قصة رومنسية منقوله

منيره راحت للغرفه جدها تبجي : ليه كذا اصدموني
ورده: حنا نقولج من زمان انه يبي شوق بس انتي الله يهداج
ورده بضحك: انتي اخذي سالم وانا راشد ونسكن بيت واحد ونصير حموات
منيره بقهر: اقول ورده اطلعي برا وبقعد بروحي
اطلعت ورده
انسدحت على سرير جدها وقعدت تكتب
ليت لي قلب بليد ولي عيون تنام*كان ماوالله لحقني على نفسي عتب*باقي للعشق في داخله رعشة غرام*توجعه لين يتراخى من الدمع الهدب*

ليه احب وانا اشوفك حزين وقلبي الليله بهمه ممتلي*كانها الفرقا طلبتك حاجتين لاتعلمني ولاتكذب علي*

الجد: منيره وراج قاعده هنا والبنات برا يرتبون اغراضهم علشان يطلعون بكره
ورده تفتح الباب: منيره تروحين معانا السوق الحريم بيرحون لأبو عشره يشترون اغراض البر وحنا يالبنات بنروح نشري جكيتات وبناطيل امشي معانا تكفين وهمست بإذنها راشد بيودينا بسيارة سالم السوبر
منيره قامت: مالي خلق روحو انتم
ورده: ياغبيه سيارتين عمتي ام تركي بتروح بسيارتهم هي وبناته يمكن يوديها تركي او محمد ولدها
منيره: تركي خلاص تركي راح
ورده: يامعوده خلنا نطلع جدي بيرتاح
ابكوي نقابي يالله ترا بنروح ماعندج الاالبنات الصغار ومانجي الاالساعه
ام منيره: هاه منيره تروحين
منيره بدون نفس: لا
ام منيره: تبين شي
منيره: لا
ام منيره: انتبهي للبيت ولايحوسون الصغار
وطلعو سكرو الباب ومنيره بروحها تطالع بالبنات الصغار
{نويروتهاني ونسرين خوات تركي+زهره اخت ورده+امنه وامينه خوات سالم+شهداخت شوق+فجراخت خالد}
فجأه طق الباب عليهم وفتحت فجر وقالت منيره اخوي خالد يبي قهوه
منيره: خلاص حكيمه جيبي قهوه لصبيان قعدوا
راحت منيره للبلكونه تناضر من فوق على حوش الدوانيه
وتقول مشاالله كبروا عيال عمامي{شافت محمد واحمد اخوان تركي وعلي وعبدالله وسلمان اخوان ورده وسالم ووليد وشافت فهد وعزوز اخوان شوق وشافت خالد وصالح ااخوان فجر} وضلت تطالع بسالم بتأمل قالت ياحليلك ياسالم بس ماتعطيه اهميه
ونزلت تسولف مع نوير وتهاني خوات تركي
وتنطر الحريم تقول تأخرو
دقايق والحريم دخلوا
ولجه واصوات خرفشة اكياس والحريم يلجن ياحكيمه جيبي دولكة ماي
منيره: هاه وش شريتوا
حصه : بنات اطلعوا فوق بيدخل سالم
شوق: هديل تعالي ابوريج اغراضي فوق
اميره: منيره تعالي فوق
ورده: لامنيره تعالي اقولج سالفه بغرفة جدي مانبي نطلع مع البنات فوق
بغرفة الجد ورده: عندي خبر يفرح ومايفرح
منيره: قولي تعودت
ورده: تركي اخذ كل البنات الا انا وشوق رحنا مع راشد عاد سئلت شوق قلت ليه مارحتي مع تركي قالت استحي هو كله يطالع فيني بالمنظره وتركي يامنيره كل ماوقفنا عند إشاره يطالع ورا
بسيارة راشد يطالع بشوق
منيره: ياخذ هالوجه هو جكيته الأحمر فاقع
ورده: خلينا منه حنا راكبين بسيارة سالم ومعلق على المنظره حرفm
وشوق قالت شوفي ياورده وش حاط سالم هي اللي خلتني انتبه
منيره تصنع الحزن: خلينا من السالفه ووريني وش شريتي
طلعوا منيره وورده فوق وشافو البنات يتقوسون ملابسهم وشافت سلسال طايح فيه حرف tقالت منيره منو حقه هذا
شوق: هذا حقي ياويلي بغى يضيع شكرآ يامنور
والله يامنيره شفت لج حرفsكنت ابشريه لج
منيره: مشكوره حبيبتي

