ريجيم العنب

السلام عليكم ورحمة الله وبركاته
كيفكم يابنات
قبل مابدأ بالموضوع لازم اقولكم حكايتي ( أمحق من حكاية )
في 15 رمضان بديت ريجيم العنب والحمدلله كنت انقص كل يوم كيلو ....لا وصرت اشتري ملابس اصغر من مقاسي على بالي بنحف. ..... وفي العيد قلت الناس بتعيد وانا امسك رجيم اخذتني الكرامه وقلت افكه 3 ايام حقت العيد المهم فكيت ورجعت اكل ولا التزمت ب3 الايام بس الغريبه يابنات ان وزني ماكان يرجع بسرعه الا قبل شهر تقريبا صارت ليا مشكله واتعرضت لضغط نفسي حاد( أدعولي يابنات الله يفرج همي وينصرني ويخليلي مامتي ولا يحرمني منها ويسخرلي بابن الحلال الي يخاف الله فيا )
المهم صرت اكل بشراهه ووصل وزني 125وطولي 163
وربي زعلانه بس انا اليوم راح ارجع لذا الرجيم مع العلم اني قبل ابدا فيه كان ليا 2-3 اسابيع استخدم رجيمات مافاد معاي
بس ريجيم العنب تحفه خاصة ان وصفته الدكتوره وقالت انه يزيل الجسم من السموم وينقيه وكمان قريبي راح لدكتور تاني ووصفه له شهر
يعني 30 يوم=30 كيلو
وربي ماحب اتكلم بذي المواضيع احسها تحرجني لكن انتم اخواتي انا ماعندي اخوات وحيده وانتم اخواتي وجيتكم وففكيت قلبي لكم ابغاكم تشجعوني ولو بالتهزيء واللي تبغا تبدا معايا تبدا ونشجع بعض ياحلى اخوات وفراشات