غداي البسيط 3 حياكم حصريا على الفراشه

AM FISEL

15-11-2022 - 06:37 pm

شخباركم فراشات
هذا غداي انا وزوجي ربي يحفظه السفره كامله
كل طبق بالصور مع طريقته
مكرونه بالملووخيه والدجاج
المقادير :
مكرونه نفس اللي بالصوره
صدر دجاج مقطع قطع متوسطه
بصل مفروم
ملوخيه مفرومه ( حقتي مثلجه جاهزه )
ملعقه صغيره صلصه طماط
ملعقه صغيره بهارات مشكله
ملعقه صغيره ملح + رشه فلفل اسود
فص ثوم مفروم
الطريقه :
نحمس البصل مع شويه زيت ونحط ملعقه بهارات مشكله لين يصير لونه ذهبي
ثم نحط عليه الدجاج مع رشة فلفل اسود وملح ونقلب ونخليه لين تتحمر مع البصل
اذا استوى الدجاج نحط عليه صلصله طماط ونحرك
نحط ملعقتين كبيره مويه ثم نحط الملوخيه ونخليها على نار هاديه لمده عشر دقايق
ثم نحط فص الثوم دقيقتين ونطفي النار .
وبعدها نسلق المكرونه نحط بالمويه زيت وملح نحط المكرونه بصحن ثم فوقها الخلطه وبالعافيه .
محشي كوسه وبطاطس بطريقتي
المقادير :
2 كوسه و 2 بطاطس
كوب وسط رز بشاور ( مفروض مصري بس ماعندي ) بس البشاور لذيذ بالمحشي
بازيلا
ملعقه صغيره بهارات مشكله + رشه فلفل اسود + ملح
2 فص ثوم مفروم
نص فلفل اخضر رومي مقطع قطع صغيره
بقدونس مفروم
2 طماط + ملعقه صلصلة طماط
فلفل احمر صحيح ( خياري )
الطريقه :
طبعا نسوي الحشوه ناخذ تاوه ( طابي ) نحط فيه شويه زيت ثم نحط عليه الرز مع 2 فص ثوم مفروم وبهارات مشكله والبازيلا وملح
ونحط عليه كوب مويه خليه على نار هاديه عشر دقايق ثم ناخذ صحن نحط فيه الفلفل والبقدونس ورشه فلفل اسود وشويه ملح ونحط عليه الرز مع خلطته
ناخذ الكوسه والبطاطس احفرها ثم اسلقها 7 دقايق ثم اشويها شويه بالشوايه لما تبرد شويه احشيها وحطيها بصينيه بشكل مرتب
اما بالخلاط نحط 2 طماط مع الصلصله والفلفل الحار وملح ورشه فلفل اسود ونخلطها ثم نحطها على المحشي وندخلها بالفرن لمده ساعه وبالعافيه .
توست بطاطس بالطماط الحار
المقادير :
بطاطس مقطعه حلقات او اصابع
2 طماط
1 فلفل اخضر او احمر حار
ملعقه صغيره فلفل اسود + رشة بهارات مشكله + ملح
الطريقه :
نقلي البطاطس ثم بوقت القلي اخذي الطماط مع الفلفل اخلطيه بالخلاط وسط مو كثير
ثم حطيه بقدر مع ملعقه صغيره فلفل اسود ورشه بهارات مشكله وملح خليه على نار هاديه مده عشر دقايق
ثم حطي عليه البطاطس المقليه وقلبيهم مع بعض عدل خليه على نار هاديه خمس دقايق
ثم خذي توست حطي فيها جبن سايل ثم البطاطس وحطيها بالة التوست اللي تخليها مثلثات وبالعافيه .
سلطتي المفضله
المقادير :
خيار مقطع قطع صغيره
ذره
بليله ( حمص )
بقدونس مفروم
حبة جبن كيري يقطع 9 قطع
ملعقه صغيره عصير ليمونه
ملعقه صغيره زيت زيتون
متبل للسلطه – متبل طماطم بالبهار ( بالسوبر ماركت )
الطريقه :
نحط خيار ثم ذره مع بليله وفوقهم الجبن والبقدونس ثم المتبل والليمون والزيت زيتون وبالعافيه .

التعليقات (9)