آذن الفجر:
الجد:يالله ياعيال قوموا يالله صلوا بنمشي بدري قبل الساعه
الجده تنادي: ام منيره ام منيره يالله صلحي الريوق علشان نمشي
وقومي البنات
ام نوره مافتحت عيونها: وش هالجه يمه قامت بنتي يوه
الجده: قومي بنات اخيج لجنا البارح ماخلنا انام
والعيال مشاالله عليهم البارح ربطوالخيام فوق سياراتهم ودخلو اغراضناواخوج ابوعلي جاء من المستشفى
ام نوره:ليه وش فيه؟؟
الجده:لا بس امس يحس بدوخه
ام خالد: أيه جاء ابو علي قبل آذان الفجر اهم شي روحي اهجدي البنات
ام نوره شغلت الليتات وتصفق :يالله يابنات قومن صلن ويالله بنطلع للبر وفزوا البنات الصغار
اهم شي بعد عناء طويل قاموا البنات الا منيره مالهاخلق تقوم
ونزلت ام نوره لقت البنات بالمجلس يتريقون وبصاله الجده وخواتها وسالم قالت بصوت عالي وتغمز لسالم كل البنات قاموا الامنيره
سالم: ياعمري نومها ثقيل
والبنات بالمجلس اسمعوا يضحكون
ام تركي: اثقل اشوي ياسالم
ام منيره تنادي: أميره أميره روحي قومي أختج بسرعه البسي عباتج واطلعي فوق لايجي ابوج تراه معصب
أميره طلعت فوق:منيره منيره قومي الناس راحوا الا حنا
منيره: انقلعي انا بردانه حييل سكري الدريشه
أميره: فضحتينا قدام سالم تحت يقول ياعمري نومها ثقيل
فزت منيره: وشو
أميره: لامافيه شي قومي أيه ليتنا قلنا سالم من قبل وتقول مااحبه
منيره: خلاص قمت شوفي فيه احد تحت
أميره: البسي عباتج وانزلي عادي سالم خطيبج
منيره تخز اميره: اوقفيلي ابروح معج

اركبوا سياراتهم والبنات واقفات بشارع يختارون سياره سيارات كلها جيوب وواحد سوبر وواحدوانيت يشيلون اغراضهم فيه
بعد ماركبوالبنات كلهم مع خالد يقولون لأنه على نياته
الامنيره قالت ابركب مع ابوي بالوانيت ويطالع فيها سالم من بعيد وقال سالم انا ابمشي ورى خالي ابومنيره
راشد: أيه مو حبن بخالي حبن باللي راكب معه
سالم: أيه اسكت لأعلم من تحب عاد معنا رهف تنقل الخبر بسرعه
راشد: لاخلاص تكفى لاتقول
رهف: أيه عرفت ورده
راشد: اسكتي ياعلي بالشنا علي رهف ورهف مدري وش عليه عاد
رهف: حتى ورده راشد وراشد مدري وش عليه
راشد: هاه عيدي عيدي امانه ورده تحبني هي دايم تناضرفيني نضرة غرور احس انهامغروره اخيرآ اعترفت
تكفى ياسالم شغل أغنية تدري اني موت احبك
سالم:لا نبي فارس مهدي او ميحد حمد حق الطلعات
هديل: ليه ياحضي واللي يسمعك يقول منيره تبادلك نفس الشعور
سالم مصدوم ويعض على شفايفه

