قصة بنت مسترجلة في الرياض الكل يمسك بطنه

1. وهي :لفتاة: بالرياض


2. تفضلوا

سلام كيفكم اكيد كلكم تمام

وهي :لفتاة: بالرياض

تفضلوا

وليلة مثل اي ليلة كنت جالس احكي مع ال (girl friend) حقتي وهي تتكلم عن مغامراتها وكيف انها مره لبست ثوب وراحت مع عيال عمها مره للعلياء ومره للتحليه...واول ماقفلت معي صرخت فيها وقلت ترضين لو سويت نفسي بنت ورحت لعرس والا لمشغل‍‍!!؟.. وبكل بروود ضحكت وقالت ما اتخيل شكلك!!..بعدين من زين هالاماكن الي رايح لها اجل مشغل كل وحده تجي من بيتها وشكلها غلط كأنهم رجاجيل من غير شنب..رح بس رح... قلت يعني انتي تتحديين!!قالت ايه اتحداك..قلت خلاص كيف اثبت لك...قالت ما ادري عنك بس اذا صممت تسوي نفسك بنت...رح لاماكن حلوه تفتح النفس..سألتها يعني كيف؟؟قالت الي على راسه برج يحسس عليه..قلت لها يعني ايش برج التلفزيون والا برج الفيصليه..قالت لي عليك نور..رح للفيصليه على انك بنت...وقتها جتني حالة العبط الشبه دائمة...بس..بس صعبة...ثانيا انا ابي اغازل فيها مواصير بنت..قالت انت ادخلها اول بعدين فكر في المغازل...قلت بس مره صعبه..قالت انا اساعدك بس انت صمم..طقيت صدري وقلت تم..الوعد ليلة الخميس...بس ش الاشياء الي رح احتاجها...قالت اسمع لازم عبايه وتنوره وبلوزه وجزمه..اوكي..قلت اوكي...قالت ايه صح حبيبي لاتنسى تشيل شعرك يدك..اوكي حياتي اتفقنا..قلت افى عليك..يوم الخميس رح تشوفين حوريه تمشي على الارض والشباب من وراها...افواج...ومن هنا بدت رحلة الاستعداد والتجهيز...واول شيء سويته رحت للسوبر ماركت ادور مزيل شعرممتاز..واول نوع لقيته مكتووب عليه سهلة في الاستخداام وبدوون اي الم.. تذكروا بدون اي الم...بعد كذا رحت محل ملابس جاهزه..دخلت السلام عليكم...القى عندكم تنوره وعبايه على مقاسي ...(الي يبيع وهو على فكره يمني) ايش يا ولد..ايش تقول على مقاسك ..(انا) لا لاتفهم غلط..قصدي لاختي..بس اختي مقاسها مثل مقاسي ...(الي يبيع) ايه قوول كيذا..ربنا يهديك فكرتك!!..على العموم ايش نوع العبايه الي تبيها اختك ....(انا) اي نوع ما تفرق بسرعه بس .. اصلاً انا..قصدي اختي احترقت عبايتها في المطبخ فالحين ندورلها اي شيء..بعدين هي تشتري النوع الي تحب (الي يبيع) اي شيء ثاني ..(انا) ايه لو سمحت القى عندك تنوره( الي يبيع) ايه في بس كيف تحبها قصيره ..طويله ...؟؟ ..(انا) لا ابي اطول شيء وارخص شيء ..(الي يبيع) ايش هذا الكلام في احد يبخل على اخته (انا) هي اختي الحين والا اختك.......المهم واشتري التنوره القصيره مع الشراب الي يسمونه ذاات لمعه برااقه...مع الجزء العلوي من ثوبي الي قصيته..الحين احد بيدقق ...و اول شيء بديت اقرأ تعليمات الحلاوه...بللي بشرتك التي تودين ازاله الشعر منها..اضيفي قليلاً من المسحوق وانتظري خمسة دقائق..ثم ابدأي بنزع المسحووق وبنعومه ولطف سوف ترين كيف ان الشعر يزال بسهوله وسلاسه..وسويت كل شيء وبعد خمس دقائق(اه...اوه..اي اي اي ... الم ..والمشكله ما يروح..اي مايروح الشعر ش المشكله..ارجع اقرأ التعليمات الصفخة الثانيه ملحوظه مهمه...لاينصح باستخدام هذا المسحوق لمن هن ذوات شعر كثيف او الرجاال... بدري...الحين تقولون لنا....وبعد معركه طاحنه قدرت اطلع بنتيجه...المهم والبس الشراب ذواات لمعه فائقه...وانا طالع ومن رحمه ربي القى جزمة الشغاله واخذها بسرعه واروح للسياره واتجه للموقع..دقيت على خويتي قالت لي انها تنتظرني عند هارفي نيكلز قلت لها تم وادخل المواقف واتلفت يمين..