى فهد مايأكل لين تحطه له ...
فيصل :: وكيفه فهد .... ؟؟ ........عرف انها ماتت ؟؟؟
هيفاء :: ايوه عارف ... بس يشوفني .... يقعد يبكي ..
فيصل :: ابوك عاايش؟؟؟
هيفاء :: تقدر تقول ... عايش بس مو داري عنا ....
فيصل ::: م ليش ؟؟؟؟
وهو قاعد يكتب في دفتر ... مايبي يحرجها .....
هيفاء ::: آآآ بوي مايجي الا خميس وجمعه ... ويطق في امي المسكينه الين يتعب ثم ينام ... ويخرج اليوم الثااني .
فيصل :: آآآها .... قلتيلي وين عايشين انتم ؟؟؟
هيفاء هدت شوي وقعدت تسترسل معاه بالحكي ...
هيفاء :: احنا عايشين بقريه بعيده عن الرياض شوي ...
فيصل كم تبعد ؟؟؟
هيفاء :: 1000كيلو
وبعدين استرسلوا بالكلام وهيفاء بدت ترتاح
وتفضفض ....
وفيصل :: بس يطالع مرره ... ومرره ينزل عينه ...
البنت كانت حلوة وبريئه ...
شدت البراءه اللي فيها ....
.................................................. .........................
((سااره والبنات ))
نوف: اوف سار لها ساعه وماجت البنت ... والبيت جنب البيت ؟
الجازي : خلاص يانوف الحين ارسلت تقول توي طلعت من البيت ..
نووف : بعد ايش ؟؟
الجازي : الباب يدق
نوف : ياحيا الله بنت العم ... مابغيتي تجين ؟؟؟
ساره : تضحك .... والله شوي عندك حشرة النووم أسأليها
وتنزل عبايتها وتدخل الغرفه ..
نوف:: هههاي ... هلا ريوم ومهاوي ,,,,, تفضلوا
طبعا ... معرووفه حشرة النووم اللي هي ريم جدتها مسميتها كذا ...
دخلن البنات في الغرفه ونزلوا عبااياتهم ....
الجازي : اهلين والله الليله مافيه روحه الين الساعه 3
بنجلس ونرووح السطح نستنى فوازوه ترى مايجي الا الساعه وحده والبنات كلهم ضحكوا .....
وسااره رفضت تقولهم السالفه الين تتقهوى وتحلي ..
وبعدين بعد صلاة العشاء وتقولهم ....
قامن الجازي ومها يجهزون الجلسه في السطح
الشاي , والمكسرات , والفطاير
وشغوا انوار العماره ...
طلعن البنات للسطح وجلسوا فيه وكلهن متشوقات لحاة فايز وعمتهن حنان اللي كلهن يحبنها ...
ساره :: امانه يابنات اذا قلت لكن السالفه لا تتغير نظرتكن في عمتي وولدها اوك ؟؟
البنات ((يطيروون عيونهم فيها موب مستوعبين شي ))
نوف: سوير وش قاعده تخربطين ؟؟؟؟؟؟؟
ساره : وربي اللي بقوله لكم ... عمتي قالته بالحرف الواحد
مازودت من عندي شي ....
الجازي : يلا ساره وربي مصدقينك ... شوقتينا
مها :: ساره قوولي
ساره : صحيح اني منصدمه بكيت الين راسي صدع
عشان كذا ماداومت اليوم ؟
بس وربي عمتي كاسره خاطري ... وعاذرتها حيل
نوف : سارره بلاش حرق اعصاب ..
ريم ولا همها قاعده ,,, تاكل ... فطاير وبيتزا ...
ساره:اوعدوني ماتقولوا لاحد ترا عمتي حلفتني .....
بس انتم آآآه منكن ... مستحيل اخبي عليكن شي ..
نوف ::: يوه منك كل حياتك ووعوود ...
خلصينا مارح نقول ... لاحد ...
ساره ::: يلا حطوا ايديكم عشان اتأكد
البنات كلهم ::: وعد ...
الا ريم مو يمهم ..... تآآكل
عمتي ياحبيباتي ..... اغتصبها واحد نذل يوم كانت صغيره
كانوا اهلنا اول طالعين برا ,,, وخالتي حنان مسكينه تلعب برا ..ولا تدري عن شي ... وجاها واحد حقير اغتصبها
وانحاش من البر .... وهي عمرها 11 سنه ...
