ساعدوني في مشكلة صديقتي

1. المشكله هي بصراحه بتخص صديقه عزيزه علي ومثل اختي


2. صديقتي متزوجه من 12 سنه زوجها من 3 سنوات تعرف على اصحاب سوء

مرحبا صبايا انا بدي احكي قصه معقدي اشوي وانا لحد هلا مش شايفتلها حل مش بقولو لكل مشكله في حل بس هاي المشكله ما في الها حل.

المشكله هي بصراحه بتخص صديقه عزيزه علي ومثل اختي

صديقتي متزوجه من 12 سنه زوجها من 3 سنوات تعرف على اصحاب سوء

وخلو ينجر معاهم على اشياء محرمه مثل شرب الخمره وتعرف على البنات والتحشيش يعني انتن فاهمتني ايش بحشش يعني مدمن مخدرات بس من النوع الثقيل بعرفش اسمو بس بسمعهم بقولو من النوع الثقيل يعني صعب يطلع منو جربو اهلو معاه كل الطرق ما نفع معاه سافر على المانيا اتعالج هناك غسلولو امعاء بطنو علشان يكون نظيف جسمو من الماده السامه لما رجع على البلاد بعد باسبوع رجع يتعامل بالماده نفسها جابلو طبيب نفساني قعد معاه كمان بدون نتيجه يسمع من هون يطنش من هون كل العائله بطلت تحكي معاه علشان يحس بخطأو ما فيش نتيجه الكل يحكيلو علشان اولادك كمان بدون نتيجه ويابنات من ناحيه ماديه تسالوش كان معاه مليان فلوس اما هلا مديون ولا المليون كانو اولادو مش محرومين من شيء ربنا منعم ومفضل عليهم احلى البس والذ الاكل اما هلا يوم عيد امهم ما عرفت من وين بده اتجبلهم فلوس تشتريلهم ملابس اعماهم اشترولهم الملابس وبشفقو عليهم ويشترولهم اكل كل اخر الاسبوع وهو يا صبايا كذاب بتعرفو ايش كذاب مستعد يحلف على القران كذب ما بهمو يعني كذاب بمعنى الكلمه وكل واحد بحكي معاه تا يصلح حالو ما في نتيجه يا صبايا صاحبتي تعبت نفسيتها انا نفسي بصراحه ما عرفت ايش بدي احكيلها لاني فكرت اكويس ما القيت حل لانها هلا بتحكيلي من يومين جاي رساله على الموبايل من واحد يعني متعرف على واحدي كمان انتن ايش رايكن لما عيله كاملي مش لاقي حل مين عندها حل ياريت اتساعدينها واتهدين بالها هاي المسكينه لانها تعباني كثير .