فحص الكروموسومات

مافي رد ؟؟؟ الله يسامحكم والله زعلتوني

لاتخافين حبيتي وحده أعرفها سوت هذا التحليل طبعاً تحليل دم منك ومن زوجك وطلع عندها خلل في الكروموسوم يسبب خلل في تكوين الجنين ويسقط من رحمة الله زوجها يقرب لها وقال لها الدكتور شوفي يمكن يحصل مره من المرات وتحملين بطفل سليم راحت لحرمه في الشرقية وتعالجت عندها وجابت ولد بعد إجهاضين وأجهضت بعد الولد مرتين وهنا المفاجأه تحلف بالله ماراحت ولامكان بس متابعة تبويض وحمض الفوليك وحملت ببنتها وكورس من الرقية الشرعية على نفسها وقراءة البقرة وماشاء الله تبارك الله جابت بنت زي القمر ..
الزبدة سوي التحليل وتوكلي على الله وثقي أنه مافيه شئ يضيع عند الله وأن كتب لك أطفال بيجون لو وقفت العالم بوجهك توجهي لله بالدعاء وحافظي على البقرة يومياً والرقية الشرعية والله يرزقنا ويرزقك من واسع فضله ..
انا نفس حالتك والله بالظبط لي خمس سنوات متزوجة وثمانية شهور اربع إجهاضات من عمر شهرونصف لشهرين ومدري وش السبب ماخليت مكان الحمد لله وتصدقين سويت تحليل الكروموسومات وماأخذت النتيجة لأني في مدينه ثانية وماتيسرت لي ..
سؤال وياكثر ماهرجت عليك كم عمر الجنين لما ينزل عندك وتحسين بوحم وإلا لا وتبرد أطرافك ويجي نزيف لك ؟ ياليت تجاوبيني..

اهلا وسهلا ياموون الله يرزقنا جميعا الخلف الصالح حبيبتي اول مرة كان مده الحمل شهر ونص ونزلت قطعة بيضه مدورة وعليها شراين مع نزيف وفعلا قبل ماانزل بردن اطرافي وحرارة وصداع مع الم بالبطن والظهر . المرة الثانيه نفس الاعراض لكن كان اسبوع واكمل الثالث ونزل جنين كامل يعني انسان بس طوله مثل الاصبع . المرة الثالثه بالسادس ولادة مبكرة ونفس الاعراض .والمرة الرابعه كان حمل ضعيف جدا ونزل مثل الدورة . بالاضافع عيوني انا مجرد ما تعدي الدورة تقريبا اكثر من اسبوع تاخير يبلش ينزل عندي مشحات دم مرات بنيه ومرات مخاط مع دم لغايه مايصير نزيف وينزل

نسيت حبيبتي اقولك المرات اللي نزلت فيها والجنين في المرحله الاولى من الحمل وهم ثلاث مرات كنت احس بوحام لكن مو شديد. لكن المرة اللي كمل معي فيها للسادس واله على مااقول شهيد اني كرهت نفسي وبيتي وزوجي من الوحام .سبحان الله عيوني نفس بعض بالعدد في السنين وفي عدد الاجهاضات انشالله الله يكتبلنا انا وانتي وكل محرومه الخلف الصالح السليم المعافا بس قولي يارب والله اني متابعه سورة البقرة في الحمل واكثر من الاستغفار لكن هده مشيئه الرحمن ان اراد شيئا فيقول له كن فيكون. ياعمري والله كريم

الله يعوضك خير يارب ..
حملك الاول نفس حملي الأربع مرات الوحم خفيف غثيان وصداع بس أتوقع لانه بدري على الوحم في هذاك الوقت ..وفعلاً البني دايم معي لحد الأجهاض تخيلي الحملين الأخيرين مانزل إلا بحبوب فتح رحم وسويت تنظيف..
سمعت أنه بروده الأطراف قد تكون عين وقد تكون علامة لجرثومة داء القطط..
وقراءة البقرة من قبل الحمل أبدئي فيها ومن اللحين أحسن لك.

ماسه الدنيا الله يرزقج ويشفيج يارب ويرزق مون 13 ويشفيها يارب
سمحيلي ما عندي فكره عن الفحص

الله يرزقج و يرزقني و يرزق كل المسلمين

مشكورات ياقلبي