بس ترا اهلي يعرفون عايلة ذا الولد اسمهم آل المنصور
وولدهم عبدالرحمن .... وجدي الله يرحمه مات من الفجعه ...
وعماني وابوي ... عارفين انها مظلومه .... ومادروا انها حامل الا بعد 6 شهور ...
وشالوها وراحوا المستشفى بيسقطونه ...
بس رفض المستشفى لانها ... توها صغيره وراح يعرض حياتها للخطر ... يعني احتمال تموت ...
وحلفت عليهم امهم مايقربونها ....
بعدها .... انجننوا عماني بس وش يسوون ؟؟؟
خافوا جدتي تلحق جدي ....
وحاولوا عماني الين جابوا عنوان عبدالرحمن ذا ...
وزوجوه ... بالغصب ..... بس عشان الناس
واصروا عليه يسجل فايز .... بكرت العايله عنده ... غصب
يسير ولده بالقوه ...
نوف: ول ول ول .... خطيرين عمااني موب هينين ..
ساره اصبري :: جايتك الهرجه ...
تخيلوا تزوجها .... ولا جاها ... ابدا بس اسم
ولا حتى شافها ....
الين وولدت ... طبعا هي ولدت فايز ع 7 شهور وقعدت هي وولدها في المستشفى اربع شهور طبعا محد داري من جماعتنا
يحسبون حنان مع زوجهاا ....
بعد طلوعها من المستشفى ب3 شهور ... طلقوها من الحقير
هو انجن .... يبيها ... بس ماقدر !!
قعد يتعلل بالولد :: قال ابي ولدي ....
وشاته ابوي احمد :: قال انقلع بس .... ماكنت داري عنها الين جبناك بالغصب الحين تبي ولدك يالمخيز << ساره :: صح كأني صوت ابوي
البنات يضحكون :: وهم متوترين
ههه
ايه ايه بس كملي ........
الجازي : يالله ماشاء الله عليها عمتي قويه
شلون تماسكت ...
نوف: اهبي ,,, اثريها خطيره
قالت ساره: شفتوا ..... والحين عايشه حياتها كأنها بنت في عز شبابها ... ولا اثر في حياتها هاذا الحدث ,,,,
ريم :: انا اقول شجونوه ,,, على مين طالعه اثاريها جايها عرق من خالتها بنت الكلب ....
الجازي : تخسي شجون ,,,,خالتي انسانه ناجحه
شجون معقده من المعاقين اللي قاعده تكمل البكالوريس فيهم ما الت .....
مها : يالله يصير فايز ........................
ساره ::: جب ولا كلمه ... فايز ماله ذنب ولا خالتي بعد
ولو لهم ذنب كان جدتي نشميه .... اول من قتلهم
تعرفونها مطوعه ماشاء الله عليهم بس ....
ريم : نفسي تحبني جدتي زي الرباعي الغوالي عندها
الجازي : ههه
حنان فايز شجون فيصل ...
هذولا لاحد يتكلم فيهم عند جدتي ,,,
البنات ::: ماتوا ضحك ....
ههه
نوف: ياحظ من حبته جدتي,,, عز الله انه رابح
فلوس ودلال ,,, واعذار .....
الجازي : طيب ماقالت لك ليش سافرت لندن ؟؟؟
هاه ؟؟؟
ساره ؟؟....................الا
راحت لأن طلع في رحمها مرض خبيث .... وراحت هناك تتعالج وظلت 5 سنوات ... ودرس ولدها ...في مدارس لندن
عشان كذا .... طلع الحلو فايز بلبل في الانجلش ...طبعا كان معها ابوي .... ياليتنا رحنا معاه ...
ريم :: آآها .... عشان كذا ...
نوف :: كان كل شي فيه حلو ... الا طفولته صعبه مره....
قطع كلامهم صوت الشغاله ::: الساعه 11:30
يبغى عشاء مدام نووف؟؟؟؟؟؟؟؟
نوف :: تصرخ:: انقلعي وراك مانبي الحين
ساره : صدق بنات انها صدمه بس امانه خلوه سر لا يطلع
ومادروا ... الا صوت ضحك .... برا في السور ...
البنات كلهم ركض .... ع الشباك ...
اكيد اكيد فايز ....
طالعوا الا فايز واقف مع وليد ...
وليد:: احلف
فايز :: وربي بس انزل اغراض حنان واجيك
وليد اوك بجلس استناك ......