يسار.. ما في احد..وبحركه مباغته البس الملابس والعبايه..ايه واهم شيء (البرقع) ومن المواقف انطلق فتاه بكامل انوثتها...اخ ياقهر...نسيت الشنطه..بنت وبدون شنطه ما تجي...ارجع للسياره واخذ التلبيسه وامسكها من طرفها كانها شنطه وامشي فيها...وهنا حانت لحظه الصفر....دخلت الفيصليه.....صحيح ما دخلتها مثل ما تشتهي نفسي مكتمل الرجوله ومدشناً بالكروت المعطره...دخلتها بعد اعوام من الحرمان والطرد وطيحت الوجه...دخلتها والشوق في داخلي...شوقي لها....دقيقه وتدق علي خويتي...ترن..ترن..ترن وارد (انا) هلا .(خويتي) ههه هذا انت الي قدامي زين شكلك..طرحتك مايله كأنها شماغ اخوي الصغير...بعدين لا تسرع ياحياتي ما في بنت تركض بالسوق وهي تحكي وتعلق وانا سارح.. الا واسمع صوت ضب من وراي يقول..مساء الخيروالاحساس والطيبه...التفت وليتني ما التفت.. صدمني...واقول له وجع وش تبي خلاص وزعوا الزكاه...ويرد علي ويقول وش دعوى تونا ما حكينا ويمد لي ورقه صغيره..واصرخ بوجهه ..كل هذا بخل ما عندك كرت مثل العالم الناس...انت مكانك في حديقه الحيوان مع جماعتك هناك في الكهوف (وفي تلك الاثناء كانت الطرحه تهتز امامي واقوم انا بحركه غير مقصوده وازينها كأنها شماغ) الجوال يرن ...... خويتي..ياغبي وش مسوي انت.. زين طرحتك لاتنسى انت بنت ....(انا) ايه صح نسيت...المهم وبعد ما زينت شكلي ركبت ال lift
مع شابين حلوين (اموت واعرف من وين يدخلون حتى الفيصليه فيها واسطه) المهم..مازال تاثير اني ولد فيني...جالس وسط الولدين ويرن الموبايل.. خويتي...ياغبيه..قصدي ياغبي..في بنت توقف وسط شباب...ابعد عنهم خلك ثقل...وارجع واجلس في الزاويه ويبدأ واحد من الشباب ويبتسم ويقول لي (يسلم هالطول)(اجل طوول..تتطنز..اي طول الي تحكي عنه) الشاب:- ليت ماعلى الارض الا انا وانتي ياقمر... المهم بدت عظام يترتجف بيني وبينكم اول مره اسمع كلام حلوو...وقلبي يدق بسرعه..وشوي شوي ويقترب الشاب مني وقتها مت خوف...واول ما وصلنا طلع الشاب الاول وشبكني مع صديقه..الي طلع لي كرت معطر وسلمه يد بيد..كان ودي ارفض الكرت اسوي فيها ثقل بس اللقافه الي فيني....ويقوول لي ياليت لو نتقابل انا وانتي برا السوق في مكان هادي قلت له ايه طيب ... قال ايش... قلت لاولاشيء انت تامر امر...اوكي عيوني انتظرك الساعه ثلاث الفجر لاتنسين تدقين...واول ما انفتح الباب جلست اركض كاني هبله...وفجأه يرن الجوال (خويتي) انت متى رح تتعلم تصير بنت محترمه..كم مره اقول لك لا تركض انا... ياحياتي الشيء هذا ياخذ شوية وقت بس.. اصبري علي (خويتي) على العموم انا قلت لك..باي ...وهنا اخذت اكمل لفتي في الفيصليه الا واشوف بنتين سبحان من خلق وفرق وحده بنوته والثانيه كأنها انا ولد مسوي نفسه بنت وبينما انا امشي تجي الاولى وتقول يا ربي الحلو ثقلان ليه...نعم الظاهر انهم يكلموني...تقول الثانيه شكلها متعلقه بغرام العيال حتى الحين تضحك الاولى قولي شيء... على العموم ياحلوه هذا كرتي اذا طاب خاطرك من العيال ومليتي منهم عطينا خبر احنا شله بنات نجتمع في استراحه برى الرياض كل ويك اند ... لا تخافين يا حياتي احنا محترمات..واخذت كرتها..اول مره في حياتي اخذ رقم بنت ولا اقدر استفيد منه..يعني ادق عليها واقول لها والله اذا حبيتي ترجعين لطبيعتك عطيني خبر...وانا امشي اشوف ثلاث بنات.. وثلاث عيال.. الاولاد:- 3 على 3 قسمة عدل سبحان من جمعنا بدون ميعاد...البنات:-يا ري...كح كح كح قديمين.... الاولاد:- اصلا من شافكم تحمد ربه ثلاجات فواكه....