زواجي على حافة الانهيار

السلام عليكم
ما اعرف للمقدمات وعقلي موقف عن التفكير لذلك بطرح مشكلتي لعلي اجد حل يرضيني
انا متزوجة من خمس سنوات تقريبا وعندي طفلين 4 سنوات و10 شهور
اول سنة زواج كانت خيالية كل شي حلو وتمام لكن صارت مشكلة تخص اهلي وعلم بها زوجي ومن بعدها انقلب حاله تغيرت مشاعره لي وصرت ما اهمه ولا اعني له
صار مد وجزر بيناا نحاول نصلح شي شوي وننعفس وانا والله مالي ذنب سوى ان سبب الغلط واحد من اهلي بس انا وش دخلني
ظلمني حيل وقال بتزوج وحدة افضل منك مع انه يحلف مايلاقي احسن مني لكن مدري ايشش فيه
المهم مرت اخر سنة زي الهدنة نحاول نمشي امورنا وهو له حول السنتين يسهر ولا يرجع غير الفجر ومرات بعد الفجر والوقت اللي يجلسه في البيت مابين الجوال واهله او ينام
وانا جدار بالبيت لا طلعة ولا روحة ولا يجلس معي
قبل يومين تهاوشنا بسبب ه الموضوع خصوصا انه راح يسافر وانا ما جلست معه وحط الحق علي واهاني بالكلام وصد عني وحملني كل الغلط وقال الحل اني اتزوج مسيار !!
الحين مقصر معي ويبي المسيار طيب ليه ما تزوج من البداية مسيار دام ما يحب المسؤلية وهذا كله عشان ابيه يقعد ساعة معي
والمشكلة هو الغلطان ويحملني الغلط ويزعل ولما اقوله الامور ما تنحل طدا يقول حلي عني وفكيني منك
ما ادري وش سالفته اسلوب تطفيش لابعد حد
الكلام اللي بداخلي كبير والمشكلة اكبر لكن هذا المختصر وارجوكم تفيدوني لاني عجزت افكر ..