وليد((يغني .. وهو جالس على كرسي عند المسبح ))
ويلاه ضاق الصدر ... وماقدر يسأل علي ويلاه
((انتهى))
استغفر الله العظيم ............... ملاذ*

"الجزء الثالث"
في بيت ام فارس
شجون::هلا والله محسن...........
محسن::هلابك شجونه حبيبتي شلونك....
شجون::بخير متى ترجع انت ؟؟؟؟؟ مشتاقيين لك وربي البيت من دونك مايسوى!!!!!!!!!
محسن:: ياروحي انتي بعد شهريين ان شاءالله بنجي نأخذ اوراق مهمه انا وراشد
شجون:: واي <<طايره من الفرحه>>ماني مصدقه"
محسن:: ايوه ان شاءالله بس كيف امي وفارس صاحين اللحين
شجون::بخير ياقلبو لامو صاحين نايمين بس انا اللي صاحيه....
محسن::انتي لوحدك ليش مارحتي لبنات لخالي...
شجون::ماأحب اروح لهم احس أزعجهم
محسن::با العكس عادي بس انتي ليش تفكريين كذا!!!!!!!!!!
شجون::خلاص محسن انا كذا مرتاحه...
محسن::زعلتي مني!!!
شجون::لا ازعل من الدنيا كلهما الا انت
محسن :: اشوى!!!!!!!!!!!!!
شجون::كيف الجو عندكم
محسن::يوه برد مره
شجون::تدفئ زين .. انا خابرتك تحذف كل شي قدامك وتنام عادي
محسن::ههه هذا انا مااتغير
شجون تسمع صوت واحد ينادي!!!!
حسون حسون
محسن::ياس ياس رشود وش بغيت؟؟؟
راشد::بطلع للكوفي ...استناك هناك...
محسن::خلص خلص..روح لاتنتظرني بكلم شجون اختي وبنام....
راشد::وقف قلبه..لما سمع صوتها..وجاء يمشي لانه يحب شجون وواحشته""
جلس جنب محسن..
محسن::هيه وش غير رايك؟؟؟؟؟
راشد::خلص غيرت رايي..ماني رايح اللحين الجو مايسمح ضباب مااشوف شي...
محسن::انا قايل لك من اول بس انت الله يهديك لازم تعند شوي ههه
راشد::ههه وش اسوي عاد من ولدت وانا كذا
شجون جالسه تتسمع على سوالفهم وتبتسم ياربي اش كثر يحبون بعض..
شجون::محسن محسن
محسن::هلا سوري شجون بس راشد لازم يخرب علي مقهور مااحد يكلمه ههه
راشد::ههه
شجون::ههه لاعادي!!!!!!!!بس خالتي حنو تدق علي...
محسن:: اجل يلا مع السلامه سلمي عليها وعلى امي وفروس...
شجون::ان شاءالله يلا مع السلامه.............
وع طول ردت ع خالتها....
شجون:: هلا وغلا؛؛؛
حنان::انتظار مع مين هاه؟؟؟؟
بسرعه عشان اعلم امك...
شجون::ههه مع محسن—ويسلم عليك؟؟؟؟
حنان::الله يسلمه عاد هذاك قاطع مايدق علي..الله يخلي لي فارس...
شجون:: معلش خاله اعذريه ..وربي مشغول
حنان::معليه معليه صبره علي!!!اذا رجع....
المهم وينك فيه اللحين؟؟
شجون::في البيت ,,ليش؟؟؟
حنان::حلو ابغاك تجين اللحين........ تشوفين فستاني اللي شاريته للزواج اخو صديقتي,,,,؛,,,,
شجون::اوكي جايه لك اللحين بس القاك لابسته....
حنان::علي اللحين بس تعالي قبل امي تصحى وتتجنني بالاسئله.............
شجون::باي
وسكرت السماعه... من خالتها
وفتحت الكبت وطلعت لها بنطلون جنز ,, برمودا وبلوزه صفراء طويله شوي .. وضيقه للاخير ..وعليها رسمة شفاايف حمراء.. ومشطت شعرها ... وخلته سايح مالمته .. ..
ولبست عباية البشت ... وسوت لثمه وطالعه عيونها وسيعه وتذبح .... وتطيح الطير من السماء... بأختصار عيون فاتنه ...
واخذت الجوال في يدها ... وسكرت نور الغرفه ومشت
وقاعده تنزل درج وتعدي واحد مستعجله ,,, لخالتها
.................................................. .........................
