شعري صار لونين

حبيبتي انتي كنتي صابغه شعرج اسود؟
نفس الشي صار معاي كنت صابغتنه اسود من سنه ولما حبيت اغير طلع كستنائي من الجذور واسود الاطراف ...اكتشفت ان الاسود صعب ينصبغ فوقه ما في غير تصبغين لون غامج عالشعر كله...وبالنسبه للتطويل ما بيطول الشعر بسرعه حاولي تسوين في حركات وهو على طوله واهتمي فيه اهم شي ما يتقصف

حبيبتي والله مدري وش اقولك بس بنصحك بنصايح واتمنى تاخذين فيها
اولاً اسمعي كلام الفراشة شمس العشاق مالك الا تكتمين اللون ببني غامق او بني كاكاو او باذنجاني واحرصي عالنوع حق الصبغة لاتصبغين اي شي او اي نوع في نوع البنات يستعملونه بسألهن واردلك لاني بصراحة طحت بالصبغة سنة وانعدم شعري وبعدها لعنت الشيطان وقلت يوم الله معطين شعر يهبل وشوله العب فيه ؟
وكتمت اللون بصبغة بني غامق وبعدها بديت استخدم الزيوت الزينة حقت الشعر والحناء واخلط مع الحناء زبادي وزيت خروع وزيت جوز الهند وزيوت الدنيا اي زيت احطه خصوصاً اني بغيت او اني قررت اني اطول شعري وحط زيت حبة البركة(السميراء)مدري وش تسمونه انتم المهم يجنن للشعر حتى الشاي الاخضر والمرة اقولك ماخليت شي وكنت كل شهرين او ثلاث شهور اقص الاطراف لانها عقب الصبغة تالفة جداً المهم وقعدت تخيلي ثلاث سنين الين صار شعري كله الطبيعي ماشاء الله
بس ترا انا اللي بهذلني اني كنت قاصة مدرج عشان كذا كانت كل خصلة لحال واعوذ بالله الله لايوريك معاناة بس الحمدلله اللحين طال وزان ماشاء الله مع الاهتمام
حبيبتي اللحين انتي ملكة والملكة وش تلبس على راسها؟ تاج صح؟
وانتي وشو تاجك؟
شعرك هو تاجك احرصي عليه انتي ماتلقين التاج بكل مكان صح ولا لا وشعرك انتبهي له هو اللي بيعطيك المنظر لاتقولين اغير ملليت مدري ايش بلعكس كل ماحافظتي عليه وخليتيه يطول ويصير الين نص ظهر يطلع يجنن ودلع يصير شكلك وخصوصاً انك ماشاء الله شعرك ناعم زي ماذكرتي يعني الله معطيك نعمة وربي يصور الانسان بصورة حلوة بس سبحان الله بني آدم مايملى عينه الا التراب المهم انتي انتبهي له وترا تصدقين الشعر يقولك كانه يحس يعني اذا مشطتييه دلعيه قولي يزين شعري يجنن يصير فعلا يجنن ولا تسبينه انتبهي بيتعقد ويو اسئلين انا والله لما قالتلي وحدة ان الشعر يحس قعدت اضحك عليها بس قلت بجرب وجربت وفعلاً لما اسبه يتعقد ولما امدحه يسيح ماشاءالله يصير يهبل ولا ترا حتى القص اذا كان شعرك طويل وقصيتيه يزعل واصبري الين يطول وواو يطول
المهم انا طولت عليكم انتي اقري واتمنى اني افدتك
ودعواتك

ليمونيت2
فعلا كلامك صحيح مئه بالمئه 100%
نفس الشي صار معي فعلا الصبغات ماتجيب الا الخراب للشعر ,,,,,,,,,,,وو

مره شكرا افدتوني الله يوفقكم ويدخلكم الجنه