قصة حقيقية واللة مأساه

بسم الله الرحمن الرحيم القصة اللي راح انقلها لكم قصة حقيقية حصلت لنا احناوانا عشتها بكل لحظاتها ...
احنا من سكان جدة قبل تقريبا ستة سنين رحنا رحلة للمدينة المنورة كنا تقريبا تلاتة سيارات ولد خالتي مع مرته وبناته في سيارة وعمي مع مرته واولاده واخواني في سيارة وانا مع جدتي وعماتي مع جوز عمتي في سيارة قضينا احلى اسبوعين
وكان ولد عمي سادس ابتدائي ما يحب يتحمم بالمضاربه يدخل يتحمم في هاديك الرحلة واحنا راجعين خلاص الشنط حملناها في السيارة وخلاص بنحرك قال والله ما اسافر الين اتحمم كلنا استغربنا انه من نفسه وخرج ملابسه من الشنطة في السيارة وطلع الشقة شوية ونزل قال دحين اسافر مرتاح وحركنا بعد الضهر المفروض على المغرب نكون وصلنا بس احنا طولنا المشوار وكنا كل شوية نوقف عشان شي وولد عمي كنا كل مانوقف يجينا يبغى يطلع معانا بس احنا مانرضى لانه كان ماشالله عليه حركي وشقي المهم الين الساعة عشرة دخلنا استراحة اتعشينا نص ساعة وخرجنا بعد العشى اكبر بنات عمي رابع ابتدائي جات معانا
بعد ما قربنا على جدة شفنا نارقدامنا جدتي تسال ايش دا وانا استهبل اقلهم شوي مع انه المكان مو حق شوي المهم قربنا من السيارة شفنا سيارتين وحدة مولعة نار صاحبها برة السيارة والتانية فيها شخص واحد وراسة على الدراكسون لسة نبغى ندعي لسيارتين انهم ينجو الا بنت عمي فتحت باب السيارة وهي تمشي وتنط في السكة وتقول والله بابا هادي سيارة بابا ماشالله عليها انتبهت للوحة السيارة احنا مانتبهنا لانه من قوة الصدمة نزلوا كلهم تحت وقفنا ونزل جوز عمتي وقتها عمي رفع راسه وسار يطالع وهوة مو عارف شي ووقف كمان وقتها ولد خالتي وقاموا يحاولوا يفتحوا البيبان وينزلوهم عمي من قوة الحرارة اتلحم بابه واضطروا يسحبوا المقعد على الخلف عشان يخرجوه لان المقاعد اللي في الخلف من قوة الصدمة مو اتكسرت والله سار مكانه كانه مافي مقاعد المهم اهل الخير اتصلوا في الاسعاف كلهم كنا نسمع اصواتهم يتالموا الا ولد عمي كان متمدد ومغمض عينه ودم ينزل من انفه العساكر جزاهم الله خير انتبهوا ان راسو من ورا ينزف عرفوا ان راسه مجروح شافوا الاسعاف اتاخر خافوا عليه ربطه راسوا بشماغ عشان الدم يوقف ونقلوه على اقرب مستشفى متخصصة في الدماغ وعمي رجولوا لمن سحبه مقعده وجو يخرجوا انقطعت رجله سارت ممسوكة بلحمة بسيطة تحت الركبة ربطوها وواحد من اخواني انكسرت عضمة خده من تحت عينه وخرجت عينه سار ما سكها في يده ويصيح عيني من رحمة ربي كانوا في طبيبين في الطريق نزله عشان يساعدو والله يابنات ما اكذب رجعوا عين اخويا وربطوها عشان ماتخرج مرة تانية اخويا التاني رجله اتكسرت وانقلبت اللي ورا قدام واللي قدام ورا اما مرت عمي الكبد اتقطع والطحال اتهتك والبنات الصغار والولد الصغير الحمدلله جروح بسيطة
المهم جا الاسعاف ونقل اخواني و عمي مستشفى ومرت عمي وعياله في مستشفى سارو متشتتين في تلاتة مستشفيات المهم وحدة من عماتي كانت في جدة ما راحت الرحلة معانا لمن عرفت قلنالها روحي المستشفى الفلاني فيه ولد عمي الصغير رحت تسال عنه دخلت المستشفى شافت واحد طويل جاي من حادث وراسة مرة منفوخ كل شي في مننفوخ ومافي احد عنده استغلابت انه لحاله ومامعاه احد وسالت عن ولد عمي الصغير قالولها ما جا عندنا احد من حادث الا دا الولد خرجت من المستشفى ودقت على عمتي التانية قالتلها لا الكبير اللي عندك تخيلوا شافت ولد عمي وماعرفته طلع هو الولد اللي شافته راسه منفوخ ولمن كشفوا عليه الدكاترة تخيلوا ايش اكتشفوا ان العساكر لمن ربطه راسوا مانتبهوا ان جزء من مخه طاح في مكان الحادث سولوا عملية 12 ساعة وهما في العمليات يحاولوا يرقعوا في راسه وقالوا هادا لو عاش يا يكون في غيبوبة يا يكون معاق لانه جزء من مخه راح قعد كم يوم في العناية بس فيه انفاس نقلوه للمستشفى اللي فيها امه لمن عرفت خلت الممرضة توديها لولدها ووقتها كان اتوفى حضنتوا وسارت تبكي بعد ما خرجوها من الغرفة كانت تقول انتوا كدابين ولدي مامات قطعت قلوبنا وعمي كان يسال عنه يقول يقولوا طيب مافي شي يقول انته تكدبوا عليه انا شفته خبط راسه قدام كم مرة ورجع على وره اكيد راسه في شي وانتوا ماتبغوا تقولوا الين مات قالولو الحمدلله كان صابر اللي تعبوا انه اصحاب ولدوا اللي في المدرسة الفوا انشودة ولحنوها وراحولوا المستشفى نشدوها له والله هاديك الفترة مرة كانت متعبة الحمدلله على كل حال الحمدلله اخواني سوو العمليات ورجعوا طبيعين بعد فترة دامت لشهور وعمي ومرت عمي برضه نفس الشي اما الرجال صاحب السيارة ما حصللوا ولا شي والغلط كان عليه لانه كان شارد من عملوا وسكران ومسرع على اخر شي انفقع عليه الكفر ونط على السكة التانية وجا على سيارة عمي وسار اللي سار .
والله يابنات اني صادقة في كل كلمة قلتها لاني انا كنت في مكان الحادث وشفتهم بعيني وكنت كل يوم اروح المستشفيات ازورهم واحد واحد طول الشهور اللي هما قعدوها في المستشفى
اعذروني يابنات على طريقة السرد لاني بكل صراحة فااشلة في التعبير والالقاء واي استفسار او سؤال انا جاهزة.