((بيت ابو مشعل ))
ساره تلبس عبايتها يالله بنات بنروح البيت تأخرنا ...
الجازي :: هي انتي وين ... بدري اجلسوا الين فايز يطلع من العماره عشان نطلع معكم نشوفه من قريب
ريم:: وانا اقول ...آثاريك بتجلسينا بس عشان فايز
الجازي :: لا وربي بس بضرب عصفورين بحجر واحد
ساره: لالالا احسن .... نرووح الحين عشان مانحرجه عند خويه.
مها: احسن ومنها نآخذ رقم خويه الاسمراني ...
وآآآآآآآآآآآآآآآآآآي يجنن .... الله لا يلوم نجوى كرم ...
يوم تقول عاشقه الاسمراني ..
نوف::: حلوه .... ههه
وفي يدها عبايتها وعباية الجازي يلا خذي عبايتك ... خلصيني
....... طلعوا البنات كلهم مع بعض واول مااخرجوا طلع فاايز
من البيت ومعاها عصير سيزر ... له ولوليد
مد على وليد العصير .... خذ حق الضيافه ...
وليد: تسلم .. حبيبي.
فايز: جلس وقعد يطالع اتجاه بيت خاله ابو مشعل
طبعا(العماير كلها مقابله للمسبح الكبير))
وليد:: هو ... من ذولا ؟؟؟
تعال :: عندكم زواج ,,,,,؟؟؟
فايز :: زواج ؟؟ ليش
وليد :: والجيش ذا وين رايح ................؟؟
فايز :: ماسك نفسه ... يبي يضحك هذولا بنات خالي
وليد: يصفر..... ياهو
والبنات (( لا ارادي كلهم طالعوا ))
طالع فايز في وليد ...... نظره قويه ........
وليد: نزل راسه ... تفشل من فايز
نووف:: ياويلي يابنات .... طالعوا فايز يجنن .... حتى بلبس البيت شكله خوقاقي ...
ساره :: آآآآه بس ... وش اقول
مها :: الحلو .. اللي جنبه بس ... ياويلي ابي رقمه ..ورافعه صوتها متعمده
وليد : سمع كلامها بغى يطيح قلبه اول مرره يسمع بنت تعجب فيه
ريم: بنات هي هي ... استحوا امشوا وش بلانا واقفين كأنا نسستنى احد ... رجولي تعبت
البنات ::: ضحكوا .........
ساره:: ماتدرين وانا اختك ... فايز مخرب حركة السير
ههه
.................................................. .........................
وأثناء ماهم يمشون ... الا شجون طالعه من البيت بعد ماسخنت العشاء لفارس ....
انقهروا البنات :: وين راايحه وش مطلعها هالحزه ؟؟
الجاازي (تغلي لما شافت شكلها)
:: اكيد اكيد سمعت صوتنا... مرت من قدامهم .... ونظرات فايز تتبعها الين دخلت البيت ....
وليد:: ياهو .... البنت دخلت من 5 دقايق..
فايز:: بضحكه .... ادري ...
وليد:: معجب ؟؟؟
فايز:: كل شي عندك اعجاب
وليد:: ماادري عنك ... نظراتك فيها شي ...
ومايمديهم خلصوا حوار ... الا البنات تفرقوا ... ودخلو بيوتهم ....
.................................................. .........................
((بيت ابو مشعل))
نوف والجازي يتسابقون على الدرج ... بيطلعون السطح .... عشان يشوفون فايز برواقه...
الجازي :: شوفي ...... شوفي ....
نوف :: وش اشوف
الجازي : دخل بعد شجون ع طول
نوف: يوه منك ... يمكن يبي شي ...
ع بالك بيطارد شجون من زينها ... عاد ....
الجازي :: ماادري بس ليش دخل بعدها ع طول ,,, وشوفي وليد للحين برا ...... خلاه وراح ...
.................................................. .........................
((بيت الجده))
شجون وخالتها حنان يسولفون ....
شجون:: يالله وش هالزين ياخاله ,,, يجنن ...
يجنن ... تعالي تعالي بكم شريتيه ....
حنان:2000
حنان:: بس شرايك شراايك بالجزمه .... حركات صح؟؟
شجون :: خطيره ... من جد ذوق
حنان تلف وتدور على نفسها ... وفعلا الفستان كان روعه
اخضر ساتان .... هادئ جدا .... بدون اكمام ومطرز بالكرستال على الصدر ..... والباقي ساده طويل .....