وقفوا عند المحطه كل السيارات ويشرون ويشرون ويشرون والبنات يشرون بطاريات علشان المسجل وشرطان عراقيه والجسمي وسلمان حميد ونانسي واليسا
والحريم يشترن تريكات واباريق حمام وانتوبكرامه
وهم يمشون طول الطريق ياكلون حب وفستق وبطاط وفطاير وعصير
ابومنيره وقف عند سيارة سالم اللي راكب معهم الجد: هاه يبه هذا المكان زين ابروح اعس واجي
الجد: الله الله بالمكان الزين
منيره: يبه يبه نبي بين ضلعان احسن
الأب دق عليهم :تعالو جاي لقيت محل زين
ويجون السيارات الخمس من بعيد وينزلون ويدقون خيامهم
سالم وابومنيره ومحمد واحمد وراشد بنو بيت الشعر
وخيمة الجده
سالم وابومنيره بنو خيمة ابومنيره
تركي واخوانه بنو خيمتهم وناداهم فهد قال تعالو ساعدوني
تركي: من عيوني
ام خالد: يابنات تعالو ابنو خيمتي
كانو البنات يطالعون من بعيد والعيال رابطين ملابسهم ويتساعدون
يعني خلصو الساعه قعدوا هلكانين وضبطوا الليتات حوالين الخيام وعبو دفايات القاز وحطوا كل خيمه عندها قاز
والحريم ضبطوا غدا على كيف كيفهم يعني تغدوا الساعه العصر
تغدوا وخلصو راحو يتمشون البنات والخدامات يصلحون القهاوي والحريم يلبسون الصغار ملابس دافيه لأن الظهرحر كلن قط ملابسه
سرى الليل وصارت الساعه والعيال يجمعون الحطب بيشبون نارقريب من بيت الشعر ومجتمعين الحريم عند الرياجيل يشربون حليب زنجبيل وشاي ربيع ويقولون اللغاز ومن يكرر الكلام مرات والبنات بالخيام حوالين الدفايه يحشون خبز وجبن ويشربون شاهي والبنات الصغار يلعبون أونو ويسولفون عن ستاراكاديمي
اللي ماخذ عقول بعض البنات
رهف بهمس: ورده راشد يقول انااموت بورده
ورده شهقت بصوت عالي: كذابه
رهف: والله العظيم قاله الليوم الصبح
ورده:مو مصدقه
شوق: ورده تسوين نفسك ماتدرين من زمان حنا ندري عن راشد
ورده تضيع السالفه بهمس: حتى علي يحبك يارهف
رهف منزله راسها: ادري
منيره بقلبها: ياحضكم كل وحده تحقق مناها
قماشه: شوق الى الحين عيال عمك متهاوشين عليك
شوق: أيه انا ماأبيهم بس يقولون عيب البنت تطلع مالها الاولد عمها
حصه: حرام عليهم والله قهر
شوق: هذا اللي حارني
وأبوي يقولهم مالكم دخل في بنتي وهم معاندين
هديل تضيع السالفه: شرايكم نلعب بنت ولد شايب
وكلهم يالله بنلعب
منيره: انا ماراح اللعب
شوق: وأنا بعد
منيره: شوق امشي انتمشى
شوق: لحظه ابلبس بالطوي ولفتي
طلعوا منيره وشوق
منيره: من زمان مامشيت معج
شوق: حتى انا والله مشتاقه امشي معج
منيره:شوق ابسئلج سؤال
شوق: اسئلي
منيره: انتي تحبين تركي
شوق: ليه تسئلين
منيره: ابريح ضميري احس اني معلقه
شوق: امووت فيه
منيره: متى حسيتي انه يحبك
شوق: هودايم يرسلي رسايل جوال يبادلني النظرات بس انا اتغلى والله ماأعطيه وجه مع اني احبه حب غيرطبيعي
تدرين الحين هو حسباله انا مااحبه
الحين انتي يامنيره ماأحس انك مهتمه بسالم
منيره: هو يحبني بس انا ماأبادله بس استغربت وانا راكبه مع ابوي هو يناظرني نظرة عتب
شوق: حلوه نظرة عتب اي روايه قريتيها منه
منيره:ههه
وليد يمشي شاف منيره وشوق وقال لمنيره عطيني عصير ومنيره قالت روح عند البنات داخل يعطونك
وليد يبكي رايح صوب بيت الشعر: يمه يمه شوفي منيره وشوق عيو يعطوني عصير
الأم ببيت الشعر: ليه ماعطوك وهم وين
وليد: يمشون بضلمه غبيات
تركي رفع عينه وطالع بسالم غمزله وطلعوا برا يدوجون علشان يشوفون منيره وشوق
تركي: وليد وليد تعال معاي انا ابعطيك عصير
وطلعواقال تركي بصوت خفيف وين شوق
وليد: الغبيات هناك
سالم اخذ وليد ووصله لخيمة البنات ونادى نسرين تعطيه عصير وطلع يكمل مشواره
سالم:تركي ذبحنا البرد اختفوا وين راحو
تركي: خلنا نمشي نلقاهم
منيره وشوق يمشون فجأه قالت شوق :منيره ابروح اجيب قفازاتي(ادسوسي)
منيره: اخلصي لاتخليني بهالبرد بروحي
سمع سالم ان شوق راحت وقال لتركي انا بروح لمنيره خلك واقف
سالم يمشي متجه صوب منيره وتنحنح
منيره تحاول تعرف:منو خلك وراك
سالم: منيره انا......انا سالم
منيره: وش جابك رح لأحد يشوفنا
سالم: وين يشوفونا وحنا ضلام ماحديشوف احد
منيره: وش تبي
سالم : منيره خل نمشي شوي لأن تركي قريب منا
منيره:..........
سالم وهويمشي ومنيره وراه بعدين تساوو بالمشي
سالم: ليه تأخرتي مارديتي علي
منيره:...... انا ابكمل دراستي
سالم: لا اصلآ انتي ماتبيي
منيره بصوت عالي: لأا ابيك بعدين سكتت فجأه
سالم يضحك
منيره تبتسم
سالم مسك يد منيره البارده الي ترجف منيره تحاول تسحب يدها بس هو متمسك
سالم: يعني افهم من كلامج انج تحبيني
منيره:......
سالم:انطقي
منيره: فك إيدي
سالم: والله مافكها الين تقولين احبك بصوت عالي انشاالله يأذن جدي ماراح افكج
منيره: سالم ماأقدر
سالم: كيفج انا مستانس وانا ماسك إيدج بنضل واقفين لين تنطقين
منيره: ا....ح...ب....ك
سالم: ماأسمع انااقول بصوت عالي
منيره: ابقولها وانا مسكره عيني احبك
شوق بصوت عالي: منيره وين رحتي ضيعت مكانج
سمع سالم هد منيره وراح من ورى الخيام
منيره قلبها يرقع من الخوف
تركي متوجه صوب شوق رايح لسالم بعد مادق عليه سالم وقال الحقني
تركي: ياشوق ذبحتيني عطيني نظره
شوق: منو انت ماشوف شي لايكون فهد ياشين طبعك
تركي: انا واحد مات بحب شوق
شوق اشهقت ودخلت الخيمه
تركي: يضحك بصووت عالي
وراح لسالم ودخلوابيت الشعر
بعد دخول شوق الخيمه متخرعه وسرحانه
دخلت منيره تضحك وينج ياخبله وين رحتي
شوق: انتي اختفيتي
والبنات كلهم يطالعون فيهم قالت ورده ضحكونا معاكم
رهف: اكيد شافوا احد برا
منيره: ماشفنا احد استغفرالله ياربي
امشي ياشوق انكمل وتقوليلي وش صارمعج ورده قامت امشي رهف معاي نلحقهم
والبنات يوه خربتو اللعب مالت عليكم
قالت قماشه امشوا يابنات نلعب عظيم ساري

