عشانا المتواضع

أخباركم بنات؟ إن شاء الله تمام
هذي اول مرة انزل شئ من مطبخي وطبعاً شئ متواضع جدا جدا
ومعليش الصور مو واضحة مرة لان صورت بالجوال و ما صورت بعض الخطوات لاني كنت مستعجلة
بسم الله نبدأ
أولاً المكرونة
المقادير :
بصل_ جزر_ طماطم _ قرن فلفل حار _ ثوم أختياري
مكعب ماجي _ كاري _كركم _ تقريبا ملعقة ونص معجون طماطم _ فلفل أسود
و مكرونة مسلوقة في ماء وملعقة زيت وشوية ملح
الطريقة:
نسوي كشنة عادية شوية زيت وبصل و جزر وفلفل حار ونخليها لين يتحمر البصل ويذبل
بعدين نحط الطماطم
بعد ما تذبل الطماطم نزود شوية موية و نحط الماجي والكاري ومعجون الطماطم
وفلفل أسود ونتركها تتسبك
بعد ما تتسبك نحط الكركم ويا سلام على اللون
وهنا الصلصة جاهزة
الحين نضيف المكرونة وهذا شكلها بس الصورة ظالمتها
وهنا بعد ما خلصت المكرونة خلاص بس ما صورتها في الصحن لاني كنت مستعجلة
طبعا تقدرون تضيفون على الكشنة دجاج مفروم او لحمة او تونة
هذا يرجع لذوقك
ثانياً فلية دجاج محمر
تجيبين الفليه وتتبلينها بملح وفلفل أسود وكاري وثوم (أختياري)
و هنا بعد ما حمرتها في شوية زيت دقيقتين تقريبا لكل جانب وسويت معاها بطاطس مقلي
ثالثاً السلطة
وهذي مقاديرها
جرجير (ممكن تحطين خس ) _ خيار_ جزر _ ليمون _ جبنة بيضاء _ ملح
تقطعينها كبار و تخلطينها مع بعض ما عدا الجبنة علشان ما تخرب عليك وآخر شئ تحطين الجبنة
و أضفت لها شرائح زيتون أسود نسيت ما أصورها ^_^
وهذا شكلها
وبالعافية عليكم
طبعا الكمية قليلة لان العشاء لي انا وزجي بس وكل وحدة منكم تزيد على حسب
عدد أولادها أو أخوانها
أنتظر ردودكم الحلوة و دعواتكم الاحلى
أختكم :
شهودة