طبخه خاصه للرجال

1. نبدى

مرحباء كيفكن ابصراحه اول مره اشارك بهالقسم واطلب منكن تشجيعي واذا ماشفت وجه منكن ابزعل والا انزل اي طبخه علشان كذا ابي رقصه لدخولي
نبدى بالطبخه الي اسحرت كل الرجال والله على ما اقول شهيد والتجربه خير برهان

نبدى

ياطويلت العمر جيبي لحمه وقطعيه صغيرمثل المقلقل وحطي معه اعظام وحطيه ابقدر وحطي عليه ماء ومكعب ماجي وملح (قرفه -مسمار-هيل-ورق غار-فلفل اسود-واي ابهارت عندتس)بس ابشرط انهن يكونن على عدلهن وخليهن يطبخن لين تستوي الحمه زين
ابقدر ثاني حطي زيت او سمن او ودتس او زبده الي تطبخينبه اكلتس وحطي عليه بصل مقطع صغير بس يكون كثير ومعه ثوم مقطع صغير وخليه على النار لين يذوب البصل وإذا ذاب البصل حطي عليه فلفل رومي ملون او لون واحد على راحتس امقطع صغير وخليه لين يذوب ثمن حطي طماط مقطع صغير وقلبيهن لين يختلطن ابعض ثمن حطي كل انواع البهارات المطحونه عندتس مع ملح وماجي وكاري وفلفل اسود مطحون وحركيهن وإذا استوت الحمه اشخليه وحطيه على الكشنه وحركيه ثمن خليه على نار هاديه لمدة ربع ساعه بس ابشرط مايكون به اي نقطة امرقه يعني ناشفه
عند التقديم جيبي مراهيف او قرصان جيبي صحن حق نفر لانه مايصلح ياكل اكثر من اثنين بنفس الطبق وفرشي المرهاف بالصحن يعني اتغطين الصحن بالمرهاف وجيبي الحمه مع الكشنه وحطيه ابوسط المرهاف ثمن لفي المرهاف على الحمه يعني يصير مثل بقشت العجوز وصبي فوقه من امرقة الحمه بس مهب كثير يعني اتربصين المرهاف وصبي عليه سمنه ثمن جيبي بصل وقطعيه صغير وخلطي معه اشوي ليمون اسود مطحون ومسمنه اخلطيهن مع بعض وحطيهن فوق المرهاف هاذي الخلطه على راحتس تبي تحطينه كيفتس اختياريه انا احيانن ما احطه احط المسمنه واليمون الاسود مع الكشنه وتطلع نفس الطعم وإذا بغيتي تحطين اعلوب حبحر سواء حبحر الكرز او العادي
وحميه بالمكرويف وقدميه
وشوفي اما سفوه كله ومابقو ولا قطعه والله انا اقول عن تجربه كل الرجال حبوه الدرجة اشتهرة عند الرجال بها لاني صلحته الرجلي الدوامه وانهبلو عليه
الدرجة كلن ارسلي رسالة شكر على جوال رجالي ويطلبون طريقته علشان يصلحونه حريمهم لهم
والله ما كتبته الا عن تجربه الكبير والصغير كلن يهذري به علا انه بسيطه بس جابة مفعول للرجال
اول ما اصلحه ابصوره وانزله لكم
ملاحظه تراه توكل بنفس الرهاف الي لافته بالحمه
وان شاء الله راح انزل كل الطبخات الي عندي بس تراء طبخاتي رساويه بحته