عندي مشكله مع زوجي والطبخ

السلام عليكم
كيفكم يا اخوات؟
باعرض عليكم مشكلتي من باب الشكوى والفضفضة
بصراحه لي 3 سنوات متزوجه وخشيت السنه الرابعه وانا كل ماجيت اطبخ او اتعلم شي جديد حطمني زوجي قال لي مالي نفس او معليش ما احب الاشياء الجديده او ما احب الخربطة
يعني بصراحه انا ما اطبخ الا اذا جوني اهلي لان انا في مكان مافيه احد من معارفنا بس احيانا يجونا اهلي يسلونا كم يوم ويسافرون
ومرة كتبت له الاصناف اللي سامح لي اطبخها وشاف قد ايش هي قليله وجلس يضحك مو مصدق
بصراحه نفى قاعدة باب الرجال معدته لانه ابدا مو كذا
ويحب كل شي روتيني يعني مثلا هو يعرف ان المقلقل باللحم انا ماينفع يوم اسوي مقلقل دجاج اصلا من الشكل يقول يع
ومرة سويت خلية نحل بس وردات يعني مو متصلة مع بعض في الصينيه قال يع هذي مو خلية نحل وجلست احلف انه بس الشكل تغير وماصدقني من جد حتى انا صار وزني مرة نازل لاني مليت من نفس الكل يوميا وصعبه اسوي صنفين كل يوم لي وله لاني ماني من النوع اللي ياكل وحده لازم احد يشاركني وماعندي جيران والا باقول باطلع لجارتي تاكل معاي
طولت عليكم بس حبيت افضفض شوي