طريقة لذيذة للجريش

اختي ابغى اقولك
طريقة امي الغاليه
اول شى تقطعين بصل وتحطينه في قدر وتحطين زبده نصف القطعه بعدين تحطين ماء يعني الماء على طول تحطينه بدون ماتحمسين البصل بعدين تضيفين الملح والقرفه اعواد تكوني قبل غاسله الجريش ومنقعته والجريش على حسب افراد العائلهبعدين تضيفينه للماء ويكون الماء يغلي بعين تقصرين على النار مره تخلينها مثل حبات اللولو الى ماينشف الما ولما ينشف الماء تروحين وتحطين لبن ويكون البن ارفع من الجريش وبعدين تجيبين الملعقه الخشب الكبيره شكلها مثل المغرفه بعدين تدقين الجريش اي بمعنى تهرسينه وكل خمس دقايق تهرسينه وطبعا تكون النار صغيره ونسيت اقولك قبل ماتحطين الجريش بعد مايغلي الماء تحطين دجاج او لحم اوبدون وتبدين با الهرس وتطلعين العظم اللي من الدجاج او اللحم لانه من كثر الطبخ يموع اللحم بعدين تكونين عاصره ليمون بعدين تضيفينه على الجريشوتحطين معه ماجي ابيض ماهو حق الرز الابيض الماجي الصيني وبعدين تحركينهم الى ان ينضج الجريش ويموع على فكره الجريش يبيله طبخ
الوالده لمابتسوي جريش للعشاء تبداء فيه الساعه 2 الظهر
الكشنه بعض الناس يسمونها الحشوه
بصل مقطع صغير بعدين تحطين زبده او زيت بس الافضل زبده بعدين تحمسينهم الى ان ي\بل البصل بعدين تحطين المسمنه وبس
الحشوه الثانيه تحمسين بصل وتحطين طماطم وفلفل مقطع يكون بارد اوحار على حسب الرغبه وتضيفين ملح وبهارات بعدبن تكوني سالقه دجاجه بعدين تضيفينها على البصل وتكونين قطعتي الدجاجه قطع صغيره
وبا العافيه اي سؤال لاتترددين ولاتنسينني من دعواتك

يعطيك العافية شيرين
وربي يطعمك من جريش الجنة
بس ابغى اسالك وش هو المسمنة ما اعرفها ومن وين نجيبها موجودة بالرياض؟وهل هناك بديل لها؟
وما فهمت احط اللبن ارفع من الجريش؟؟؟؟!!!
يعني كم كاس جريش وكم كاس لبن ؟
لو الطبخ لشخصين كم المقادير؟

معقولة ما في اي تجاوب ؟

اهلين اختي عسوله مقدار الجريش اللي تحطين كوب ونصف
والمسمنه تلقينها عند العطارين حقين البهارات تقولينهم مسمنه ولمنك ما حصلتيها احمسي بصل مع شوي زبده وتحطين شوي كمون ملعقه صغيرهوليمون اسود مطحون ملعقه صغيره بعدين تحطين زبيب
اللبن فوق الجريش يعني اللبن ارفع من الجريش 2سم
وفيه بقسم اطباق رئيسيه طرق اعداد الجريش الاخت فتاة القصيم و الاخت عاشقة الهدوء

السلام عليكم ورحمة الله وبركاته
جزاك الله خيرا

اهلين اخت عسوله انا اليوم مسويه جريش وبصراحه سهل مرة ولذيذ وانشالله يعجبك
اول شئ نقعي الجريش من الليل علشان اذا تسوينه غدا اوكي
اسلقي حبه دجاجه وقطعيها صغار بدون العظم وخليها على جنب ..المهم بالقدر حطي الزيت شوي مع بصل واحمسيه دقيقتين وبعدين حطي الجريش وحطي مرق الدجاج بعده وملحيها وغطي عليها وخليها على نار هاديه وكل شوي حركي واذا نقص المرق ياتزيدين مرق او مويه حارة واذا حسيتي بدا يستوي الجريش حطي اللبن يعني كوب تقريبا وحطي الدجاج بعده وارجعي حركي كل شوي وبالعافيه والخلطه الي فوق بس حطي بصل مقطع بالطول مع ليمون اسود مطحون على النار الين يصير ذهبي غامق وحطي ليمون اسود مطحون على الجريش

اشكل كل من افادني وجاد علي بفائدته
اخواتي شيرين وسمسمة والفراشة السعودية ربي يعطيكم الف عافية وشكرا لمروركم العطر
تقبلوا تحياتي

الله يوفقكم ويفتح الخير بوجهكم
مثل ما أفدتونا يارب ياكريم