شرفوني لا يفوتكم وبالصور

بسم الله الرحمن الرحيم
شلونكم حبايبي بنات المنتدى الطيب ومشرفاتنا الغاليات .. واعتذر عن اي خطا بدر مني في حق اي احد منكم .. اود ان ابارك لكم بالعام الجديد 1431 هجري عساه عام خير وبركه ومغفره على الجميع يارب .
اليوم ان شاء الله راح انزل لكم طريقة عمل القشد الملكي او مثل مايسمونه بعض المناطق ( الغفيص) لكن حنا طورناه شوي عشان يكون ألذ واطعم بهالبرد .
قبل احط المقادير زهبي قهوتك بنفس الوقت عشان تتلذذين بالطعم .
المقادير :
عبوة كامله تمر خلاص مكنوز
كوب ونص دقيق بر
0ملاعق حليب بودره .
0ملاعق سميد
علبة قشطه
ثلاث ارباع علبة حليب بوني او اي حليب حق الشاهي.
4 ملاعق زبده ذايبه.
الطريقه :
1/ ينزع النواة من التمر ويترك جانبا .
2/ نضع الزبده بالطاوه ثم نضع فوقها الدقيق والحليب والسميد ونحمصهم شوي .
3/ نضع التمر فوق الدقيق ونحركهم مع بعض بشويش على النار عشان يمسك الدقيق على التمر .
4/ نضيف علبة القشطه ثم نحرك زين ثم نضيف الحليب ونحركه زين لين تشوفين تماسك شوي لكن لايزال منثر شوي ، ثم نغطيه ونخليه على نار هاديه مره شوي لين يصير التمر دافي مثل العالم والناس لان هذا الحلى حلاته ينأكل وهو حار شوي او دافي .
5/ نرشه بالسمسم وشوي جوز مفروم خشن انا ماكان عندي جوز حطيت رشة فستق وطلع يم يم يم .
6/ نضعه بحافظه عشان يجلس دافي ويقدم منه في صحون للضيوف او للموجودين .
انا حطيت الصور واعذروني لرداءة الصور لانها من جوالي مو كاميرا ديجتال ، ولكن مو مهم اهم شي المضمون وان شاء الله فكرته وصلت ويعجبكم واهم شي لاتنسون تدعون لي .. والله يبنات انا مابي كلمة شكر .. انا ابي دعوه من القلب لي .
الصور المرفقة
منقول لعيونكم