عرسي كان ألم لي

1. وخطيبي يرجع يسافر بعد ما متت وشفتو جنبي يرجع يسافر ويتركني

مرحبا بيات كيفكم؟الله يوفقكن جميعا ويهنكن يارب وتنولو كل الي فبالكم ويكون زفافكم متل ما تتمنون
رح احكيلكم قصتي لكن ارجوكم اقروا قصتي للاخر وما تملوا ساعدوني الله يوفقكم
انا خطبت بشهر 10 السنه الماضيه وخطيبي كان يعمل بالخارج بدبي يعني طول فترة الخطبه واحنا بعاد عن بعض اتزوجنا بشهر 7 السنه هادي
وانا متل كل بنت كنت استنى يوم عرسي واعدلو واجهز بأفكار واغاني وابحث بهالمنتديات وادور على افكار حلوه وعلى الفستان الي يناسبي واتمنى وعلى التساريح الي تليق لي من قبل عرسي بتلات شهور وانا اخطط وافكر
قبل عرسي بشهر تعبت نفسيتي كتير كنت خايفه حاسه انو رح يصير شي يخرب فرحتي بس مش عارفه ايش؟؟؟؟؟
وانا خطيبي متحفظ ومتدين وبيوم طلب مني انو كل بنات العيله عنا يتحجبوا والا ما رح يدخل معي القاعه هم متدينين جدا حنى اختو كانت محجبه لكن احنا عنا العادات لا بيفرعوا حتى لو العريس موجود مع اني ولا مره عملتها والله
المهم طلبت امي من قريباتي انهم يتحجبون حتى ما تحطني بموقف محرج لاني طالعه من العيله حتى ما يزعلون مني
لكن للاسف الرد كان الحقد والكره لا رجعو سألوا عني ولا عن جهازي ولا يشوفوني ويودعوني وقالو احنا ما رح نتحجب وبس لا كمان ما رح نقوم من اماكنا ولا نشارك بشي لحتى ترتاحو
وقلبت حياتي لكوابيس بعدها بفتره تعبت قريبه لوالدي وكلهم صارو يخفوني انها حتموت وما حد رح يجي على عرسي ولا رح اعمل حنا بالبيت واهلي يدعولي والكل يقولي الله يمرق عرسك على خير وبديت اخاف وقبل عرسي باسبوعين توفت وقبل كل هاد خطيبي كان حاكيلي اشوف الفستان وفيوم شفت فستان يجنن مش نفش كتير وذيلو يجنن مرصع باللولو وكلمتو وبعتلي فلوس وحجزتو وبدت المشاكل مع حماتي ليش هي ما تعرف وليش ما اجت معي شافتو كان الفستان يجنن كنت دايما اقول لخطيبي هاد الفستان يحتاج قصر مش قاعه وكنت استنى اليوم الي رح البس في الفستان وادخل القاعه وعاريسي جنبي كنت عامله افكار رهيبه تجن
وقبل العرس باسبوع جا خطيبي من السفر لكن الغريب اني كنت متضايقه جدا مش مبسوطه حتى خطيبي كنت استناه على نار لكن وقت قدومو ما بعرف شو صارلي وبدينا نجهز ورحنا اخترنا بطاقات الدعوه واخترت فكره حلو جدا وبدينا بتوزيع البطاقات للمدعوين
وقبل العرس بيومين راح خطيبي لبيت عمو اخو ابو لحتى يتفقو على الضيافه وعلى البوفيه وجابو كل الازم وزينو البيت لانو كان بدو يعمل حفله الرجال فبيت عمو وبعدها روح وميل علينا وقعد مع والدي واتفقوا على الطلعه وكل شي تمام وشو كنت مبوسوطه لانو كل شي رح يمضى على خير
ولما روح حكالي بكرا الساع 9 حضري حالك حتى نروح القاعه وتطلب الي بدك اياه من كتر الفرحه ما عرفت انام ليلتها خلص باقي يومين
وتاني يوم الصبح صحيت قبل بساعه بقمت النشاط وقمت السعاده احضر بالاغاني واكتب ايش اريد الكوشه والشاشه والزينه والورد والسجاد الاحمر كلو وانا بسريري ما قمت غسلت وجهي من كتر ما انا مستعجله عليهم
وبعد شوي فاتت علي والدتي بتحكيلي حكى معك محمد؟(خطيبي) حكيتلها لا وبضحك ومبسوطه لكن ماما شكلها غريب بتحكيلي والله مش عارفه شو احكيلك وقف قلبي بتحكيلي عم خطيبك توفى الليله
تخيلو يا ناس يا ناس عمو اللي كان عندو يتفقو على الترتيبات توفى ما كان في شي ولا شي
من الصدمه ما حكيت ولا شي ضليت مكاني انصدم بايش ولا ايش
احزن على ايش ولا ايش؟
احزن على عرسي الي تحول لعزاء؟ولا على خطيبي الي توفى عمو الي كان يموت في؟ولا على عمو الي كان يستنى يوم عرسي لحتى يفرح في ومات بدون مرض ؟
ولا انصدم بالموت شو قريب للانسان شوفو هالعروس بالله عليكم في اتعس واصعب من هيك
بعد شوي بدت الناس تيجي تواسيني تخيلوا قريبات عندي يواسوني
لما كنت مبسوطه ومحتاجه لهم ما حد سأل عني لكن لما راحت فرحتي وانتهى عرسي اجو يواسوني
الناس ما بتفرح لفرحنا بدها ايانا زعلانين على طول مشان يضلو جنبنا
وصابتني رعشه وبديت بالصياح باعلى صوتي وجسمي ينتفض وجابولي دكتور اعطاني ابرة مهدء
انا عشت خطبيتي كلها حرمان بحرمان اتمنى خطيبي يكون جنبي طول الخطبه ما عشت يوم متل البنات يجي عندي اظهر انا واياه
(كان معقود قرانا) بعدها صارو يقولو العرس بتأجل تخيلو البطاقات توزعت وانا محضره كل شي وحاجره الفستان والقاعه وبستنى باليوم والعرس يتأجل

