صينية البطاطس والباذنجان كل من ذاقها اخذ مقاديرها

بسم الله الرحمن الرحيم
عندي لكم صينيه تجن...
سهله نوعا ما...ما تبي شغل كثير...لكن طعمها جنان...
جربيها عشان تعرفين طعمها..
بسم الله نبدأ
أولا...قطعي بطاطس شرايح عريضه شوي...واقليه...وصفيه في الصينيه
ثم قطعي باذنجان..بنفس حجم البطاطس واقليه...وصفيه فوق البطاطس
ثانيا..احمسي بصل...ودجاج مفروم(افضل الدجاج)وبقدونس مفروم...
وغطي بها الطبقه اللي قبلها
ثالثا...وهذا هو السر في الصينيه...
اخلطي علبة قشطه...وملعقه كبيره جبن سايل...وملعقه مايونيز...طبعا بامكانك تغيرين في المقدار حسب ذوقك...لكن دائما القشطه هي اللي بتكون اكثر..وكل ما كبرت الصينيه تضاعفين هالكميه...القشطه علبتين والجبن والمايونيز ملعقتين...وهكذا...
هذا شكلها بعد الخلط...لازم تمتزج
غطي بها الطبقه السابقه...ولازم تكون متوزعه عليها زين..يعني ما يكون فيه فراغات
حطيها في الفرن...ولعي عليها من فوق وتحت...لمدة عشر دقايق...لما تتشرب خلطة القشطه
سبحانك اللهم وبحمدك اشهد الا اله الا انت...
استغفرك وأتوب اليك...