روح علي

1. السلام عليكم


2. شخصيات القصه ..


3. سلمى : يم يم .. اوكي .. دقايق وانا عندكم ..


4. راحت سارا واهي تركض على الدرج ..


5. سلمى : حمود ادخل معاي مابي اروح بروحي اخاف ..


6. مريم : ما يامر عليك عدو .. باي


7. سلمى : بايات ..

السلام عليكم

شخصيات القصه ..

الجد .. عباس .. متوفي من كم سنه .. زوجته ام عبد العزيز .. زهرة .. مره كبيره في السن .. ساكنها مع آخر اولادها يعقوب ( 22 سنه ) يدرس هندسه في كلية الملك فيصل .. يعقوب كان يعتبر من احلى اخوانه .. عريض ووسيم .. عيونه مدوره وحلوه .... شفايفه مزمومه نوعا ما .. شعره شوي خشن عشان كذا ما يطوله ..
عايلة عبد العزيز : عبد العزيز بو علي .. اكبر اخوانه .. ( 50 سنه)دارس ويشتغل في كندا.. رجال كبير .. بس حلو وملامحه يبان فيها الجمال برغم كبره .. متزوج عن حب .. زوجته آمنه ..(45 سنه) ..
عياله : علي : اكبر اخوانه ( 24 سنه ) درس طول حياته برا ومخلص دراسته هالسمستر آخر سمستر له .. دارس هندسة اجهزه طبيه .. طويل ..جسمه معتدل .. حلو يخبل ... عيونه واسعه وحلوه لونها بني غامق.. فمه صغير ومكتنز .. حنطي .... شعره عادي مايل للنعومه بس كان شكله حلو ( حركات الجل )
فاطمه : (18 سنه ).. مغروره وتعتقد ان أي احد عايش في دوله عربيه شخص متخلف .. وتعتقد ان الناس العرب يفكرون بطريقه رجعيه .. شكلها حلو .. بس مو حلو اكثر من العادي .. كانت مليانه شوي .. وتقص شعرها بوي .. والخروق ماليه جسمها ( اذنها 4 خروق وفي لسانها وحده وانفها وسرها )
عبد الله : (15سنه) .. يموت على البلاي ستيشن والكمبيوتر وحياته كلها تتعلق بالأجهزه ( الآي بود على طول معاه والجوال في جيبه والاب توب وين ما يروح والتلفزيون في غرفته )
حنان : (4 سنوات) همها في هالدنيا اللعب ..
عايلة احمد :
احمد : بو محمد .. ( 47 سنه ) يشتغل في شركه للعايله اسسها ابوه وتابع ادارتها بعد اهو واخوانه الصغار .. عيونه عاديه شوي بس حليوه وفاتحه .. وابيض .. طويل .. اطول اخوانه .. يحب الشغل ..
زوجته : امل ( 44 سنه) ام حنون وزوجه عطوفه .. مافي مثلها بالدنيا ثنتين ..
محمد : اكبر اخوانه .. (23 سنه) ..يدرس في جامعة الملك سعود بالرياض ويزور اهله اكثر ايام العطل ( بالويك اند ) .. انيق يهتم واجد بلبسه وسيارته وغرفته وكل شي .. وشكله بعد حلو ..
سارا : اول بنوته للعايله ( 19 سنه ) تدرس في كلية البنات بالدمام .. لغه عريبه .. تحب الدراسه وتموت على شي اسمه النحو .. حلوه .. مملوحه .. تلبس نظاره .. شعرها قصير الى آخر رقبتها او اطول شوي ... حنطيه ( غير اخوانها كلهم ) بس لونها كان يناسبها يعني لو كانت افتح ما بتكون بنفس الحلاوه ..
