فطائر دجاج بالجبنة سهله جدا جدا

&&&&&&&&&&&&&&&&&
السلام
شخباركم ؟؟
كل عام و أنتوا بخير
اليوم جايبة لكم طبخة سهله جدا
و تصلح حق رمضان .. و الحلو فيها ان يصير تثلجونها بالفريز و كل يوم
تقلون كمية .. خصوصا لما يجيكم ضيوف على غفلة
المهم .. هذه المقادير :
1- فتات البقسمات
2- 3 بيضات مخلوطين ويا استكانة ماي و ملعقه فلفل اسود
3- كيس كامل روتي سليس
4- صدر دجاج مسلوق مخلوط مع جبن مبشور و فوقهم فلفل اسود و بهارات شوي
5- ماء
الطريقة :
1- تاخذين شريحة سليس و تقطعين الاطراف و تبللينها بشويه ماي شويه بس
2- تحطين في وسطها خلطة الدجاج مع الجبن
3- تصكين الشريحة تضغطين على الاطراف بقوة
4- تغمسينها في البيض و بعدين في البقسمات
و بس
هذا الشكل النهائي .. بعد ما سويت كيس كامل .. بس ما قليته
و اهم شيء اهم شيء
بعد ما تخلصون تحطون الفطاير في الثلاجة لمدة ساعة او ساعتين
قبل القلي .. لان اذا سويتوهم و على طول قليتوهم خلاص راح ينفتح لكم
و يخترب
و يصير تحطونه في الفريزر و كل يوم تقلون كمية منه
و بالعافية
&&&&&&&&&&&&&&&&&&&&&&&&&&