زوجي تورط ورطة سنعة

أهلين بالسنعات
زوجي من جد توهق
مرة لزم عليه واحد في استراحته وقال لها بيننا دورية ونبيك تدخل معنا يوم في الاسبوع
فعلا راح معهم الحين له ثلاث اسابيع
وبيجي يوم ويصير الدور عليه
مو هنا المشكلة
الورطة انه في ثاني يوم راح معهم فيها اكتشف وبلا مبالغة انهم ناس مليارديرات
وكل واحد عشاه أفخم من عشاء الثاني
اخر واحد عشاهم شكل عندهم طباخ في البيت
زوجي جاء منجن من العشاء
يقول مافيه نوع أكله بحرية ما حطها
محار
سمك
استاكوزا
واكلات يقول عمري ما شفتها <<<< زوجي حده ذبايح ودجاج خ
وانواع الرز مصفوفه بطريقة فنية رائعه
غير انواع الحلا
الحين هو متورط
يقول وش اعشيهم
لازم شي فخم
ولازم طريقة فنية في التقديم
يعني مايبي يصير اقل منهم
ابيكم تدلوني على مطعم او طباخة خاصة لها فن في التقديم والتجديد وعندها طبخات غريبة
صدقة لله يا محسنين
ناس على قد حالهم وش جابهم لهالتجار
على فكرة تراي والله هاوشته وقلت له خلك مع الناس اللي قدك وحدهم مندي وبس
خ