سلمى : احلى اخونها او بالأصح احلى وحده من بنات العايله .. (17 سنه) خفيفة دم .. بس دلوعه وتزعل شوي بسرعه لأنها متعوده على الدلال .. بس ذكيه وذكائها يبينها اكبر من عمرها لكن بس تشوف شكلها تحسها صغيره .. كانت فيها برائه مو طبيعيه .. طولها معتدل .. شعرها بني غامق يوصل لأطول من نص ظهرها ..وناعم سايح سايح ( عقدتها في الحياه انها ما تقدر تسوي فيه شي في المناسبات ) عيونها واسعه وحلوه .. ورموشها كثيفه .. جسمها حلو حلو حلو .. بيضا بشرتها صافيه .. كانت دائما تتمسخر من سارا لأن وجهها فيه حبوب .. وجهها مدور شوي .. فمها صغير كبر حبة الفستق .. (تشبيه بس ) .. تدرس في ثاني ثانوي علمي .. وتموت على الأنجليزي ..
نوال : ( 12 سنه ) تحب اللعب مع صديقاتها وتعشق التلفزيون ..
علي : آخر العنقود ..( 7 سنوات ) لعب × لعب × لعب
حسام : بوعبد الله .. ( 44 سنه ) يشتغل مع اخوه في الشركه ويشبهه واجد في شكله .. بس الطبع .. غير ..
زوجته : رمله ( 40 سنه ) (إماراتيه) .. تحب السوق والطلعات بس في نفس الوقت تهتم بعيالها ..
عبد الله : عبد الهادي ( 25 سنه ) توأم .. ثنينهم مخلصين دراستهم بس عبد الله خلصها قبل لأن عبد الهادي رسب في ترم واضطر يعيده ..
حسن : ( 23 سنه ) .. يدرس في معهد ويشتغل مع ابوه وعمامه في نفس الوقت .. عادي .. وجهه مدور .. ابيض .. مو ضعيف ولا سمين .. بس كان دايما كول وما شي ينرفزه ...
مريم : ( 17 سنه ) صديقة سلمى الروح بالروح وتدري انها تحب اخوها .. حلوه .. طيبه .. بس ما تحب الدراسه وهذا الي خلاها تدخل ادبي ..
عايلة ياسمين : ام عماد ( 38 سنه ) تزوجت من ولد عمها سعود .. تزوجت كبيره ..
عاليه : ( 19 سنه وشهور ) تقريبا نفس عمر سارا .. صديقة سارا .. وتدرس معاها ..
فرح : (17 سنه ) صديقة سلمى ومريم بس ما كانو يقولون لها كل شي لأنها شوي مشخل خ تقول كل شي حق امها ..
عماد :احمد : (15 سنه ) توأم .. احمد كسلان في المدرسه وعايد السنه مرتين .. اما عماد كان عادي .. يحب الدراسه بس مو لذاك الحد ..
عايلة ام امير : خالة سلمى ( 48 سنه)
امير : (24 سنه ) يحب الكتب والمطالعه .. عايش نص حياته في المكتبه ..
نوف : ( 18 سنه ) مخطوبه لعبد الله ولد حسام ( بو عبد الله )
شافها مره في زياره وطلب من اهله يتقدمون لها ..
جنان : ( 15 سنه ) نعيش وتحيا من اجل ستار اكاديمي ..
عبد المحسن : ( 7 سنوات ) صديق علي .. ونفس الشي : لعب×لعب×لعب
والحين قصتنا ...
" الطفوله احلى مافي هالحياه ..
مرحله من غير هم .. كنا دايم نبتسم ..
كنا حتى لو بكينا .. وضاقت الدنيا علينا .. بعض لحظان وثواني
بسمه فينا ترتسم .. "
وقفت سلمى الجوال ورفعت السماعات عن اذنيها .. وحاولت تنصت ..تهيأ لي اني اسمع امي تناديني !!؟!!
ما كانت امها .. كانت سارا اختها ..
قامت لها : هلا ساروه .. تبين شي ؟
سارا : امي تقول لك يلا انزلي تغدي ..
سلمى : شغدانا ؟
سارا : لحم مشوي .. بنتغدا برا في الحديقه الخارجيه

سلمى : يم يم .. اوكي .. دقايق وانا عندكم ..