حنان: تخيلي شجونه فايز لما شافني خق علي مره
يقول مو معقول هاذي امي ... يقطع سواليفه .....
شجون :: وآآآآي مسكين ماالومه .. حارمته من هالزين
كله بس تطبخين .....
حنان :: ههه ... وتشد شجون من يدها تعالي بذوقك حلا تووحفه.....
شجون:: طيب طيب لا تشدين
وراحوا للمطبخ ... وفسخت شجون عبايتها ...
خاله ::: فايز موجود ؟؟؟؟؟
حنان :: لا مو يمك ... وليد عنده برا ...
شجون:اشوى ... عشان آخذ راحتي ...
((فايز واقف برا في الصاله يستنى امه تطلع من المطبخ ))
وفعلا ابتسم له الحظ وطلعت حنان من المطبخ وراحت تفسخ ملابسها فوق والجوال على اذنها ... ماانتبهت له ))
تنهد فايز ... الحمدلله
دخل فايز المطبخ بسرعه .... وبخطوات عجله ... خايف تشوفه امه .....
لما دخل ... شجون كانت تأكل ماانتبهت له ...
شجون: هاه ... خلصتي مسرع ؟؟؟
ماامداها تكمل الا اللي قدامها فايز مو خالتها حنان ..
فاايز: م .... مساء الخير ((حيل حيل تلعثم مايعرف يكلم بنت ابد))
وزاد على كذا ان شجون بعثرت كل شي فيه بجمالها
شجون: .................................
فايز::....كيفك ؟؟؟؟
شجون:...............................
تطالع فيه بنظرات استصغار ....
مره ماتوقعته .... كذا
(((وطبعا عايلة آل محسن كلهم البنات مايكشفون عند اولاد عمهم ولا يكلموهم ))زي اغلب العوايل السعووديه
فايز:: ك ... ك ... كيفك ؟؟؟
وش بلاك ماتردين ؟؟؟
شجون:: بخ..ير
وقامت بسرعه تبي تلبس عبايتها ...
شدها فايز من كتفها .... تعالي وين رايحه ؟؟؟
شجون تطالعه.................................
وهي مرتبكه حيل ((تقول في نفسها شكله شارب شي))
وش تبي ؟؟؟
فايز ::: ابتسم بخبث وقال :: بس بقولك اني احبك
وشجون لحظتها ولعت من القهر ... شلون يتجرأ يقول كذا
وتحركت بسرعه وتلبس العبايه مقلوبه .. من الربكه
فايز:: م ... طيب ولا تزعلين مااحبك ..
بس بس بس اعزك شوي عشان جدتي نشميه .. وهو يضحك قالها ..
شجون:: ياويلي رووح روح .... خالتي .. جت ...
فايز :: ارتبك.....ولف وراه الا امه داخله .. وحاطه يدها على خصرها ... فايز ؟؟ وش تسوي هنا ؟؟؟
فايز:: نزل راسه ... ولا شي ... وطلع بسررعه تهرب من امه
حنان :: شجون لا تواخذينه ... شكله ماانتبه ... يمكن يبي طفايه لوليد ...
شجون:: عادي عادي ... ماسار شي .. اصلا لما دخل انا كنت لابسه عبايتي بروح ... للبيت
حنان:: وين وين ؟؟؟ مستعجله مره ....
حتى ماقلتي رايك بالحلى ...
شجون :: حلو ... واخذت جوالها من الطاوله ومشت ...
حنان: لالا .... شجون مايسير مالحقت اجلس معك وش بلاك ؟؟؟
شجون:: تعبانه بحاول اريح ... تعرفين عندي جامعه ... ودوارة راس
حنان ::: قهر ... تعوضيني مره ثانيه
وتصبحي على خير ... حبيبي ,, سلمي على امك اذا لقيتيها صاحيه ....
شجون : وانتي من اهله ... وين صااحيه؟؟ الله يهديك ...بس ههه
حنان:: ياربي ,,, اشك انها توأم امي .... ماينام بدري الا هم ...
شجون: ههه... بس بس لا تحشين بأمي
فتحت الباب وطلعت ...
ولما شافت فايز ووليد .... برا .. رجولها ماعاد تحملها ...
جت ترجع .... بس خالتها سكرت الباب وراها ...
ومشت وقلبها .... اثقل من جبل عليها ...من شدة التوتر
والخوف ... خصوصا انها شافتهم يضحكون ويطالعونها ...
