عشاي لمحروسي حياكم

1. اهلين بفراشاتي الغاليات ..


2. حياكم الله

اهلين بفراشاتي الغاليات ..

حياكم الله

اليوم بنزل لكم عشاي لمحروسي الله يحفظه .. امس سويت الطبخه تأخرت مانزلتها لأني تعبت وانا اصغر الصور واحملها .. وهالله هالله بالردود اللي تنسيني التعب .. وترى اول مره انزل موضوع بقسم الطبخ .. لا تحطموني <<<< طولتها وهي قصيره
يالله بسم الله
نبدى بالمقادير :
كيس مكرونه حلزونيه
فلفل رومي ملون ومقطع طويل
جزر مبشور
فطر
4 علب صغيرة جبن كرفت مبشور
2 قشطة خفق صغيرة
دجاج صدور مقطع مكعبات
حبة ماجي
ملعقة زيتون مقطع
زيت + ملح لسلق المكرونه
الطريقة :
نحط الدجاج في المقلى لين يستوي ونحط عليه الزيتون
وبعدين نحط معاهم الماجي وبعده الفلفل والجزر
نتركهم على نار هادئه لين يستوي الجزر والفلفل
بعدين نحط الجبن والقشطة لين تغلي شوي ويذوب الجبن ونشيلها عن النار
وبعدها نسلق المكرونه ونخلطها مع الخلطة اللي عندنا
وهنا الطريقة بالصور
في البدايه نجهز الملح والزيت لسلق المكرونة
وهنا لما جهزنا المويه و الملح وبدت تغلي
وهنا الدجاج مجهزينه ومغسول
وبعدها نكون مجهزين مقلاة تيفال ومشغلين عليها النار ولازم تكون حارة مره وبعدها نحط الدجاج عليها من غير زيت
وبعد ماتطلع موية الدجاج ويستوي نكون مجهزين الزيتون والماجي
نحطهم على الدجاج
وبعد مانخلطهم شوي نكون مجهزين الفلفل الرومي المقطع والجزر المبشور
والحين نحطهم على الدجاج ونخليه إلى ان يذبل
بهالوقت تكون المكرونة قربت تستوي
والحين نجهز الفطر
نحطه على الفلفل والجزر بعد ماذبلوا
وبعدها نكون مجهزين الجبنة المبشورة وقشطة الخفق
نحط الجبنة
وبعدها كريمة الخفق
بهالوقت تكون المكرونة استوت وصفيتها من المويه
هنا بعد ماخلطنا الجبنة وقشطة الخفق بالدجاج
وهنا ذابت الجبنة وبدت تغلي
وهنا حطينا الخلطه ع المكرونة
هنا خلطناها مع المكرونة
وهنا لما حطيتها بصحن التقديم
واخيرا هذي سفرتنا .. حياكم
وبالهنا والشفا

• * واشكر محرووسي الغالي على مساعدته لي في تصوير الطبخه ويالله خلوني اشوف الردود تعبت وانا انزل الصور