عاجل ارجوا الرد يا بناتالكويت

ههه اي ام حسين الحراميه وصل صيتها عندكم ههه ماعليج منها حراميه ونصابه وكلامها حجي فاضي لما تدقين تطلبين تعطيج خوش حجي ولما تدقين تقولين لها ماستفدت شي تقولي شسوي لج والله رفيجتي شرت منها اغراض بقيمه 270 ماستفادت ولا شي ماعليج منها

حتى البحرين وصلنا صيتها

أنا قريت عنها في جريدة "الناس" التابلويد وعجبني كلامها يعني والله كلامها يطلعج فوق النخل وتقولين خلاص أنا كل مشاكلي بتنحل على إيدها بس يا أختي مجرد كلام في كلام.....لا وتقولج قصص وهمية عن وحدة تعالجت عندها كانت بشرتها فيها حفر من حب الشباب وصارت بشرتها الحين صافية وتلمع مثل السيراميك من البياض واللمعة شو هالكلام أظن عنده عصا سحرية.......شوفي يا أختي أنا خذيت من عندها زيت عجب العجاب بس ما إستفدت منه والغرشة كبيرة هب صغيرة وفيها خلطة مطحونة في قاعة الغرشة......وخذيت بعد وخذيت الخلطة الملكية للتبييض اللي مكتوب عليها النتيجة تبين خلال اسبوع وأنا كملت عليها شهر والنتيجة 0% ...... وربيعتي شرت خلطة للكرش وهي مسكينة مافيها كرش يعني كريشة وهم ما فادها......هذي تجربتي وإذا بعدج مصرة على الرقم خبريني بعطيج ولا تلوميني بعدين

نسيت أقولج إن يوم ما فادني منتجاتها شوسويت طلبت من الثانية اللي بنفس الجريدة شو إسمها؟؟؟؟؟ شوإسمها؟؟؟؟ ها ذكرت الحين أم نواف لكن شو بقولج أنا اللي أستاهل .......مافي فايدة لا في الزيوت ولا في الكريما ت إلا بس خساير في خساير......إذا بغيتي زيوت مضمونة الفراشات ما يقصرون عندهم أشياء مضمونة ومجربة

بعدين يا أميرة قطر أي ممثلة اللي بتتعامل معاها؟؟؟؟؟ يعني هم وايد فاضيات عشان يدهنون شعورهم بالزيوت والخلطات وهالسوالف؟؟؟ هذا كلامها عشان تسوي دعاية ...الله يخلي مراكز التجميل،، في ممثلة طلعت قالت أنا أستخدم زيت أم حسين ولا هي بعد تعدد أسمائهم ....ولا هاذي أسرار.. الحين دكاترة تجميل قاموا يفضحون المشاهير ...يعني بتي على خلطة زيوت

انا اشتريت منها خلطه تبيض بثلاثين دينار ما صرت بيضه ولا ما يحزنون بس بشرتي الصافيه صارت فيها حبوب كبر التيله وعندها عجب العجاب خواتي اشتروه طلعت لهم حبوب براسهم وما طال شعرهم بس صار خشن حرام عليها النصب على بنات الناس يابنات بصيحه ابتعدو عنها