مشخول الروبيان من يدين دلع يمي

السلام عليكم ورحمة الله وبركاته...
ولأول مره في العالم دلع تشارككم في طبخاتها المميزه اللذيذه
طبعا أنا طباخة ماهره <<< اقول اخلصي علينا بس
المهم طبق اليوم إن شاء الله مشخول الروبيان بطريقة دلع المميزة
وبالصور من مطبخي
المقادير:
روبيان جمبري على حسب الرغبه و العدد
بصل مقطع صغير
طماط مقطع صغير
كزبرة
ثوم مفروم او بودره
بهارات مطحونه
نص م بهار الدجاج
نص م كركم
شوية زنجبيل
شوية فلفل اسود
ملح
بهار عدل
هيل
مسمار
قرفه او دارسين
ليمون اسود
رز منقوع على حسب العائلة
الطريقة
نضع البصل في القدر طبعا انا طبخته بالزبده ألذ بقوه
واللي تبي تحط زيت عادي
تحمسين البصل حتى يحمر
بعدها تحطين الروبيان مع حبتين ماجي كنور واخلطي
ثمرتحطين جميع البهارات وتخلطينهم زين
وبعدين حطي الطمام وشويه صلصة طماط واخلطيهم زين
ثم تصبين في القدر شوية مويه عشان يستوي الروبيان زين
زين زين زين <<<ماتلاحظون اني علقت
المهم تغطين القدر حتى ينشف المويه
بعدين حطي الكزبره المفرومة واخلطي
بعدها تطفين عنه النار
وتجهزين القدر للرز المنقوع
وفيه مويه تخلينها تغلي ثم تحطين الرز
مع هيل ومسمار
وتخلينه يطبخ نص يعني خليه شويه قاسي
واشخليه
طبعا خذي قدر يكفي الرز وحطي في القاع نص زبده او على حسب الرغبه سيحيها
وحطي عليها طبقه رز واخلطيه
بعدين حطي حمسة الروبيان
بعدين غطيها بالرز الباقي وغطي القدر زين عشان يستوى الرز
وهذا شكلة النهائي
ياليت مشرفات القسم يضبطون الصور
احس انها صغيره
وبالهنا والشفاء
اتمنى يعجبكم