سالم وتركي ارجعو للخيام وشافهم راشد وعلي :منين جايين
تركي:رحنا اندخن وجينا

الجد:وين العشاء ياحريم اخلصو علينا
الجده: الليوم على ام منيره وبناتها
الجد: اخلصو علينا
وطلعوا الحريم وبقى الرياجيل الحالهم يقولون قصايد
ام منيره: تنادي بناتها يالله تعالوا ننجب العشاء
قاموا البنات يغرفون العشاء وخلصوا
بعد العشاء
كل واحد قعد بخيمته وناموا
طفو الماطور وهدا الجو وبعد الضجيك نسمع نفس النائمين وبرودة الجو تثلج الصدور
آذن الجد الفجر
وقامو الرياجيل يصلون
والحريم صلوا بعد الرياجيل بعد تدفئة الماء وصوت العصافيرالهادئ
ردو ينامون قامت ام تركي عليها الريوق
قعدت تسوي الريوق جاها تركي يسولف مع أمه بالمطبخ والأم: وخر عني خلني اخلص الريوق
تركي :يمه لقيتيلي وحده مزيونه مسكته
الأم: أيه
تركي بفرح: منو
الأم: هديل
تركي:لا
الأم:اجل من تبي شوق كم مره اقولك البنت مستحيل تاخذها وياما كلمنا ابوها موافق بس عيال عمها
تركي: ماعلي منهم والله ماخذها ماخذها
الأم: خلاص لجيتني ابشتغل انا موفاضيه رح انت الحين مووقته انتكلم عن هالمواضيع
تركي طلع معصب لقى عمته ام فهد قدامه قال ابيج بموضوع
ام فهد: خير انشاالله
تركي: قال السالفه كلها
ام فهد: ابشرياولدي حنا قلنا انها لك بس عيال عمها
تركي: اهم شي انتي موافقه انتي وعمي
ام فهد: خلاص يصير خير