راحت سارا واهي تركض على الدرج ..

وظلت سلمى تفكر في الغرفه .. بروحها .. بيت عمي عبد العزيز جايين بعد كم يوم .. ياالله !.. من زمان ما شفناهم .. من كم سنه ؟ ام .. اظن ثلاث ..اكيد تغيرو .. فاطمه بنفس عمري .. بس افكارها غير بالمره .. حنان النونو .. اكيد الحين كبرت وصار تتكلم وتمشي .. وعمها .. تحبه وتعزه واجد .. بس ما تشوفه واجد .. مع انه تكلمه على النت شوي .. بس بعد الشوفه غير..
والشين عبود .. كان احلى لعبه عنده انه ينكد عليهم .. بس اكتشفت انها ما تتذكرهم واجد .. كلهم انولدو في كندا .. وين ما ابوهم يشتغل .. علي .. ما تتذكره زين .. كان بس يجون يروح مع ربعه .. ما يقعد في البيت .. ولا يجي التجمعات العائليه واجد .. كانت تخاف منه شوي .. لأنه اذا جا بيت جدتها .. بس تلتفت له تشوفه يطالعها .. تحس انه غير الناس .. بس كانت تحترمه وكان يشد انتباهها احيانا لأنه كان حلو بشكل فظيع .. ولأنه كبير وكل اهلها يحبونه .. كان بيت عمها او فلة عمها بجنب فلتهم ( يجمعهم سور واحد مع فلة عمها حسام طبعا كلهم يحاوطهم )
فجأه قطع عليها حبل افكارها صوت التلفون .. كان ابوها يسوي لها نداء بالتلفون ..: سلمى .. سلوم .. تعالي حبيبتي يلا احنا برا بنتغدى ..
ابتسمت .. شكثر تحب هالسلوم من ثم ابوها ..تتذكرها دايما وهي صغيره .. كانت دائما تلعب بالباربي ! وما ترضا تتركها للغدا او العشا او النوم الا اذا جا غرفتها .. وراضاها .. كان يقول لها يلا سلوم .. ترا بزعل عليك ولا برضا .. وعلى طول .. تترك كل الي عندها وتروح معاه ..
قامت من مكانها واهي تثني اطراف بنظرونها عشان تركض .. تحس فيها لعب فيها نشاط فيها طاقه .. شلون ما تكون فيها طاقه واهي فرحانه .. اليوم كلمت حبيب القلب .. كانت متصله على اعز صديقاتها .. مريم .. دقت على جوالها بس ما ترد .. جربت البيت ورد عليها ..
حسن : الو
سلمى طار عقلها : الو .. السلام عليكم .. قوه حسن ..
حسن : اهلين سلوم .. شخبارك ؟
سلمى( انخبلت .. الله .. يقول لي سلوم) : تمام .. شلونك ؟
حسن: الحمد لله بخير .. تبين مريم ؟
سلمى : ايه الله يعافيك .. تقدر تناديها ؟
حسن : ام .. اقدر .. بس المشكله هالدبه راقده وتعرفينها اذا رقدت يصير جبل طايح عليها .. ما تقعد الا بالموت ..
سلمى : ههه .. اوكي .. ( بخجل ) مشكور .. مع السلامه
حسن :الله يسلمك ..
رجعت سلمى الى ارض الواقع وكانت في آآخر عتبات الدرج .. وبنطرونها رجل بعدها مثنيه ورجل انفتحت .. وكان طويل عليها .. وبدون ما تحس حطت رجلها بالقوه عليه .. وزيط .. اتزحلقت فيه ..
طاخ طاخ طاخ .. آآآآآآآآآآآآآآآآآآآآآآآآآآآآآآآآآآآآآآآآآه ..
حست بوجع شديد في رجلها .. في الساق .. وقامت تصرخ وتصيح ..: يبا .. يماه .. آآآآآآآآآه .. رجلي ..
ما احد انتبه لها .. كانو في مكان بعيد برا .. نادت الخدامه وقالت لها تروح تنادي ابوها او محمد .. راحت الخدامه ..
