سؤال عن اقمشة العبايات مافيه قماش عبايات ما يبهدل الشنط الجلد البيضاء

و الله طفشت!!
انا عندي هوس اسمه شنط جلد بيضاء.. اي وقت اشوف من نفس الشنطة كذا لون، على طول عيني تنسبط على البيضاء، بس اضطر اني ما آخدها لأني عارفة ان مع العباية ما حتعيش و مع الوقت حتصير سوداء!
تخيلوا يا بنات والدتي راحت عليها شنطة شانيل :( و الله العظيم حتى جبنا اللي ينظف جلد السيارات الأبيض برضو فيه اثر سواد!! (اللي تعرف طريقة سحرية تقدر اخيرا تشيل السواد تقول بالله ربي يوفقها) من بعدها ما صارت تخليني اشتري شنط بيضاء حتى لو رخيصة. خساير على الفاضي :(
القماش اللي فيه عبايتها اظن اسمه كريب صالون أو صابون مدري ايش نسيت هي ايش قالتلي، يعني هو هذاك الناعم حق ماي فير ليدي عرفتوه؟ يعني هو العيب من نفس هذا القماش و الباقي اوكي و لا كل العبايات بإستثناء اقمشة معينة تسوي كدة؟؟
احد فيكم تعرف اسم قماش اسود ما يسود الشنط الجلد؟؟ قلت احسن لي افصل عباية و انا اجيب القماش و خلاص! الله يرضى عليكم تكونو سويتو فيا خير!
معليش قرقر كثير بس من جد شيء يقهر
اشكركم مقدما يا اخواتي!