يوم تريقوا وخلصوا الحريم والبنات قامو يغسلون روسهم لأنه تعرفون حر الساعه
وكل واحديكنس خيمته ويرفعون فرشهم ويقومون الصغار وتركي يصلخ الذبيحه
وخواته عنده يشلوطون الرأس لأن الغدا عند ام تركي وشوق عند خيمتها تفكر بكلام البارح وتناظر دريشة الخيمه وتشوف تركي وهو مشغول
وفتحت شنطتها وطلعت مشط ومشطت شعرها وطلعت كحل وتكحلت وحطت كريم واقي ودخلت عليها حصه هاه وش تسوين شوفي انا والبنات اخذنا سلة قهوه وشاي وحب وحلى بنروح فوق الضلعان وجيبي كاميرتج علشان انصور
شوق: اوكي لاتروحون الاوانا معاكم
حصه : خلاص
وطلعت حصه تنادي نوير قالت نادي خواتج يالله بنطلع
وطلعوا البنات يتمشون يصورون ويتقهون ويلعبون
جت فجر من بعيد تنادي يالاه غدا
والبنات مطنشات والأمهات ينادون وجاء احمد بالوانيت راح يجيبهم وهاوشهن وقال ياويلكم من عمي ابومنيره متحلف فيكم اركبن بالبدي وقالت قماشه ابركم قدام وشوق امسكت قماشه قالت امانه ابركم قدام علشان استحي من تركي وانابالبدي
واحمد يقحص فيهن وهن يصايحن بعد ماوصل عند الخيام نزلهن قدام بيت الشعر وطلع ابومنيره :مشاالله عليكم ادوجن وحنا ندور عليكم كن مافيه خيام ورانا كلهاشباب يالاه ادخلن
وتركي يطالع ونادى احمد قال من راكب معك قدام
باحمد:شوق وقماشه
تركي: تجذب
احمد: انت ماتشوف بعيونك
تركي: ماصدق
احمد:لاتصدق اهم شي شوق راكبه معي قدام
تركي: ياحضك ليتها تسوي معي كذا
آذن العصر
ابوخالد: وشرايكم نروح نقنص
ابوفهد: بس الحريم بيروحون ايدورون فقع
ابوخالد:واحنا وش علينامن الحريم ياخذهم حدا هالعيال ويوديهم خالد وفهد
خالد: لاانا بروح معكم ابقنص
فهد:حتى انا والله ماداني الحريم اوديهن
ابومنيره:اجل من يوديهم
قال راشدوعلي حنا بنوديهم
وقعدتركي يخزهم
قام تركي وطلع يطالع بخيام الحريم وشاف شوق من بعيد ماسكه اختها شهد تمشي
وقال
لامرني طيفك اضمه حيل بإحضاني
شلون لاجيتك وشافتك عيني
بعدين جت شوق صوب بيت الشعر تنادي عزوز من بعيد
تركي: منو ينادي
شوق: لوسمحت ماعليك أمر نادلي عزوز
تركي: من عيوني لوتبيني عزوز صرت
شوق: ....
تركي: لحظه عزوز اهلك ينادون
عزوز: مالي خلق
تركي بقلبه: مالت عليك وحده تناديه مثل شوق ويقول لا
قوم اختك حرام عليك
عزوز : زين وش تبين
شوق: تعال البس امي تقول قال خلاص ولحقها
جاء وراهم سلمان يركض يقول ابوي صلو والعصربنروح اندور فقع
البنات يتلفتون مستانسات
أميره: سلوم منو يودينا
سلمان: علي وراشد لأن كل الرياجيل ابيقنصون
ورده ورهف يطالعون ابعض مستانسات
الجده: يالله ياحريم لاتأخرنا ترا بتغيب الشمس
الحريم يحوسن والصغار وين نعالنا وين جكيتي
علي تقدم بالفكسار بوجه الخيمه طاط طاط
علي بصوت مرتفع:يالله اركبو
الصغار ورى
نزل يركب الصغار ورى وورده متجها صوب علي
ورده بهمس: ترا ابركب مع راشد واذا رفضت ابخلي رهف تركب مع اخوها
علي بتوسل: لاتكفين كلش ولارهف حبيبتي تركب معي
ورده: الحين عرفت نقطة ضعفك
علي: خلاص روحي
شوفي الحبيب في بيت الشعر يتكشخ وينفش الشعر ويتعطر
ورده: صدق كل هذا علشان منو!!؟
علي: علشاني
يعني من علشانه علشان حكيمه
ورده بغضب تدز علي وتكمل طريقه
كان علي وراشد متفقين اذا ركبوا الأحبه يشغلون اشرطه غزليه وهم ماشين
راشد جاي من بعيد صوب الخيام
وقف
لقى مجموعة بنات عند علي تنحنح كان قريب جماله من اخوه سالم
راشد وهوماشي صوب خيمة الجده: هنيالك ياعلي
علي : ليه انشاالله تراني واقف مثلك
راشد: يعني تسوي نفسك ماتعرف
علي: لا مااعرف
راشد ماعطاه اهتمام وكمل طريقه
راشد بصوت عالي: هيه
جده عندج احد
الجده: لاماعندي ادخل
راشد: انتو ماخلصتوا
الجده: والله خالصين بس ميتات القلب ماخلصن
ام نوره:يمه اخذتي علاجج
الجده: أيه اخذته بتذبحيني
راشد: يالله اخلصوا علينا
وطلعوا يركبون نصهم مع راشد ونصهم مع علي طبعآ زحمه بس لاننسى ورده ورهف كل وحده مع............
علي يعدل المنظره على وجه رهف: ويغني_ عمري ماتمنيت شي قد ماتمنيت اشوفك واروي عيني من حلاك وتلمس كفوفي كفوفك
ورهف طبعآ مهي قادره تحط عينها بعينه
زهره: علي سوق بسرعه سبقنا راشد وانت تغني حسبالك صوتك حلو
علي يطالع بالمنظره: ياحبيبتي السرعه مهي زينه حنا اذا صارفينا شي ماراح ينفعنا الفقع
ام خالد: مشاالله شوفو الناس وش كثرهم يلقطون ماخلو شي
ام علي: اي والله ماخلو شي
راشد مشغل شريط شعر:
يقول الشاعر: احبك ليه؟
لاتسأل..!! ولكن اسأل الأقدار انا مثلك ترى مدري اناوشلون حبيتك.. هويتك من وسط ماضي ومستقبل وناس إكثار صبرت وزاد حبي لك ولا في يوم مليتك...
سكر راشد المسجل
راشد: جده مدري ليه احس الشاعر هذا صادق في احاسيسه نحو حبيبته بس مدري حبيبته تدري ولا لا
الجده: انت وش عليك منهم
راشد: بس مدري احس ودي اجمعهم على بعض
ام سالم: مشاالله عليكا ياولدي ياراشد فاضي لهالقصايد
ورده تضحك فهمت قصده
راشد: اجل وش تبين يمه اغاني ابشري وراح افسر هالغنيه والله يعينكم
شغل اغنية نوال الكويتيه ويطالع بالمنظره شاف خشت اخته هديل
وحول المنظره على ورده وكان لابس نضارات علشان محد يشوفه
هذا حبيبي وهذا اللي تمنيته
مغيره احد ملى قلبي ولاعيني
وهذا الذي بين كل الناس حبيته
اغليه وادري كثر ماغليه يغليني
راشد سكر المسجل : هذا طبعآ
هديل: سوق وانت ساكت
الجده: والله اللي بيمشي معك انت وعلي مانا واصلين
وقف وقف
راشد: ودنا نطول شوي
الجده: ليه
راشد : محتاج اسولف معاك
الجده: بعدين نسولف
وقف وقف
وقف راشد ودق على علي :اظاهر انك استانست وقف تقول جدتي
علي: والله لو الود ودي وصلت لديره
وقف علي
وانزلوا الحريم ايدورون وكل وحده معها كيس وحديده
وعلي وراشد ايتمشون والبنات ايتضاحكون ويسولفون
الجده: ليه ماتدورون عيونكم وش كبرها
جايات يلعبن
ورده راكبه سيارة علي ورا قاعده رهف
ورده: اظاهرعاجبك الوضع
رهف : اسكتي عاجبني وبس الا ابموت من الوناسه
ورده: انزلي خلينا انتمشى