ا لبنات :-طالعوا من يحكي..رح طالع شماغك اول الي كأنه خيمه بس ..... وقتها مريت انا... الاولاد:- ياحلوه وش رايك فيني تكفين خذي رقمي..وانا براءه اخذ الرقم...وفجأه البنات صرخوا فيني:-لا يا السياحيه..مو اي رقم تاخذينه ... قلت لها بنفس البراءه:- يعني ارجع الرقم...وفعلاً رجعت الرقم... والبنات يضحكون ويقولون:- ههه سوينا الي في راسنا...: الاولاد - افى عليك يا حلوه تسمعين كلامهم..خليهم يموتون قهر منك لثقتك في نفسك.. قالوا البنات:- اجل حلوه ههه تسمون هذي حلوه لو ما احنا خايفين نجرح مشاعرها كان قلنا ولد لابس عبايه (وهنا طاح قلبي وقلت بس انكشفت) الا وحده من البناات تفك اللثمه وبيني وبينكم مو حلوه الا...قمر المهم.. التفت وقالت للاولاد:- هااه ش رايك ...وقتها حسيت باحساسين عكس بعض الاول البنت دخلت مزاجي وودك من يرقمها.. ماتتفوت والثاني بما اني تقمصت شخصيه بنت فلازم ما اسكت على هالاهانه وارد شوي من اعتباري...قمت ورفعت عبايتي وطلعت الشراب ذات اللمعه الفائقه...هكذا الاغراء والا فلا.... بس للاسف ما عطوني وجه واللي قهرني رجعوا وخذوا الكرت من يدي....تحطيم المهم بعد ساعتين دقيت على خويتي عشان تجي وتتعشى معي بس الجبانه قالت انها عندها بارتي ولازم ترووح...المهم رحت للمطعم وكاد امري ان يفتضح لولا الهندي حق المطعم الي عطاني خبر اني جالس وسط قسم الشباب والكل يطالع فيني...وادخل قسم العوائل وبعد ما خلصت وانا رايح لدوره المياه .... اي وحده ادخل!!؟؟ ا لرجال والا النساء ...اخر شيء توكلت على الله ودخلت حقت النساء ...ومثل ما طلعت مثل ما دخلت اشوف بنات يزينون الميك اب حقهم قلت خل احتك واسوي مثلهم..رحت وبللت اصبعي وجلست ازين حواجبي..الا البنات الي جنبي يطالعون فيني وكل وحده فاتحه فمها على الاخير..طالعتهم بعين وقلت وانا معصب..نعم..ماشفتوا فتاه من رفحاء ... والله مشكله.....واول ما طلعت من باب دوره المياه الا واشوف صاحبناالشين قدامي (الضب) ياعيني على هالجسم والعيون...انتي ملاك ..(انا) انا بالعن والدي والديك اذا ما انقلعت من وجهي ..مفهووم ...(الضب) كلكم كذا يعني لازم ولد ابيض وطويل...اهم الشيء المضمون ..(انا) العن ابو شكلك انت ما في وراك مضمون ولا قدامك كلك على بعضك سالب..ويطلع لي ورقه الظاهر من فاتوره ويقول ياليت لو نسمع صوتك...الا وفجأه يمسك يدي وقتها وقتها بس قمت اصارخ...والله انك ما تستحي على وجهك.. واخذ جزمة الشغالة الي كنت البسها واخليها على راسه..قام الولد يركض وانا وراه ولاني حديث عهد بالتنوره رفعتها ورميت عبايتي وقمت اركض وراه بالجزمه والولد المسكين يصارخ خلصوني منها..واحنا نركض ورجال الهيئه قدامنا (الاول) انظر تلك الفتاة المسترجله ... رد عليه الثاني:- انها ليست فتاة بل فتى عليه لعنة الله هلم بنا خلفه..ويركضون معنا..والشباب افواج افواج (انا قايل لخويتي ان ما خليت الشباب يمشون وراي افواج) اكيد مارح يفوتون شيء فيه بنت...عاد اذا صار طقاق.. وفجأة صار الكل يصارخ والناس ورانا واول ما طلعت من الفيصليه انتبهت ان الشرطه ومواكب الهيئه قلت الف جبان ولا يقولون الله يرحمه واروح للسياره واطلع على شارع العلياء وراي شباب الرياض كلهم...ومع شوية لف ودوران وتوفيق من الله قدرت اهرب منهم وانا الحين في مطعم مندي اكل وانا اطالع قناه الجزيره والكل يحكي عن (فتااه سعوديه تتظاهر وتقود السياره وسط العاصمه الرياض وامام اعين الجميع) دائماً كنت اتمنى اشتهر بس ابد ما توقعت بالشكل هذا
م ل ط و و و و و و و و ش