سعود الطيار وهيفاء ادخلوا لمعرفة الحقيقه

السلام عليكم ورحمة الله وبركاته
أول شي ما أقول غير الله المستعان وحسبنا الله على كل من يحاول تشويه سمعة أي شخص ,,
واتمنى انه يتذكر أن الله يمهل ولا يهمل ,,
اتمنى منكم يالغاليات تقرونها زين وللنهايه ,,
تكذيب لقصة سعود الطيار وهيفاء نقلته لكم كما وصلني على الإيميل ,,
بسم الله الرحمن الرحيم
السلام عليكم ورحمة الله وبركاته
في البدايه أشكر جميع من تفاعل بقصة ( سعود الطيار وهيفاء)
وأشكرهم على دلاختهم بتصديق القصه ونشرها كمان>>>> مع أحترامي لهم
سواء بلوتوث أو في مواقع النت والأيمالات!!! يعني كل وآآآحد وقدرته
ثانيا أشكر الأخ مجنونها ... لأنه نزلها في المنتدى مع ذكر أنه يعرفني شخصيآ ومع طلباته المتوآآضعه منكم
أولا ( نشر القصه حتى تصل لهيفاء)
و ثانيا ( الدعاء لي لأني دخلت مستشفى العسكري بسبب أنهيار عصبي شديد) بدري عليك مو سعود اللي تنهار أعصابه
طبعاء بدون مرآآآعاة لشعور أنسان أنتشر أسمه وأسم عائلته والشاطر اللي جاب رقم جواله وأنواع الأزعاجات والقلق
وربي اعلم بنوايا
بصرآآآحه أنا سعود الطيار لكن القصه قصه من ألف ليله وليله !!!
الطفل ما يصدقها .. لكن للأسف صدقوها الكبار>>> الغالبيه طبعا
وهذا وآآآضح من خيالاتها الوااسعه ........
سمعتوا القصه لكن ما سمعتوا الصدق مني
وأنا وصلني الأيميل قبل تنتشر الأنتشار الوااسع الآن
فتحته وجلست أقراء القصه وأنا متحمس وكنت مستعجل على نهايتها لأنها شدتني
ووصلت النهايه ,,, اللي كانت فاجعه بنسبه لي
طلع سعود بطل القصه هو انا
أرسلتها لوآآآحد من الشباب وردلي ياسعود يمكن تشابه أسماء
قلت للأسف ياخوي ماهي تشابه أسماء بس,,, موجود عمري وموجود شكلي وتشبيهي المعروف !!!!
قال أجل تراه مقلب أمسح الأيميل وريح رآآآآآآآآسك
قبل أشتري رآآحة بالي رآآآسلت المرسل لي لكن للأسف مارد علي
قررت أقفل المووضوع لكن الموضوع ما رضى يتقفل !!!!!!!!
لان القصه ووصلت لاختي بلوتوث وقالت لي أن بنات الجامعه صايره سوالفهم
قصتي مع هيفاء
وأنها تنزعج من لقآآآفة بعضهم لما يسألونها عني وعن هيفاء اللي مدري من وين طلعت لي
فتحت النت وبحثت عن القصه
ويا الله بس مو معقول كيف قدرت تنتشر بهذي الطريقه وكيف عقول العرب صغيره
وطبعا الناس اللي يحبون الفزعه ما قصروا معها
هذا ينزل القصه ويقول انشر والثاني يقول أبشر لأزم تووصل لهيفاء
وانتشرت مثل نيوتن
وأستغل أسمي بعض الشباب اللي يقول انه خويي مثل الاخ مجنونها وطبعا غيره كثير
واللي يتعرف ويقول أنه سعود بطل القصه
وصار على أسمي مشاكل كثيره بسبب تفاهة قصه وتفاهة مؤلفها
وطبعا صارلي موآآآقف لا أحسد عليها ..............
والجديد في الموضوع وصلني ايميل
يخبروني بسبب نجاح القصه راح ينزلون لها جزء ثاني لان الناس يستاهلون اكثر
أنا رديت له وكبروها وخلوها فلم سنمائي أحسن ويعرض بجميع اللغات
لكن طلع انسان وآآآطي وحقير ,,,, يقول ليش لا خصوصا ان فيها فضاايح أكثر لي ولأخواني طبعا مع تزويدها ببعض الصور
شفتو كيف ساعدتو عصابه بسبب قلة الوعي وعدم التفكيرفي تشويه سمعتي
رسالتي لجميع من نشر قصة هيفاء وسعود
سمعتي ومستقبلي بيضيع بسببكم لأنكم كنتم عوون علي بسبب جهلكم
رجاء أنا سعود عبدالله الطيار وأقسم بالله العظيم ماأعرف وحده أسمها هيفاء وأقسم بالله عمري ما حبيت ولو حبيت
مارح اكون مجنون وأنشر كلام تتاافه وأشهر بنفسي وبعائلتي عشان بنت
ماعدا اني لما احب بطق الباب لان اللي ماأرضاه لخواتي والله ماأرضاه لبنات المسلمين
أنا رجل مسلم سعودي لي ديني ولي أصلي ولي عاداتي وقيمي مو انا اللي أروح أحب بنت تسهر بستراحات للفجر
مو انا اللي آخذها ورى شجره وأسوي اللي على قولة القصه كل حبيب وحبيبه يسوونه>>>والله كل وآآطي وآآطيه اللي يسوونه
مو انا اللي أطلع بنت نص الليل واحضنها وأروح قسم شرطه واطيح تحت رجلين اخوها اقول أبي بتزوجها
ومو أنا اللي أنرفض
أرجوكم كذبو القصه ولا تصدقونها
ولو وصل جزء ثاني أمسحوها لان أقسم بالله العظيم الموضوع كذبه x كذبه خااصه الأخ مجنونها وأمثاله
وحسبي الله ونعم الوكيل وكفى بالله وكيلا
اخوكم سعود الطيار