طريقة حفظ النعناع طازج

السلام عليكم ورحمة الله وبركاته
ا نا مادري اذا هالموضوع مكرر ولا لا بس قريت هالموضوع واعجبني حبيت افيدكم
الكل منا له طريقته الخاصه في حفظ الورقيات بكافة أشكالها
ومن هالورقيات النعناع إلي الكل إحتار كيف يحتفظ فيه بنظارته وشكله لفتره طويله
الطريقه حبيباتي وماأطول عليكم
تابعوها الشرح
أولا :
جيبي النعناع وقطفي أوراقه وبعدين إغسليه
ثانياً:
خليه شوي لحد مايتسرب منه المويه
وبعد كذا نشفيه كويس
إما بواسطة مناديل الورقيه حقت المطبخ
أو بواسطة منشفه نظيفه
(( أنا مخصصه منشفه خاصه في المطبخ لتنشيف الخضروات والورقيات))
ثالثا:
جيبي علبه زجاج كبيره
وعبي فيها النعناع بس مو رص لا خليه ماخذ راحته في العلبه
وبعدين حطيه في الفريزر
ووقت الحاجه إفتحي العلبه وهي في الفريزر وخذي منها قدر إلي تحتاجين بعدين سكريها كويس
وتمتعي بنعناع كأنك دوبك جايبته