فآهيتا الدجاج من مطبخ الترفه

1. بعدين تضيفين عصير الليمون وقشرة الليمونه المبشورة والاوريغانو .

مرحبآآآ يا فراشات ..
شلونكم .. عسآكم طيبين .؟!
هذا اول موضوع لي بالمنتدى وعساه مايكون الاخير ..
أول مره اسوي فاهيتا بس طلعت تجنن وطعمها روعه ..
وهذي المقادير :
صدور دجاج بدون جلد وعظم الكمية حسب الاشخاص
فلفل بارد ملون انا استعملت ( اخضر – اصفر – احمر – برتقالي )
صويا صوص ملعقتين أو ثلاث حسب كمية الدجاج
عصير ليمونه واحده
قشر ليمونه مبشور
قطعة ماجي
ملعقتين كركم
ملعقة صغيرة قرفة
ملح وفلفل اسود
ليمون اسود بودرة
ملعقة صغيره سكر
بصل وثوم
زيت زيتون
اوريغانو
زبدة أو زيت نباتي
الطريقة :
اول شي تخلين الدجاج برا عشان يفك الثلج وبعدين تحطينه بالماي وتنظفينه وتقطعينه الدجاج قطع طولية وتضعينها في وعاء .
وتضيفين على الدجاج الصويا صوص ملعقين كبار أو ثلاث وتضيفين شويه ملح وفلفل اسود ومسحوق ليمون اسود والكركم وملعقتين زيت زيتون وملعقة صغيرة سكر وجميع البهارات اللي ذكرتها

بعدين تضيفين عصير الليمون وقشرة الليمونه المبشورة والاوريغانو .

تدقين الثوم وتضيفنه للدجاج وتقطعين البصل وتضيفنه .. بالنسبة لي انا دقيت الثوم مع ملعقة صغيرة زيت زيتون لين صار نااعم لاني ماحب الثوم بس مجرد طعم والبصل ماحبه لكن عشان الطعم قطعت البصل قطع كبار عشان اشيلها بعد مايتخمر الدجاج وقبل ما اقليه .
واخر خطوة نغطي الوعاء ونخليه بالثلاجه لمدة 3 – 4 ساعات عشان يتشرب طعم البهارات والبصل والثوم ..
الخطوة التاليه هي تقطيع الفلفل البارد الملون إلى شرائح طولية ..
اخر خطوة هي نقلي الدجاج طبعا ان ا قبل ما اقليه شلت البصل لاني قطعته قطع كبيرة بسهوله ينشال ..
وقليت الدجاج بالزبدة عشان الطعم وومكن تضيفين زيت نباتي مع الزبدة
وتقلبينه شوي لمدة 5 دقايق تقريبا وتضيفين عليه قطعه الماجي وتحركينه واخر شي تضيفين الفلفل البارد .. لين يستوي
للتزين
ممكن تزينينه بجبن مازارولا وبقدونس ..
وهني وعآفيه
لاتحرموني من ردودكم