صينيه التوست محشيه

السلام عليكم
مرحبا الساع
كيفكم يا بنات
أنا جربت هذي وقلت أنقلها لكن والله لذيذه
يالله نبتدي ..
:: المقادير ::
صحن دجاج مفيووح ( مسلوق ) و بعدين نفتفته
3 طماطات مقطعه صغاار
2 فلفل رومي (( فليفله الكباار )) انا حطيت احمر و اخضر وانتو بكيفكم
جزر حسب الرغبه
بصله مقطعه
ثوم مدقوق
ملعقه طماطم صلصه
كيس توست
البهارات :
قطعه ماجي حسب الرغبه ( دجاج او خضره )
كزبره
فلفل اسود
و اضافه عليهم بعد ..
كأس ماء
فطر مقطع
مقادير الصلصه :
1 قيمر ( قشطه )
بيضه
4 حبات جبن كيري
ملاحظه :
]
نحط مقادير الصلصه في جيك الخلاط
وخلوه عل جنب لين مانستعمله
.
الطريقه :
في شويه زيت نحط البصل مع الثوم و نخليه يتحمر
و بعدين نظيف عليه جميع المقادير ماعدا مقادير الصلصه والتسوست خلوهم بعييد
و نحمسه شووي و بعدين نغطيه بروحه يستوي
نييب بايركس زجااج
و 1 كيس سندويش سليس (( توست ))
و نحط شويه من الصلصله في القااع (( في البايركس من تحت )) علشان يتلصق الروتي
و نصف الروتي فوقه
و بعدين نحط خلطه الدجاج و نصب شووي من الصلصه و فوقه نرد نصف روتي و في الاخير الصلصه بطبقه متينه
و ندخله الفرن .. خلوه مبطل من فوق و تحت يعني حراره من الصوبين
ام خلووه شووي على مايتحمر
انا احترقت شووي الطبقه من فوق غفلت عنه لانه
و شلت القشر المحرووق
و قصيت لكم قطعه .. علشان تشوفونها بشكل اوضح
وبالعافيه