الخادمه : مستر احمد .. مستر محمد .. سلمى في يطيح على درج قول انا نادي مستر احمد مستر محمد ..
طارو الأثنين لها بس محمد وصل لها قبل لأنه اسرع وجاو وراهم امها وسارا ونوال وعلاوي ..
محمد يمسكها : سلومه عيوني شصار ؟
واهي تصيح وتتعصر من الألم الي في رجلها : آآآآي محمد بموت .. رجلي توجع .. طحت على الدرج .. احسها تكسرت
بو محمد : بسم الله عليك ان شاء الله ما فيها الا العافيه .. لا تخافين .. محمد ..
محمد : سم يبا ..
بومحمد : خذ اختك ودها المستشفى خل يشوفون رجلها شفيها ..
محمد : ان شاء الله يبا ..
وساعدها تقوم وراحت سارا تجيب لها عباتها .. وساعدتها تلبس واهي للحين تصيح وكلما له الوجع يزيد عليها .. طلعها محمد وركبها السياره في الكراج .. وطلع فيها
سلمى : حمود توجعني آآآآآآآي .. شسوي احس اني بموت من الوجع
محمد : ههه .. ما بتموتين سوسو .. لا تخافين وانا معاك ..
سلمى : والله لولا الوجع ولا كان ما رحت المستشفى .. يع .. محمد لا تهدني بروحي معاهم وتروح .. خلك معاي اخاف منهم هالوحوش ..
محمد : خ .. شوحوشه ؟؟ هذا جزاهم يعالجونك ؟ صج ما تنعطين وجه !
سلمى : ايوا وحوش .. اصلا حتى في دراستهم عادي عندهم يشوفون اموات .. يما ..
محمد : اجل شلون تبينهم يتعلمون يعالجون الناس ها مع هالخشه ؟
سلمى كانت بترد بس تحركت بالقوه وظربت رجلها وهي ما تدري وصرخت : آآآآآآآآآي ..
محمد : ههه .. تستاهلين يالبومه ..
سلمى : حميدو يالزفت .. انا يوجعني وانت تقول لي تستاهلين .. هذا وانا واختك اجل لو عدوتك شلون ؟؟
محمد : هذا وانا ماخذك المستشفى الحين .. زين مني ما خليتك في البيت تتوجعين ليما تعفنين ..
سكتت .. مالها خلق تتناجر معاه واهي تتوجع ..بس زعلت .. شيعني ؟؟ يتمنن علي انه جابني !.. اصلا كنت اقدر اروح مع ابوي ولا السواق ..
وصلو : يلا سلومي نزلي وصلنا .. اجي اساعدك ..؟
سلمى : مابي انزل .. ودني البيت وخلني اتوجع ليما اتعفن ..
محمد بصدمه : افا سلوم .. شايله علي ؟؟ علي انا محمد حبيب قلبج سلوم ؟
ما ردت ..
محمد : يلا عاد سلومي خلي الدلع وعطيني يدج خل انزلج عاد ..
ساعدها ونزلت ..
محمد : عفيه على الشاطره .. تبين حلاوه ابله ؟
سلمى خلاص .. وصلت لراسها .. يتمسخر مع وجهه .. يعني انا ادري الموقف ما يستاهل بس بروحي تعبانه من رجلي وابغي اصيح يجي هو ويزيد علي ..
قامت تصيح .. وكتوفها تهتز .. تورط محمد .. اوف .. شسوي فيها ... ياريتني ساكت وبالع تبن احسن لي .. الحين البنت متعوره وحالتها حاله اجي انا ازيدها ؟؟ !! .. صج ما عندي سالفه ..
محمد : آسف سلمى .. خلاص لاتصيحين .. والله ما اقصد ..
سلمى : خلاص ما عليك مني .. بس خلهم يحطون لها أي جبس أي زفت ونرجع ..
سكت محمد .. دخلو قسم الطوارئ .. صوروا رجلها وقبل ما تدخل غرفة التصوير

سلمى : حمود ادخل معاي مابي اروح بروحي اخاف ..

