صلصله البيتزا الجاهزه

الصلصه انتي تسوينها والا تشترينها بالاساس جاهزه ؟
اذا كنتي تسويها.. اعملي كميه كبيره.. وخليها تبرد وحطيها باكياس حفظ اللحم وحطيها بالفريزر
اذا جيتي بتستخدميها بس حطيها على القدر وحركيها لين تذوب وتدفى واستخدميها
امي الله يحفظها تسوي نفس الطريقه بس ماتسويها للبيتزا .. تسويها لاي اكله ,, رز دجاج لحم مكرونه
واتذكرها باول زواجي بعد عمري سوّت لي فول واجد وكيسته باكياس حفظ اللحم وتقول حطيها بالفريزر وكل يوم طلعي كيس لفطور زوجك ( طبعا بالشتاء)
اتمنى اني افدتك ,,
مودتي ~|

تسلمين يالغاليه
انا اسأل عن الصلصله الجاهزه اللي بالسوبر ماركت وهي تجي ماركات كثير انا استخدم العلالي
والصلصله اصلا تستخدم لوحدها في البيتزا بس انا احسها تصير ثقيله ومره
لما اكشن بصل وطماط اضيف كم ملعقه منها وتصير عندي صلصلتي للبيتزا

شدعوه ولا احد يعرف مافي احد يستخدمها ؟؟

مرحبا خيتو انا استخدمها وتظل عندي لاكثر من اسبوع عادي استخدمها ماتغير مع اني ماقريت التعليمات بس صار لي سنين وانا استخدمها اخذ منها اللي ابي والباقي ادخلة الثلاجة عادي بس حاولي ماتستخدمين اي ملعقة فيها اي مكون ثاني عشان ماتخرب
استخدميها لحشوة سمبوسة البيتزا تميز حشوتك عن كل اللي اكلتيهم من قبل كل من يذوق سمبوسة البيتزا اللي اسويها يسالني عنها شلون اسويها وكان المكون السري عندي الصلصة الجاهزة اكثر شي استخدم العلالي

بح الشوق ور26
تسلمين ياقلبي
انا مثلك استخدمها اسبوع او اكثر بس احاول اني خلال الاسبوعين تقريبا اسوي اكلات فيها الصلصله بس انا ابغى احفظها وقت اطول مدري عادي احطها بالفريزر
وحتى انا استخدم العلالي

مشكوره
بس ممكن نعرف كيف طريقة الصلصة

عادي حطيها في الفريزر ماتخرب