فته لبنانيه ام بالصور

السلام عليكم ... أنا من فتره سوت غدا لي ولزوجي وحبيت أصوره وأنزله
صراحه طبق ام طعم بمعني الكلمه وبنفس الوقت سهل ورهيب وهو ينقدم بصينيه بايركس عشان الشكل طبعا
وهذي طريقته ::
قولو مشاء الله تبارك الله
أول شي تجيبين العيش الشامي (الخبز الأبيض الخفيف) وتقطعينه مكعبات وتقلينه وتحطينه بالصينيه كطبقه أولى
وبعدين تقلين تقطيعين حبه بطاطس مكعبات وحبه باذنجان مقطعه مكعبات وتقلينها وتحطينها كطبقه ثانيه
وبعدين تجيبين صدور دجاج وتسلقينها وتفتتينها كبار وتكشنين بصل وثوم وتحطين الدجاج المفتت وتبهرينه بملح وفلفل أسود
وتحطينه فوق الخضار كطبقه ثالثه
وتاخذين نص كاسه من مرق سلق الدجاج وتحطين عليه فص ثوم مبشور وشويه زيت زيتون وحبه ماجي وترشينها كلها على الطبقات اللي بالصينيه
تعطي طعم عجييب وهي سر الطعم وربي اول مره كنت متخوفه منها لاكن بعد ماذقتها سررت مبسوطه من الطعم
وبعدين تسلقين رز بماء وملح وتحطينه طبقه رابعه وتساوينه مززبوط
وجيبي واحد لبن زبادي وحطي عليه ملعقه طحينه وليمون وفلفل أسود وملح وشويه خل
وغطي الصينيه فيه وقطعي بقدونس وزيني فيه الصينيه أنا كنت مستعجله ومازينتها خ أبو الشباب كان ميت جوع
بس ترا ماتحطينها بالصينيه الا لمن تجين تقدميها.... وبالعافيه عليكم وجربوها ماراح تندمون
والله الله بالردود اللي تبرد القلب تراي تعبت حيل وأنا أكتبها لكم ...
الله يسعدكم يابنات اللي تعرف تصغر الصور ياليت تصغرها ...