محمد : ليش تخافين شمنه ؟ بياكلونج ؟.. وبعدين ما يصير ادخل .. الغرفه ما يدخلها الا المريض حق التصوير وبس .. حتى النرس بتكون في غرفه ثانيه ..
دخلت الغرفه .. كانت غرفه كبيره فاضيه تقريبا فيها طاوله كبيره بالنص .. كأنها طاولة بلياردو .. وفوقها جهاز .. وفيها جدار يعزل الي يوقف وراه عن الأشعه الي بالغرفه .. دخلت النرس وطلبت منها تقعد على الطاوله .. وتمد رجلها وبس لمستها النرس صرخت سلمى .. ضبطتها النرس وطورتها وطلعوها من الغرفه .. وطلعت رجلها مكسوره .. جبسوها واهي كانت قرفانه من الجبس الي كان بعده رطب ما جف .. بس خف الوجع عليها .. ركبت السياره مع محمد .. واهو يساعدها .. نزل المقعد لورا عشان تنسدح شوي .. كانت تعبانه شوي وراسها يوجعها من الصياح والصراخ .. غمضت عيونها .. كان الطريق طويل نوعا ما للبيت .. وفجأء وقفت السياره .. رفعت راسها شافت محمد يطالعها و يبتسم .. طالعت برا السياره .. ما كان البيت .. كان باسكن روبنز .. طالعته وضحكت ..
سلمى : حبيبي حمود والله .. احلى اخو في الدنيا ..
محمد : ادري انج منافقه وباكر بتقولين لي شكرهك بس ماعليه .. بدال الطيحه ..
سلمى : ههه .. اوكي بس ابي ميلك شيك وايسكريم فانيلا و شوكليت ..
محمد : اوكي .. انتظريني هنا ..
وراح داخل المحل ..
دق جوالها .. طالعت الشاشه .. تاج راسي يتصل بك ..
رفعت السماعه ..
سلمى : هلا بابا ..
بومحمد : ها سلومه .. شخبار رجلك .. عساها ما انكسرت؟
سلمى : امبلا يبا ؟؟ يع حطو عليها جبس
بو محمد : يع ؟ .. ليش يع اهو الي يطيبها ..
سلمى : أي بس للحين احس فيه رطوبه ما جف زين ..
بو محمد: ما عليه يبا .. شوي وينشف .. وينه محمد ما يرد على جواله ..
سلمى : مادري عنه .. لحظه كأنه هذا هو جواله (رفعته وطالعته ) أي يبا هذا جواله جنبي بس مطفى شكله مخلص الجارج..
بومحمد: ايه .. قولي له يعبيه في السياره عشان بس تجون بنروح نجيب بيت عمك من المطار ..
سلمى بصدمه : والله ؟
بومحمد : عيب يابنت .. يعني انا اكذب عليك ..
سلمى : ههه .. لا محشوم يبا .. بس تفاجأت .. انتو قلتو بعد كم يوم ..
بومحمد : لا .. خلصو اشغالهم ودراستهم وقدمو موعد جيتهم ..
المهم .. قولي لمحمد الي قلت لك عليه .. وردو البيت بسرعه ..
سلمى : ان شاء الله يبا ..
وسكرت عنه ورجعت تفكر .. اوف .. انا ما فكرت ! الحين اذا جاو بيت عمي بضطر اذا جيت بطلع البس عباية الكتف اذا جيت اطلع الحديقه .. اوه .. شهالقيود !!!
وفاطمه .. بضطر اقابلها طول اليوم .. وعيالهم عفسه وحاله طول اليوم .. شهالحاله .. !
جا محمد دخل السياره .. وهو يقول : احلى ميلك شيك لأحلى سلمى في الدنيا ..
سلمى : ياي مشكور حمودي .. حبيب عيوني انت ..