غربت الشمس وحسوا بالبروده
علي: يالله اركبو اركبو
راشد: اركبوا
وروحوا لمراحهم

الجده: لااله الاالله
امسينا وامسى الملك لله
اعوذبكلمات الله التامه من شرماخلق
تركي: ياهلا ويامرحبا نورت خيامنا
الحين ابشغل الماطور
هاه جمعتوا شي
الجده: اي والله خير
تركي: اجل قماشه تسوي عشانا فقع
قماشه: ابشر ياخوي
تركي بهمس: كم جمعت شوق
قماشه: على عدد حروف اسمك
تركي بفرح : صحيح يعني تحبني
قماشه: أيه تحبك بس مستحيه تقول

ام تركي: تعالن يابنات اخذن الحليب ودوه بخيمة جدتج
تهاني: زين يمه
ام تركي: يالله اطلعن من المطبخ
الحريم والبنات كلهم بخيمة الجده
وجاء احمد هيه عمامي بيجون تغطوا
منيره: احمد كلهم
احمد: اكيد
ام منيره: يالله اطلعن العيال بيجون
منيره: يمه تكفين والله متغطيات
الجده:خليهن يقعدن
العيال ادخلوا كلهم ولجه وضحك ووناسه ويشربون حليب بزنجبيل وريحة دخنة حطب وسالم يهف ابثوبه على النار ومبتسم ويطالع من جهت البنات
الجد: اقصدوا ياعيال
سالم: ليه ماتقصد ياجدي
الجد: ماشبعتوا قصيد من الليوم وانا اقصد عند روسكم
الحين انتو اقصدوا
سالم : قلنا حدا هالقصص عن الأوليين
الجد:الله يهديكم احفظو هالسوالف
الجد كان على مركا بعدين تعدل بالقعده
هذا رجال من حدا هالقبايل مسافرمع زوجته الحامل قرب حايل وفي مرورهم بين الضلعان جاء الحرمه المخاض وولدت وليد الاأنها توفت من الولاده وأخذ رجالها جثتها في كهف صغير وحط حولها حجر واخذ الولد وقربه من ديس امه اليسرى وحط فمه عليه ولف ذراع امه اليسرى حوله وركب بعيره ورحل
وبعد شهور مرو مجموعه من نفس القبيله الكهف لأنهم يعرفون قصة الورع يوم دخلو شافو جرة رجل ورع خافوا وانحاشوا وخبروا ابوالورع
الليوم الثاني راح ابوالورع للكهف وطالع داخل وشاف ورعن يثرثر ابجنب امه وكانت الجثه رايحه الا العين اليسرى والديس الأيسر واليداليسرى
وحمدربه ودفن الحرمه واخذ ولده وسماه{خلوي} وصار اكبرمحارب في قبيلته
الحريم: سبحان الله
الجد: والحين اقصد ياتركي
البنات متحمسات
تركي: الحين مالقيتوا الاانا
كان مقابل شوق وتعدل في قعدته ولف قبوعه الورا ويحرث النار
احبك والوله فيني يبان بنظرة عيوني
احبك يانظرعيني وانالك عاشق ولهان
انايامن سكن قلبي بحبك صرت مجنوني
الاياليل تسقيني من اشواق الوله عطشان
كلامك رقتك طيبتك وضحكاتك ينسوني
همومه عايشه فيني تعذب قلبي الحيران
ادور فرحة ايامي معك يافرحة شجوني
اناودي اعيش الحب معك يابلسم الأحزان
ترابعدك يعذبني يزودفيني طعوني
اناموناقص فراقك بدونك عايش بحرمان
وسلامتكم
شوق بصوت خفيف:صح لسانك
ام نوره: تطيرعيونها بشوق
تركي: صح بدنك
ابوتركي:احد قال صح لسانك
تركي: أيه انا جني سمعت
الجميع:هاهاهاهاها
الجده: هذي وحده يقال لها مزنه المطروديه بنت من المطاريد وحده من القبايل الكريمه في مدينة عنيزه
بعض الحراميه سرقوا غنمهم من مزرعة ابوها منصورالمطرودي كان منشغل في الصلاه ومزنه تنكرت بلبس ثياب ابوها وحملت السلاح واخذت فرس ابوها وراحت تطارد الحراميه لين ردوا ماخذوا من الغنم ولمادرى الأميرعبدالله بن جلوي عن هالقصه قام خطبها من ابوها وتزوجها وجاله منها ولد