وخطيبي يرجع يسافر بعد ما متت وشفتو جنبي يرجع يسافر ويتركني

خيروني اما نتزوج عالساكت او اصبر اربع خمس شهر يسافر خطيبي ويرجع نتزوج لكن انا كنت انكويت ما اقدر اتحمل بعدو اكتر من هيك كنت اعد الايام واستنى جيتو رفضت التأجيل ابدا ما اقدر اخليه يسافر ويتركني بهيك حاله
يوم الخميس كان اخر يوم عزا واصرو جماعة خطيبي يممو كل شي عالساكت لانو لو تاجل العرس للاسبوع الي بعدها ما رح يتغير شي
الغينا حجز القاعه لانو مو حلوه مشان خطيبي وحجزولي اهلي بقاعه عنا جنب البيت صغير جدا ومبتدأه جدا حتى ما فيها تكيف بس لانو ما في مكان نعمل في وما بدنا حفله مكبره وعملت حفلتي ولبست فستان الحنا ورحت الصالون وفتت القاعه لحالي وخطيبي مشاني قال انو رح تدخل يلبسني ويطلع بنفس اليوم فتت وشلحت الفستان والبست الفستان الابيض لكن لو تشوفو كيف كان شكلش المكياج ساح والتسريحه من العرق خربت ما في تكيف وفتت انا وعرسي لكن الحزن بعيونا التنين والكل حزين وعلينا نظرات الشفقه حولينا ما في اشي صار متل ما بدي ما حسيت اني عروس ما فرحت بالفستان ولا حسيت بالاحساس الي تحسو وتستنى كل عروس كيف افرح وعاريس جاي من بيت العزا عرسو وعزا بنفس اليوم والله كان اصعب يوم بحياتي واشنع يوم القاعه صغيره وفوضه وانا اكابر لكن للاسف كنت حاسه حالي وحده من الموجودين مش حاسه اني عاروس لا رقصنا ولا اي شي حتى الجاتو انا قطعتو لوحدي تخيلو لانو مو حلو بحق خطيبي وطلعوني عالساكت لا زفه ولا زينولي السياره ولا اي اشي والان انا الي متزوجه شهرين ونص دايما زعلانه ما اقدر انسى الي صار مجروحه مفنوسه اكره اشوف صور عرسي وما احس حالي عروسه لما اشوفهم ونفسيتي تعبانه حاسه اني نحرمت من احلى فرحه واحلى يوم بحياتي اجمل شعور بتستنى البنت انا ما حسيتو ومن يومها ارفض اروح اي عرس لحتى ما اشوف الفستان والفرحه الي نحرمت منها
ساعدوني الله يخليكم الله يوفقكم تساعدوني شو اعمل كيف اعوض حالي؟ كيف انسى الي صارلي نفسي اعمل كل الي كان نفسي اعملو وارجع البس الفستان الابيض بالمكياج الي انا احبو واختاره واكون حلوه واجنن متل اي عروس واشوف عريسي مبوط في
وبالاخر شكر كبير لكل الي كمل قراءه لقصتي للاخر ويا ريت ما تخرجوا بدون ما تكتبو شي وتفيدوني الله لا يعيشكم هالشعور
ساعدوني الله يوفقكم