طريقة عمل البسكويت من مطبخي والخطوات بالصور

بسم الله الرحمن الرحيم
السلام عليكم ورحمة الله وبركاته
\\
طبق اليوم ( بسكويت )
\\
نبدأ خطوات العمل
(1+نص + ربع .. كوب طحين - ملعقة صغيرة بيكنج باودر - باكيت كامل فانيليا بودر - نص كوب نشأ ) .. هذي مقادير العجينة للبسكويت بالفانيليا الابيض .. ونحطها في طاسة وننخلها ونخلطها مع بعض ..
أما مقادير البسكويت بالكاكاو ( كوب ونص طحين - ربع كوب كاكاو بودر - ملعقة صغيرة بيكنج باودر - باكيت كامل فانيليابودر - نص كوب نشأ ) .. السمووحه ما صورت عجينة الكاكاو ..
نأخذ طاسة ثانية .. ونحط فيها ( 200 جرام زبدة لينة - بيضة - كوب سكر ناعم جداً - ربع فنجان زيت )
ونخلط المقادير زين
ونبدا نضيف بالتدريج المواد الجافة .. ونخلط زين فالبداية بنعجن بالعجانة بعدين بنعجن بيدنا
وهذا شكلها النهائي
ونفس الطريقة سويت العجينتين ..
نستخدم المكبس ..
وهذا البسكويت بالكاكاو
وندخله الفرن وننتبه عليه .. تقريبا بس 10 دقايق ويكون جاهز
طبعن تقدرون تتفنون بحشوات للبسكت
وهذي لأول وحده راح ترد علي وتعطيني رآيها
\\
وهني وعافية يارب