ام نوره: يمه توني ادري ان عبدالله بن جلوي تزوج المطروديه
خالد: خالتي تسوي نفسها تعرف الأمير
ام نوره: لا مخليه العرف لك
سالم: هيه عندي
يابعدحبي ياكل المعاني
¤عن وصف مابي اعجزته لساني¤ الشعر يوريك الهام القصيده ¤والمشاعر حايره مني تعاني¤ بي الف احساس ماأعرف مصيره ¤انتضرحكمك ياحاكم وجاني¤سحرك الفتان به أنا اسيره¤بالوصف مايشبهك يازين ثاني¤بك مهابه فاتن ماالقى نظيره¤بك فطانه تجتلي فيهاالمعاني¤
ابوعلي:صح لسانك
علي ليه ماتقصد
علي: انامقصد انااغني
ابوعلي: استغفرالله
طولت السوالف وكانو يبونها ازود واطول
ام تركي: يالله ياعيال العشاء بيت الشعر
ابوتركي: يالله ياعيال الحريم بيتعشن

الحريم بعد العشاء الشاهي فوق النار ويحترن
الجده تنادي: تهاني دوري لي عوداسنان
ام فهد:يمه اناجايبه عيدان لاتنفشين الأرض
الجده: جزاج الله خير
كثرالله خيرج ياأم تركي
ام تركي: عافيه
الجده: من عليه بكره من حريم عيالي
ام علي: انا ياعمه
الجده: شدي حيلك بكره بيجون ضيوف
ام نوره: من هم يمه
الجده: جيرانا القريب اللي ورى الضلع وانا رايحه الليوم اتمشى صادفت امهم وعزمته على الغدا
ام علي: ابشري
البنات: جده بكره العصر اندور فقع
الجده: انشاالله بس البنات الكبار مايروحن بس زاحمنا على الفاضي لايدورن ولاشي
حصه: اي والله ابنقعد ياجده
فجأه اسمعوا صياح
وليد ماسك رجله: اأإه اه اه امم اهه اها
ام سالم: شفيك ياولدي
وليد: آه
وطاح مغشي عليه
البنات يصايحن والحريم
والعيال اتجهو نحوالخيمه _ودخلوا بسرعه
وش فيه وش فيه
مسكو رجله
سلمان : اناوياه نلعب كره وقرصه شي
ام سالم: يوه مات ولدي مات والله ميت الله يرحمك ياوليد
البنات يصايحن
سالم:بس يايمه مافيه الا العافيه هديه اباخذه
الجده: قطعتوا عليه النفس
وخروا عنه
حصه تصايح ياويل عليك ياخوي
هديل ورهف يبجون
امنه وامينه ماسكات امهم ويبجون
راشد يطالع ومنصدم خلاص بيموت وهذيلاواقفين ماسوو شي
سالم بعصبيه: وخرو هناوشاله وداه لبيت الشعر
ابوخالد: ربط رجل الولد ومص السم وتفل ومص السم وتفل
جيبو عطر ولا بصل
الورع ماصحى
حصه ورا بيت الشعر: صاحت وش فيه
البنات تسمعون صياحهن
منيره تركض وراحت بعيد علشان ماتسمع شي وعندها قماشه
هديل تراعد وماسكتها شوق
حصه ماسكه امنه وامينه
راشد ماسك رهف عند طرف الخيمه :شوفي مافيه شي الحين يقوم انشاالله
رهف الشيله على وجهها:وتركض عند وليد وأمها وطاحت الشيله
علي انبهرشعراسود وعيون ذبلانه: لاحول ولاقوة الابالله
ام سالم ترش عليه ماي:وليد وليد
وليد يتحرك ببطئ
ام سالم: تسمعني
وليد: آه يايمه رجلي تعورني
رهف تضم وليد
علي: ليتني بداله
وقال بقلبه والله فاضي
راشد ينقز وطلع برا صحى صحى صحى
البنات كلهم طلوا قطن الحيا
والرياجيل انبهرت عيونهم لبرا
الجده: الحمدالله على السلامه
وليد:........
الجده: هذا اللي مايلبس نعال ياولدي
ام سالم: تلف على رجل ولدها وتاخذه داخل
البنات عيونهن حمر وخشومهن حمر
الجده: يالله مافيه سهر نوم نوم

