رول البطاطا باالدجاج

السلام عليكم كيف الحال ان شاء الله تمام
اليوم جبت لكم طبخة جدا لذيذة وسهلة نوعا ما >>طبعا الاخت فرحانه بعد ماعرفت اتنزل الصور
اللي هي رول البطاطا
اول شئ المقادير
بطاطس
جبنة شيدر
خبز مفرود
(طبعا كله على حسب الافراد )
اول شئ تجيبين بطاطس بعد ماتقشرينها وتقطعينها دوائراو نصف دائرة مثل كذ
بعدين اتحطينها على النار بعد اضافة الماء والملح >>يعني بطاطس مسلوق
بعد ماتسلقينها وتستوي طلعيها من المويه وحطيها بالعجانه نع شوية حليب سايل
لين تصير مثل العجينه متماسكه وتنفرد مثل كذا
وبعدين تجيبين خبز مفرود تفتحينه تاخذين الخبزة الاولى (بعني قصدي ماتقطعين الخبز نصفين لا حطيها على كبرها مثل كذا)
ان شاء فهمتو اللي اقصد
بعدين خذي شوي من البطاطس المسلوق وافرديه على العجينه مثل كذا (بشرط انها اتغطي الخبزة كاملة)
وبعدين جيبي جبن شدر حطي شوي عليه
وبعدين جيبي حشوة تبغينها وتحبينها سواء دجاج/ فلافل اي شئ
حطيه فوقها انا حطيت حشوة دجاج مع جزر انتي والي يناسبك
]
وبعدين قومي لفيها مثل الرول مع الضغط عليها خفيف بعدين لفيها بالقصدير
ودخليها الفريزر اقل شئ مدة 4 ساعات
وبعدين طلعيها من الفريزر وخليها بس 3دقايق بره
بعدين قطعيها دوائر ماتكون سميكه ولا رقيقة لان اذا قطعتيها وهي مطلعه من الفريزر مدة طويلة بتتقطع عليك علشان كذا لازم اتكون باردة
وبعدين علطول اغمسيها بالبيض بعدين البقسماط مثل كذا
ثم اقليها بالزيت
او اذا بغيتي بعدين تقليها دخليها الثلاجه
بعدين اقليها بشرط لازم تكون باردة عند القلي
وبس وهذي صورتها نهائيا
شوفوها على اليمين <<<احلفي عاد
لالني نسيت لاصورها ماصورتها الى بعد ماراحو الضيوف وطبعا حطين معها سنبوسه
وبس والبالهناء والعافيه...
على فكرة ترى انا جت معي 6 شندويتشات والباقي حاطته بالفريزر وقت الحاجة
وهذي اللي بالصوره بس سندوتشه ونص
وسؤال اخير للي مركزة كم مرة قلت وبعدين؟؟؟
بعد التعديل