سفرتي الرمضانية حياكم الله الجزء الرابع

1. سندوتشات كودو < اخذتها من كتاب الطبخ


2. المقادير :

السلام عليكم ورحمة الله وبركاته
شلونكم بنات مع الرمضان
ان شالله داخلين عالعشر الأوائل وان شالله ربي يتقلبها منا ومنكم صالح الأعمال
اليوم فطوري متواضع جداً ومافيني حيل اطبخ كثير عشان شغل البيت والعيال
وهالمرة بنزل الاكلات و مقاديرها وطريقتها عششان البنات
تفضلوا معي السفرة المتواضعة

سندوتشات كودو < اخذتها من كتاب الطبخ

المقادير :

• صحن دجاج فيليه تقطعينه صغار
• بصلتين تقطعينه صغار مع فص ثوم
• حبتين فلفل رومي تقطعينه صغار
• 3 ملاعق كبيرة صلصة صويا المالحة او الحلوة او صلصة ماجي < اختياري
• شوية ملح وشوية بهارات
• جبنة تشيدر مبشورة

سلطة الطحينية :
( علبة زبادي + ملعقتين خل + ملح + ثوم < اختياري + ليمون + ملعقتين طحينة )
الطريقة :
نحمس البصل في زيت مع الثوم لين يحمر شوي , بعدين نضيف الفلفل الرومي
بعدين تحطي الدجاج والبهارات والصوص انا حطيت نص ماجي في نص بيالة موية حارة
وكمان اضفت من عندي البقدونس في الاخير
نجي الحين للحشوة
تاخذين يااما ساندوشش صغير او عيش الهمبرغر وتقطعينه نصين
وتاخذين السندوتش وتقطعينه من النص وتدهنينه بالصلصة تحطين حشوة الدجاج
وترشينه بجبنة تشيدر مبشورة
تدخلينه في الفرن وتولعين من فوق عشان يتحمر عالخفيف او بمجرد ماتذوب الجبنة
انا احترقت علي بسبب العيال قاعدين تحت رجولي في المطبخ
السمبوسة حشوتي من عندي وغير عن المعتادة
حشيتها ببطاطس مسلوقة وقطعت مكعبات
وبيض مسلوق وقطعته مكعبات
وجبنة مبشورة
وكمون
اللقيمات
انا استخدم الطحين الكويتي فيه عشان هو ماشالله اللي يضبط العجين
وانا نوع اللقيمات اللي تكون داخل نصها عجين والنص الثاني مقرمش
ومااستخدم معه الا الدبس مااحب لا شيرة ولا عسل ولا سكر<شغل حساوية
الششوربة
شوربة بيضاء بالدجاج والفطر والذرة
جاتني من بيت اهل زوجي
وبس
هذا فطوري المتواضع
وبالنهاية اقولكم اي استفسار تبونه انا بالخدمة إن شالله ماراح اقصر كل اللي
ابيه منكم الحين الدعوات اللي تشرح القلب
وحياكم الله