طريقتي السهله والروعه للفوتيتشيني

السلام عليكم ورحمة الله وبركاته
اخواتي الغاليات بصراحه لقيت لكم وصفه من اختراعاتي انهبل عليها زوجي
وهذا كله من الحوس في المطبخ وفي الاخير يايطلع الاكل زين والا انتم عارفين ههه
المهم وما اطول عليكم
بعطيكم طريقه روعه للفوتيتشيني
يالله بسم الله نبدأ
المقادير ::::::::
مكرونه فوتيتشيني _ قيمر _ قطع دجاج صدور _ بصل _ صلصه صويا معتدله
اختياريا :::::::
زيتون ___ فطر __ شبت __ بصل اخضر __ بقدونس __
الطريقه ::::::::
نسلق المكرونه مع ملح وزيت وبعد ماتخلص اشخليها وحطيها في حافظه
ثم جيبي الدجاج <<<<< بدون سلق
والبصل المقطع وحطي زيت كثير نسبيا وحطي الدجاج عليه الى ان يتغير لونه واضيفي البصل عليه ثم حطي عليهم صلصة الصويا وشوي ملح وبعد كذا اذا استوى الدجاج حطي القيمر
واذا حبيتي تضيفين شي من المقادير الاختياريه اضيفيها هنا مع القيمر وخليه شوي الا ان تتبل مع بعض ثم ضعيها في الحافظه على المكرونه وقلبيها بالمغرفه او بتحيرك الحافظه بعد غلقها فوق وتحت ويمين ويسار والله يستر اذا ماطلعت لك عضلات
وبالعافيه وترى مافيها مواعين واجد <<< اهم شي
تحياتي ::: شموخ سدير تراها طريقتي الخاصه جدا جدا جدا