وقام وليد من محله ... وطلع قال تصبحون على خير .. وهو يضحك ...
وقام فايز بعد .... وراح لشجون يمشي مقابلها ...
ومروق مره ... يقول في نفسه ((جيتي والله جابك))
شجون: تلعن اليوم اللي راحت فيه لخالتها ... من دون امها
فايز :: هلا والله شجونتي ... كان قريب منها مره...
شجون: تسمرت في مكانها .... وخصوصا انها اول مرره تشوف فايز يطالع بنت ... قالت ذا اكيد مو صاحي ؟؟
شجون: وخر ... عني ...
فايز:: حط يدينه على كتوفها ومسكها
قال :: وش بتسوين؟؟
شجون:: فايز .... بعد .. عني ....
فايز::: ياويل قلبي يجنن اسمي من فمك ... بالله عيديه ؟؟
ثاني ... ثاني ... عشان اخليك تروحين ..
شجون كلش ولا الواحد يستضعفها
ودفته ... ياكلب ... ياكلب والله لاقول لامي
وهي تبكي .... وراحت تركض ...
ورافعه عبايتها ... ومبين ساقها البيضااء ....
فايز::: حتى وانتي مقفيه دمار ... انتبهي لنفسك ياحلوه ...
شجون : تركض وهي تبكي ... وللحين تحس انه ماسكها
تحس بثقل يدينه على كتوفها ....
الله يلعنك ... ياوقح ... لو مادفيته عني كان رحت فيها
وعاد برا ... مايستحي .. على وجهه ...
يارب مايكون احد شافنا ... آآآآآآآآآآآه ......
النساء نصف الحياة الا النساء كل الحياة
آآآآه يااسرار الخوات آآآه ياأحلام البنات... يمشي ,,, ويترنح
وحاط العقال على الراس والغتره على كتفه ....
مشعل ::: وهو يغني .... فوزي ....؟؟؟
وش عندك برا ... لحالك ؟؟؟
جدتي نشميه فيهاا شي ؟؟؟
فايز:: لالا بس كمل الاغنيه ... برسلها لاريام
لان لو سمعتك تغنيها ,,, اعتزلت ,,,, بلا رجعه
مشعل :: ههه ... بلا شك بلا شك ياحبيبي ..
ارياام ومحمد عبده وراشد ... كلهم يجون يعلنون اعتزالهم في مجلس جدتي نشميه اذا سمعوا صوتي ...
فايز :: ههه .. مات ضحك
الله يقطع سواليفك .... عيار ...يامشعل
مشعل : طالع عليك .. العرق دساس ...
فايز :: اقول انقلع بس ...
مشعل:: تصبح على خير
فايز: وانت من اهل الخير ....
مشعل يكمل الاغنيه وهو يمشي ... النساء ....................................<<
.................................................. .........................
الجازي :: تهدي في نوف اللي مو مستوعبه .. ابد
نووف:: معقول يحبها ... لالا مستحيل اصدق
الجازي : يمكن فتنته بلبسها وشكلها .... او هو شارب شي اصلا فايز مايطالع البنات
نوف: انتي تضحكين على نفسك والله انها قاعده تهاوشه ..
تقوله ياكلب ... انتي ماتفهمين ؟؟؟؟
الجازي :: ياخساره ... ياساره .. مسكينه كل يوم تدور له اعذار وش بتقول .. لو شافت اللي شفناه ..
نوف : كل يوم احاول اجذبه ,, بشياكتي ولبسي وصوتي
اذا خرجت للجامعه الصباح ...
ولا يكلف على نفسه بنظره ... والحين ماسك في البنت \\
لالا ... شكلها .... مغناطيس مو بشر ... كل اللي حولي ينجذبون لها ,,, على ويش مأأدري ,,, وهي اقل جمال وشياكه منا ....
الجازي :: صح سبحان الله ... ملعونه .. الله يآخذهاا بس ...
.................................................. .........................

اهلين وسهلين..حبايبي اليوم نزلت لكم بارتين اتمنى الاقي تفاعل..عشان أقدر أكملها
قراءة ممتعه

روعه الروايه الله يخليك كمليها

مشكوره حبيبتي مرورك الاروع..ان شاءالله بكملها اذا شفت فيه تفاعل

مرحبا راح انزل البارت الرابع..وان شاءالله الاقي تفاعل..