ساعدوني شعري مره خفيف و قليل

وأنا يأختي عندي نفس المشكلة
ياليت يردون علينا الأخوات
والله يجزاهم ألف خير بهذا الشهر الكريم

توفي انشالله يردون علينا انا واثقه فيهم وبانتضارهم

والله انا كمان صار شعري يتساقط وموعارفة ايش اعمله ان شاء الله البنات يفيدونا بشي مجرب ومضمون مشكورة على الموضوع

حبيبتي انا كنت كذا و صرت اخذ فص ثوم اقطعه نصين وافرك بمويته الفراغات وماتطلع ريحه بس شوي و تروح واحسه كثر بس ماادري هو منه و لا لا وخذيه في الاوقات اللي تبغين ويمدحون الجرجير اعصريه مع شوي مويه بالخلاط يكثر الشعر مره و ادعي لي ان الله يتمم حملي و يقومني بالسلامه انا و النونو و يطلع سليم معافى صالح ان شاء الله و لا يهمونك قرايبك خليك واثقه من نفسك الله مانقصك في شي الا كملك بحاجه ثانيه بس انت طنشي شعرك لا تفكرين فيه

أنا شعري كثيف لكن طبيعي من غير خلطات ولا شيئ
إن شاء الله الباقين يفيدوكي

والله لوبيدي شي لاقوله لك لاني الحمدلله احب الخير للغير
بس اسمعي بعطيك طريقه انا سويتها وصراحه فادتني 10 % والسبب لاني ماداومت عليها بس سويتها 3 مرات ووحده اعرفها معرفه حقيقيه الى يومك هذا وهي تستعملها وربي بيشهد على كل كلمه قلتها انه تغير شعرها وبحياتي ماقد شفته كذا بس شوفي هو ماكثر بدرجه مذهله بس هي راعيه خلطات وحوسه ولاقد فاد شعرها ماشاء الله غير هذي
الطريقه
تجيبين بصله وحده وحبتين او ثلاث ثوم مقشر وتحطينهم بالخلاط وشويه مويه عشان يتحرك الخلاط
بعدين تفركينه بفروتك وشعرك تقريبا 10 دقايق بعدين حطي حنا وسدر وزيت اي زيت عندك واخلطيهم مع بعض وحطيهم على راسك فوق الخلطه
وخليها ساعتين او اكثر
وتروشي طبعا فيه ريحه عشان ماخدعك بس باذن الله بتفيدك يارب
جربيها وان فادتك ادعي لي وان مافادتك ان شاء الله ماتضر
وحبيت اقول كلمه
لو الموضوع فيه طرح فكره او زيت او اي شي راح نشوف الردود والصفحات بس اذا احد طلب طلب الكل يهرب منه ليش جزاكم الله خير ليش مافيه روح التعاون بينكم انا ماأقول الكل بس الاغلبيه الله يهديهم
يارب في يومك هذا ان تررزق كل وحده شعر كثير وناعم ويلمع وتهنيها فيه وتحفظها من الحسد يارب ياكريم
والله انا ياربي لك الحمد على كل حال مو بعيده عنكم
ربي يرزقنا
اتمنى اني فدتكم لو بشي بسط

فراشه kSA
والله فعلاً كلامك انا كم مرة انزل موضوع ولا احد يرد الا ماندر
وانا معي نفس المشكلة الله يعيننا00

وربي نفس قريبتي يوم اسالها كيف كثف شعرك تقول اشتريت خلطه من وحده
ويوم اطلب تجيب لي معها تقول لاتاخذي فيها ريحه وا وا واالخ حسد فضيع
شوفي انا لي كم اسبوع في ازمه تخيلي الكيبورد كان كلو شعري وملابسي نفس الشي ومن قدام فرغات
بعد ماخلصت الرجيم ووصلت للوزن المثالي بدا الاهتمام في شعري خصوص الكلية قربت وانا كل يوم
كنت ابي اشتري زيت بس تعقدت يوم استخدمت املا الذهبي وطاح كل شعري قال ايش يطيح وبعدين يرجع ياماما هي كلها شعرتين اذا راحت رحت انا فيها
ومستحيل استخدام شي في ريحه بصل وثوم الخ
والتاجرات اللي تمدح فيها والثاني تقول العكس ومو مستعده اغامر في شعري
انا الحين استخدم غلطة الجرير واوعدك اذا جاب نتيجه انتي اول وحده تعرفي ولايهمك

حلوه غلطه قصد خلطة الجرير