طريقة عمل الكبيبة الشامى

الكبيبة من الاكلات المشهورة للمطبخ الشامى والمميزة التى حققت رواجا كبيرا على مستوى الوطن العربى وسويا سوف نتعرف على اسهل طريقة لعمل الكبيبة الشامى وها هى مقادير الوصفة وطريقة التحضير:
المقادير:
1/2 كيلو برغل يغسل جيدا وينقع على الاقل ساعه
1/2 كيلو لحمه مفرمه حمرا من غير اي دهون
بصله كبيرة
4فصوص توم

• معلقة كمون صغيره مليانه
• معلقه بهارات مشكله صغيره مليانه
• معلقة قرفه صغيره
• ملح وفلفل
• الحشوه :

1/4 كيلو لحمه معصجه عليها بهارات وشوية قرفه ولما تبرد يتحط عليها صنوبر
الطريقه :
تنقعي البرغل بميه تغطيه لحد ما يزيد حجمه ويبقب طري وشرب كل ميته حوالى ساعه وبعدين تصفيه
كويس اهم حاجه تصفيته جيدا من الماء
وبعدين تحطي عليه اللحمه والبصله متقطعه ارباع والتوم وعليهم كل البهارات ويتقلبو ويتحطو في المفرمه يتفرموا ناعم جدا مرتين ولو مفيش مفرمه ممكن كبه بس المهم انها تبقي عجينه ناعم ومتماسكه
تسيبيها ترتاح شويه وتشكلها وعلشان يبقو كلهم شكل واحد اعمليهم في الاول كور مقاس واحد ورصيهم في صينيه مدهونه زيت وبعدين لازم يبقي جمبك طبق في ميه علشان تشكلي بيها حبات الكبيبه
علشان متلزقش
ومن فتره للتانيه تغسلي ايدك علشان متلزقش في ايدك وتاخدي كورة الكبيبه وتعملي فيها بصباعك فتحه وتحشيها بالحشوة اللحمه المعصجه وتغفليها كويس وترصيها في صينيه وتدخل الفريزر ساعه
ثم تخرج تقلى وتحمر فى زيت غزير حامى وبعدين تهدي النار شويه علشان تستوي وممكن تعملو كميه و تحطوها في اطباق الفلين و في الفريزر علي التحمير تنفع في عزومه من غير ما تاخد وقت وتتقلي علي طول.
اتمنى ان تكون الوصفة حازت على اعجابك وتكون استفدت بها وتشاركينى رايك