محمد : يع .. شمصخك .. زوجك انا ؟؟ اول حبيبي والحين حبيب عيوني .. شبقيتي حق رجلك ..؟
سلمى ووجها انصبغ : مالت على وجهك مو كفو احد يشكرك ولا يقول لك كلمه حليوه ..
محمد : خيخيخيخيخيخيو .. احرجتها ... ويو ..
سلمى : انقلع بس ..
محمد : ها سليموه .. لا تخليني اخذ الميلك شيك منك وآكله واخليك تطالعيني وتموتين قهر ..
سلمى : ها ؟؟ لالالا يحليلك انت حمود ما تسويها اصلا شاطر انت .. ما في ولا احد احلى منك .. بطل .. قمر .. جميل ..
محمد : هههاي ... والله انك خبله ..
مدت سلمى لسانها له واهي تفتح الكوب وتبتدي تاكل منه بنهم ..
وبعد فتره قصيره ..
سلمى : يوه محمد .. نسيت .. ابوي قال حط جوالك في الجارجر في السياره لأن بس نرجع بتروحون المطار تستقبلون بيت عمي ..
التفت لها بدهشه : بيت عمي ؟؟ مو اليوم بيوصلون !!!!!!!
سلمى : امبلا .. يقول ابوي قدمو موعد سفرهم ..
محمد : اها ..
وركب الجوال في السلك ..
وصلو البيت ودخل محمد الكراج ..
محمد : اجي اساعدك سلموه ؟
سلمى : ايه .. ما اقدر اسحبه بروحي .. ثقيل ..
جا محمد لها بيساعدها وبالغلط جا بيمسكها وحط يده على خصرها .. وقامت نقزت من مكانها ( ما تتحمل ) .. ارتاع منها محمد وبلق عيونه عليها ..
سلمى : لا .. ههه ..
محمد : بسم الله شفيك سلمى انجنيتي ؟
سلمى : لا .. بس خصري لمسته .. ما اقدر ..
محمد : الحمد لله والشكر ( وبصوت واطي ) مادري شلون بتتزوج هالبنت !؟!
بس سلمى سمعته .. وانقلب وجهها .. موبس احمر .. صار بنفسجي
ولا اراديا تخيلت حسن ماسكها من خصرها .. يع .. شلون بتزوج انا ؟؟ ما اتحمل عاد الا خصري ما اتحمل ..
ساعدها محمد ودخلها البيت .. كانت امها في الصاله ونوال اختها .. وسارا فوق تذاكر .. وعلاوي يلعب برا كالعاده ..
قعدها معاهم وعلى طول امها قامت لها ..حظنت امها وقعدت ..
ام محمد : ها يمه .. خلاص ما توجعك الحين ؟؟
سلمى : لايمه ما توجع .. بس الجبس ثقيل واجد ..
ام محمد : ماعليه .. تتعودين عليه .. يخف شوي شوي .. محمد .. كم قالو بتتم مجبسه ؟
محمد : 3 اسابيع ..
ام محمد : خير ان شاء الله ..
وراحت فوق .. وجات نوال جنبها ..
نوال : سلمى ..
سلمى :هلا نوول ؟
نوال : يوجع ؟ ..... وتأشر على رجلها ..
سلمى : لا عادي ..
قامت عنها نوال وراحت فوق .. شوي ونزلو ابوها ومحمد .. طالعتهم واهي تبستم
بومحمد : ها سلوم .. تكسرتي يالشايبه ؟ ههه
بوزت وقالت : افا .. انا شايبه يبا .. اهئ اهئ .. بصيح ..
( تمزح)
بومحمد : ههه .. لا حبيبتي انتي مو شايبه .. انا الشايب ..
سلمى رفعت صبعها وكأنها تهدد : نعم ؟؟ ومن الي يقول انك شايب .. خل اموته .. انت شباب واحلىشباب ... احلى من هالمسخ الي واقف جنبك كأنه جدار .. وتمد لسانها لمحمد
محمد : نعم ؟؟ ياحماره سليموو .. انا شايب ؟ شكلك بتخليني اجي الحين اكسر لك رجلك الثانيه ..
