فاصوليا بالصور

سلام ياصبايا وياستات
اخباركم كلكم عاملين ايه؟؟؟
طبقنا اليوم فاصوليا مع الرز الابيض
بس بصراحة الفاصوليا قد ماتكلوا منها ماتشبعوا
نبدا بالمقادير:
ماراح احدد الكميه لانه عدد الافراد هو اللي يحدد
فاصوليا مقطعة صغير
بصل لاهو مفروم مرة ولا مجروش
زيت زيتون وهذا الاهم
طماطم مقطعة وسط
ملح وفلفل اسود
واذا تحبوا البهارات الهندية
الطريقة:
1/ تحمي القدر على النار الين يحمى وتصبي جواته الزيت
ملاحظة: الزيت تقريبا ربع كوب او ثلث مو كثير لانو هو اللي يخلي الفاصوليا لذيذة..
لمن يحمى الزيت تصبي عليها الفاصوليا وتقعدي تقلبيها
الين تتحمر الفاصوليا شوي
2/ تحطي البصل فوق الفاصوليا وتقعدي تقلبي الين يتحمر البصل
3/بس يتحمر تحطي عليه الملح والبهارات وقلبيه كويس
4/ الحين حطي عليها الطماطم
وقلبيه بسرعة وغطيها وخليها على نار هادية
لمن تستوي..
تقدميها مع الرز الأبيض او ممكن تناكل مع الخبز الاسمر
واخيرا اعتذر على الصور اللي مو واضحة جوالي تحفة في التصوير...