زوجك مشارك بالمنتديات او مشرف تعالي ابي افضفض

ناقشيه بهدوء ولاتتهورين

سجل معه في المنتدى وهو ما يدري وهات يانصايح له وللاعضاء
واذا عندك احد يقدر يهكر الموقع هكرية لان المشرفين يقدرون يطلعون الايميلات حقت الاعضاء وممكن يسولف معهن ع الماسن

السلام عليكم ورحمة الله وبركاته
اختي انتي غلطتي نفس غلطتي انا بعد ما عودت زوجي على المنتديات لانه مثقف كثير وكنت اثق فيه ثقه عمياء لانه كان يكتب في منتديات اسلاميه وكنت اشوف ردوده على البنات كانت محترمة ولكن في يوم هو نسى يعمل تسجيل خروج ولما دخلت على رسايله شفت سوالف مع عضوات المنتدى وتبادل الايميلات ولما يدخلون المنتدى يرسلونه رساله ادخل الماسنجر نبغى نسولف معاك وهو كان يدخل ويسولف وشفت سجل المحادثات مع البنات بالبداية كان استشارات وكلام عادي ولكن كانت وحده بس تشتكي له وعلى قولتها تفضفض وتمدح فيه وهو استانس على المدح وتقول له يابخت زوجتك فيك تخيلي انا خلاص مت حسيت ان قلبي ينعصر وإيدي ترتجف وكانت دموعي تنزل بغزارة لدرجة اني ماكنت اشوف الكتابه وتمادت البنت بالكلام معاه وقالت له انها تحس نحوه بشعور غريب وتسأله يمكن يكون حب؟؟؟؟ انا خلاص قلت لازم اتصل فيه واسبه واروح بيت اهلي واتصلت على امي وخبرتها وامي ماشاء الله كثير حكيمة تخيلي قالت لي اسكتي ولا تتكلمين وعملي نفسك ماشفتي شي وتزيني لزوجك وحاولي تدلعين عليه من اليوم ورايح وابيج ترسلين المحادثات كلها على ايميلج وكل يوم اذا شفتي محادثه رسليها لين انا ما اقول لج شو تعملين وكنت اجمع محادثات لين ما شفت تبادل ارقام الجوال بينهم وكان بينهم كلام بالجوال وانا مت ونسيت اقولج اني كنت عضوه بنفس المنتدى وزوجي خبر البنت بأن زوجته موجوده بنفس المنتدى وما يبيها تتكلم معاه بالمنتدى إلا بحترام ولا تسأل عنه ولا تهلي وترحب فيه يقول لها لان زوجتي موجوده واخاف تحس بشي تخيلي والبنت اصرت عليه تعرف شو اسم زوجته بالمنتدى وخبرها اسمي بعد اصرار ودلع منها وفوق هذا كانت ترسل له صور لها وتقول له انا من غلاتك راح ارسل لك صورتي وانا بدون حجاب وهو كان يشغل الكاميرا عشان تشوفه انا اخذت صورها وحولتهم على جوالي وطبعت جميع المحادثات بعد ما شفت انهم بدوا يتكلمون بالجوال كنت بالبيت انتظر عودته من صلاة العشا وحطيت اوراق المحادثات جميعها على السرير وكنت ابكي وصل ودخل الغرفة وشافني ابكي بحرقة وقال لي شوف فيج قلت له انا مش مصدقه اللى سمعته اليوم وشفته قال شو خبرته ان بنت بالمنتدى اسمها فلانه ارسلت لي رساله خاصة وطلبت ايميلي تبي تتكلم معاي بشي خاص وانا على نياتي عطيتها واضفتها وقالت لي انتي زوجة فلان الغبيه المسكينه انا فلان يحبني ويبي يتزوجني وانا اقولك لا تعملين سوالف لنا لانه راح يخطبني قريب وانا كذبتها قالت اني حرمه مسكينه تكسرين خاطري راح ارسل لج كل محادثاتي مع حبيبي فلان اللى هو زوجك وراح تشوفين كلامنا مع بعض كيف هو يموت فيني وطول اليوم وحنا نتكلم بالتلفون وهذا رقم زوجك ......... صح واذا فتحتي تلفونه راح تحصلين رقمي هذا .............. وانهرت بالبكاء وقلت له كيف هنت عليك تعمل كذا قال لي انا غلطان وسامحيني والله العظيم ماراح اعيدها قلت له خلاص انا الحين مابيك طلقني بروح بيت اهلي والله انه جلس يبكي مثل الاطفال واتصل على البنت وسبها قدامي وقال لها مابي اشوف رقمك بالمرة ولا تتصلين على وزوجتي تاج راسك وانا مستحيل اتزوج وحده مثلك ومستحيل اتزوج على زوجتي وام عيالي ومع هذا قلت له مابي اشوفك انا تعبانه خلني بروحي .. وبنفس الوقت ارسلت عليها بالجوال صورها وخبرتها اني راح انشرها بالنت اذا ماوقفت اتصالاتها.. وانا طول الايام اقوم بواجباته ولكن بدون ما احط عيني بعينه بإحساس انسانه منكسره فقدت شي بحياتها وجاب المصحف وحلف عليه انه ماعاد يفتح هذا المنتدى ولا عاد يفتح هذا الايميل ولا عاد يعيدها.. تخيلي انه من ذاك اليوم الى اليوم وهو اذا بيدخل النت لازم اكون موجوده معاه عشان بحوثه ودراساته حتى الرقم السري لإيميله الجديد عطاني اياه وفوق هذا خلاه ينفتح متى ما انفتح الكومبيوتر.. ونسيت اقولج انه عمل لي مفاجاه بعد اسبوع سفره للبنان لمده 10 ايام .. والحمدالله الحين علاقتنا والله احسها احسن من اول بكثير .. نصيحة مني لا تتهورين وتواجهينه جمعي ادله وعملي خطه لان لو واجهتيه راح ينكر .. وربي يقويك واي استفسار او نصيحة انا حاضره راسليني على الخاص

الله يعينك ياقلبي

طيب ايش فيها بالعكس طلع زوجك مؤدب ومحترم
اللى فاهمتو منك انو الرسايئل نصح ونقاشات يعنى مو غزل ولا معاكسات

الله يعينك وصادقة قطرات الصباح وشوفي مواضيع الدكتورة ناعمة الهاشمي واستفيدي منها والله يسخر لك زوجك ويهديه

الله يهديه لك ويسخره لك

قطرات الصباح ماشاء الله عليك انسانه حكيمة الله يديم عليك السعادة ويبعد عنك بنات الحرام
أختي الأنثى الحنونة حاولي قدر الإمكان تبعدينه عن ذا العالم والله ما فيه غيرالضياع
راح يبدأ يسحب زوجك شوي شوي من بيته واهتماماته
ترى بدايتها كدا مجرد كلام رسمي ونهايتها الوصول لمراحل مثل قصة اختنا قطرات الصباح
الحين انتي خليك ريلاكس شوي وخليك مراقبه كل شي
واذا قدرتي تعرفين الباسوورد خير وبركه
بس اهم شي لا تضغطين عليه كثير
عشان ما يتضايق ويصير يدخل على النت من وراك وياخذ راحته على الاخر

%%بنت الجود%%
خ قويه منج يبنت الجود