سلمى : يبا شوفه .. ترضا يقول بيكسر رجلي ؟
ابوها ميت من الضحك عليهم ..
بو محمد : محمد .. خلك رجال ولا ترد عليها هالجاهله ..
سلمى فتحت عيونها بالقوه : انا يبا .. افا .. افا .. آآآآآآآه يازمن .. خلاص راحت مكانتي في قلب ابوي .. باكر بيخلوني انام مع الخدامه .. ويشغلوني في البيت ..و اصير سندريلا ..
محمد وابوها : ههه
وطلعو من البيت ..
شغلت التلفزيون وحطت على mbc4 قناتها المفضله .. كان littil engls بادي .. قعدت تطالعه مع انها ما تحبه حيل .. بس ما تقدر تسوي شي غير ..
نزلت سارا واهي تدور وفي يدها كتاب .. كانت مبين على وجهها انها تحاول تحفظ ..
سارا : اوف اوف اوف .. سلامات سليم ما تشوفين شر .. اسم الله عليك ..
سلمى : حبيبتي انتي الوحيده الي تحس فيني في هالبيت .. محمد يهدد ونوالوه الخبله مفهيه وعلاو همه في اللعب ..
سارا : ههه ..
وقعدو مع بعض يسولفون عن جية بيت عمها ..
سارا : سلوم حطيتي لهم حلويات وخرابيط؟
سلمى: ايه .. الثلاجه مليانه...
سارا : احسن ..
مريم في غرفتها .. توها قاعده من النوم .. غسلت وجهها ولا طالعت روحها في المرايه .. على طول طلعت من الغرفه .. كانت عطشانه واجد .. شافت حسن في طريقها .. يمشي ..
حسن : بسم الله اعوذ بالله .. حشى كائن فضائي يحوس في بيتنا .. يع .. يا ام كشه ..
مريم : وجع .. وانت ما تعرف تمر وانت بالع لسانك ؟؟ .. لازم تفتح هالثم الخايس وتقرقر ؟
حسن : وجع يوجك انتي ويوجع بطنك .. انقلعي اجل ما بقول لك منو الي اتصل فيك وانتي نايمه ..
مريم شبت عندها رادارات اللقافه ...
مريم : ها !! منو ؟
حسن : انقلعي قلت لك مو قايل ..
مريم : حسون حبيبي انت اخوي احلى واحد قولي لأختك مريومتك حبيبتك منو الي دق عليها ؟؟
حسن : ذلفي لأ التك بكس على وجهك .. مو قايل
وراح واهو يمشي واهي تتلزق فيه الا علمني ..
حسن : اوف يالصمغ انتي .. انزين بقول .. سلمى بنت عمي ..
مريم فتحت عيونها .. سلمى كلمته .. الله يرحم عقل البنت .. اكيد طار ..
مريم : احلف ..
حسن : احلف ؟ ليش احلف ؟ يعني اكذب عليك يالدبه .. عادي اهي دايما تتصل عليك شالغريب اليوم ؟
مريم : هاا؟ لالا ولاشي .. بس انا ما كنت متوقعه انها تتصل اليوم حسن : اوكي ذلفي الحين اخرتيني بطلع ..
مريم : وانت ما تعرف تقر بالبيت ..؟؟.. على طول برا .
حسن : يالثوره بنروح نستقبل بيت عمي اليوم بيجون ..
مريم : لا المفروض بعد يومين او 3 ..
حسن : لا اليوم ..
وراح طلع ..
نزلت مريم وشربت ماي .. وقالت حق الخدامه تصخن لها غداها لأنها ما تغدت وتجيبه لها الغرفه ..
وعلى طول اتصلت على سلمى ..
سلمى كانت توها مودينها غرفتها .. وسنه على ما قدرو يوصلنها بسبب الدرج ..
رن تلفونها ..طالعت الأسم .. مرايم ..
