صينية دجاج بالخضار ام وبالصور

السلام عليكم ورحمة الله وبركاته
ام السالفة اني كنت مره جيعانه حيل وماعرفت شنو اكل وكل شئ مالي رغبه فيه .... قلت مافي الا اعمل حركات من هنا وهنا ويمكن تنفع ...
والحمد الله طلعت صينية سهله و روعه ولذيذه والكل عجبته ..................
صينية الدجاج بالخضار .....
علبة خضار " مقطعه جاهزة صفيتها من مويتها "
وقطعت بصل شرائح وحركتها على النار مع شوي زيت واضفت الخضار عليها
اضفت البهارات ملح وفلفل اسود وكمون وملعقه صغيره صلصله .......وخليتها على جنب
دجاجه مسلوقة قطعتها شرائح بعد مانزعت الجلد والعظم ..
وضعتها على النار مع شوي زيت وبهارات " ملح وفلفل اسود وكمون "واضفت لها بصل مقطع شرائح وطماطم مقطع وفلفل رومي قلبتها على النار ......
قطعت بطاطس مسلوق وصفيتها في صينية ورشيت على وجها جبنة شيدر ..
واضفت نصف كمية الدجاج ...وحطيت على الوجه جبنة ايضا ..
اضفت كمية الخضار ورشيت على الوجه جبنة
اضفت كمية الدجاج المتبقية ورشيت على الوجه باقي الجبنة ..
اضفت طبقة الباشميل " عبارة عن مايونيز وعلبة قشطه وجبنة كيري"
وهنا لما استوت وقطعتها وبالعافية علينا وعليكم ...
وهذه لاول وحده ترد
وهذه لثاني وحده
واتمنى تعجبكم ياحلوين ..........