طريقة غدا سريعة ولذيذة مع نصايح للموظات الكشري بروست من يديني

1. 1/ اسلقي الرز : اغسلي كمية من الرز وضيفي عليها موية وملح وبس


2. وهذا الشكل النهائي

صباح / مساء الورد والفل والياسمين على احلى فراشات بالعالم
كيفكم واخباركم ؟ ان شاء الله تمام == الحمدلله
المهم
اليوم جايبة لكم طريقتي في الكشري واللي انا باعتباري موظفة احسه اكلة سريعة نوعا ما ولذيذة وفي نفس الوقت يمكن التجهيز لها من الليل
م ونسيت اقول لكم انها صحية بالمرة
بابدا بسم الله
اول شي تحتاجين رز ، عدس اسود ( يعني مو مقشور ،مكرونة ( يفضل الدوائر الصغيرة ) ، بصل ، طماط ، صلصة وملح وزيت وبهارات ، وكله بحسب عدد الاشخاص والكمية اللي تحتاجينها

1/ اسلقي الرز : اغسلي كمية من الرز وضيفي عليها موية وملح وبس

2/ خذي كمية عدس ونقيها ( تاكدي انه ما فيها لا حصى ولا شعير ) . اغسليها وحطيها في قدر فيه موية وملح ومن شان تختصرين خطوتين في خطوة حطي مع العدس المكرونة ومعاها شوية زيت حوالي نص ملعقة وبس ، وطبعا عالنار
3/جيبي كم حبة بصل وكثري وقطعيه انصاف دوائر عريضة ، بعدين في صاج اقليه مع زيت وسط يعني لا تغمرينه بالزيت وشوية ملح الين يصير لونه بني غامق . بعدها صفيه من الزيت
4/ آخر خطوة سوي الصلصة
بصلة مفرومة مع شوية زيت وشوحيها وبعدين ضيفي عليها طماط مفروم وصلصة وماجي وملح وبهارات وعصجيهم . اذا نشفت الطماط وبدات تلزق بالقدر جيبي موية مغلية وصبيها عليها الين تحصلين الكثافة المطلوبة
وبالعافية
انا اليوم سوبت مع الكشري بروست عشان ازيده طعامه
وطريقتي ابسط من البساطة قطعي الدجاجة وغسليها . بعدين خذي كل قطعة وملحيها ( ملح بس) وبعدين قلبيها في دقيق اسمر ( بر ) ثم اقليها في الزيت الين تتحمر وبالعافية
واذا خلصتي في طبق التقديم حطي الرز بعدين العدس والمكرونة بعدين الصلصة واخيرا البصل

وهذا الشكل النهائي

نسيت اقول لكم كيف ممكن تجهزين للاكل من الليل الرز اغسليه وحطي عليه موية ودخليه الثلاجة و العدس نفس الكلام اغسليه وحطي عليه موية ودخليه الثلاجة البصل قطعيه ودخليه الثلاجة وكمان اغراض الصلصة افرمي بصل وطماط ودخليها الثلاجة واذا رجعت من الدوام طلعي الرز والعدس وارمي مويتها وحطي عليها نص الكمية المعتادة لنضجهم من الموية وحطيهم على النار وما بياخذون اكثر من خمس دقايق
للبروست تقدرين تجهزينه كامل ما عدا القلي وتدخلينه الثلاجة وتقلينه اول ما توصلين
اتمنى موضوعي يكون عجبكم وما اكون ثقيلة دم فيه وادعولي دعوة طيبةلان الموضوع كامل من مجهدي الفردي و لاني تعبت في تزبيطه خ
سلام