سلمى : اهلين وسهلين ..
مريم : هلا والله .. شخبارك سلوم ؟ انجنيتي ولا بقا عقل بعد ما كلمتي حسون ؟
سلمى : آآآآآآآآآه .. ما بقا ما بقا .. من كثر ما كنت سرحانه طحت على الدرج وانكسرت رجلي ..
مريم : خ .. يالخبله .. صج ؟
سلمى : اجل امزح ؟.. أي صج .. تعالي شوفيني الحين حالتي حاله والجبس الكلب ثقيل
مريم : بل بل بل .. شهالسحر في اخوي ؟ والله مادري شلون تشوفينه انتي حلو .. هالقرد ..
سلمى : القرد انتي .. هي مريص .. لا تخليني اجي الحين اكسر راسك بهالجبس الي في رجلي
مريم : هي هي انتي .. لا تخليني اعلمه الحين ..
سلمى : علميه عادي .. يمكن يحبني ..
مريم : والله !.. ولا يهمك الحين ادق عليه واقول له كل شي ..
سلمى : هي يامجنونه انتي .. قولي كلمه وحده بس وانسى معنى كلمة حياه لأني بدفنك في مكانك ..
مريم : ايه .. اجل تكلمي عدل مع عمتك مريم الحلوه الأموره الجميله ..
سلمى : انلقي بس .. صحيح شايفه روحك .. مادري شعليه .... المهم .. مريوم .. تدرين ان بيت عمي بيجون اليوم ؟؟
مريم : ايه توه حسن قال لي .. مادري شعندهم بكرو جيتهم
سلمى بدلع وغرور: اشتاقو لي
مريم : ههه .. ايه .. خ .. يمكن..
سلمى : امبلا اصلا هذا هو السبب .. ( وسرحت تفكر شوي .. اقولها ولا لا ؟؟)
مريم : الو .. سلوم وين طسيتي ؟
سلمى : ها .. ! .. معاك معاك..
مريم : ايه واضح .. لي سنه انادي ما تردين .. صج حسون سارق عقلك ..
سلمى : والله انه من زمان سارقه .. بس تصدقين .. ما كنت افكر فيه ..
مريم : اوف .. شهالخيانه .. اعترفي من حبيتي بعد ؟؟
سلمى : وع .. انا احب احد ثاني .. مستحيل .. بس خلك عن الكلام الفاضي ... ابي اقول لك شي ..
مريم : قولي ..
سلمى : علي ولد عمي ..
مريم : شفيه ؟
سلمى : اخاف منه .. ما اخاف منه بس .. مادري شلون .. احسه غريب ..
مريم : بسم الله .. ليش ؟
سلمى : مادري شلون !!.. بس دايما اذا كان في المكان وطالعته اشوفه يطالعني .. وحتى اذا كنت اطالعه ما يشيل عيونه .. يخوف ..
مريم باستهبال : يمكن يحبك .. ههه
سلمى سكتت .. يحبني .. لالا .. اكيد مريوم تخربط .. ليش يحبني .. لا .. ما يصير .. اكيد ما يحبني .. اصلا ما يعرفني كيف يحبني .. هذي مريم وخرابيطها .. انا هبله افكر كذا ..
سلمى : ههه .. اقول مريوم .. بسكر انا عنك ابي انام شوي .. تامريني بشي عيوني ؟

مريم : ما يامر عليك عدو .. باي

سلمى : بايات ..

سكرت سلمى عنها .. بس ما راح عن فكرها الي قالته مريم .. اذا ما يحبني .. ليش يطالعني .. واصلا هو ما يعرفني زين .. ولا يشوفني الا قليل .. واهو ما يتكلم معاي الا في الضروره .. يمكن !!.. مادري .. بس انا ما احبه .. انا احب حسن .. ياربي .. يارب ما يكون يحبني .. لأني ما اقدر احبه ..