طلبتكم ابي طريقة الرنقيه ضروري

افا زين قولوا تعرفون ولا لا
ماهقيتها منكم
اختكم
الغلا99

وهي عباره عن كيلو رطب تقريبا او اكثر شوي على حسب الماعون . ك طحين .نص ك زيت نباتي او دهن . في البدايه بقولكم شي . في ناس تشيل الفص من التمر وفي ناس تخليه مثل ما اهو .
الحين ناخذ قدر ونحطه على النار ونكت فيه الطحين . ونقعد نحركه لما يبدي يقلب لونه يصير اشقر شوي . واذا تبين لونه يصير غامق خليه زياده على النار . وطبعا النار تكون خفيفه والتحريك يكون مستمر . بعدين اذا صار لونه اشقر تشيلينه وتنخلينه بمنخل عشان . لان راح تحصلين فيه نقوص وماتحتاجينها . بعدين تردين الطحين المنخول بالقدر وتكتين عليه الزيت شوي شوي مع نار هاديه راح يتماسك الزيت مع الطحين ويصير خاثر وتحركينه لمدة 5 دقايق ومن تشوفينه بدى يصك زيدي الزيت عليه . وطبعا تكونين مجهزه الرطب وصافته زين بمشخل. الحين تاخذين الخلطه او الروبه اللي صارت وتزلينها على الرطب شوي شوي لما تصير طبقه فوق الرطب . وعليكم بالعافيه
. تقدرون ترشون فستق مجروش على الوجه وتقدرون تحطون شوي دهن او سمن للي يحبونه وتقدرون تحطون اللي ترغبيه مثل لوز فستق او اي نوع من المكسرات اللي تعجبك
ودايم الناس ياكلون الرانقينه وهي حاره وفي ناس يحبونها بارده يعني يحطونها بالثلاجه . وانتوا وهواكم

مشكوره الغاليه وماقصرتي والله لايهينج ويوفقج ان شا الله
اختج
الغلا99