بعد مادخلوا خيامهم وعم الهدوء
منيره وأميره بخيمتهم
أميره بصوت خفيف:منيره منيره نمتي
منيره: لا
اميره: اناخايفه انتي على الأقل تفكرين بسالم
منيره: وين انا ووين التفكير بسالم
أميره: منيره الليوم النومنيه الليوم الأثنين
منيره: استغفرالله ياربي
أميره: انا ابطلع
منيره: وين تطلعين انا ابرسل مسج للبنات نطلع لخيمة المطبخ نسولف ونتكلم عن مواقف الليوم ونضحك
ارسلت منيره رساله للبنات وتنطر هي وأميره
نزلت تلفونها وقعدت تسولف
طاط طاط طاط
أميره تضحك: وش هالنغمه
منيره: انطمي امي نايمه
هذي نغمة الليل
فتحت منيره تلفونها وشهقت وقعدت
أميره: وش فيك وجع
منيره ببتسامه: لامافيه شي
وتعيد وتقرا
<< حبي نايمه...؟؟
اسف مو من حقي اسئل هالسؤال....
بس ضايق خلقي قلت اسئل قلبي يسهرمعي ولايتركني بروحي>>
وحيد وجالس بروحي وغيرك مايسلني
سالم

طاط طاط طاط طاط
أميره: حطي صامت
منيره: البنات يقولون سبقناكم بالمطبخ
أميره: يالله قومي وسكري على امي الخيمه
منيره: لحظه انا ابروح معاج
أميره: لا انا بروح
منيره تكتب لسالم: والله محتاجه اسهرمعك بس الضروف ابعدتنا
منيره طلعت وتسكر على امها الخيمه
وتمشي صوب المطبخ
طاط طاط طاط
منيره وقفت قبل تدخل المطبخ تقرا: طالعي وراج
منيره لفت بسرعه وراها: شافت ملاك واقف ببتسامه
سالم: شرايج
منيره فجأه البست شيلتها
سالم انحنى لأنه طويل ومسك يد منيره البارده: ليه تستحين
انتي خلاص صرتي ملكي فكي الشيله
مسك يدها ويمشون ورا الخيام
وساكتين طول الطريق
سالم: شرايج نقعد
منيره: براحتك
سالم ألى الآن ماسك يد منيره قعد وقرب منها حيل منيره تبعد وهويقرب: منيره احبج موت
منيره تضحك: خلاص عاد
سالم وهو يقرب:احبج موت
منيره تبعد
سالم يقرب اكثر: شفيج تبعدين وانا اقرب اخرشي بنوصل الخيام
منيره تبعد شوي بعدين زهقت وضلت مكانها
سالم: احبج مووت
منيره منزله راسها:........
سالم: وش تعني لج هالكلمه
منيره: أي كلمه
سالم بصوت مرتفع:احبج موت ابي العالم كلها تدري
منيره: قصرحسك لاحديسمعنا
سالم: خلهم يسمعون اقول انا وخطيبتي عندكم شي
منيره: سالم ابروح اخاف يشغلون الماطور البنات وراح يشوفونا اناوياك قاعدين
سالم: لاماراح يشغلون
عاد لو البنات شغلوا الماطور تشوفين كل وحده مع واحد
عاد جدي وجدتي يسولفون ورا خيمتهم
منيره تضحك: حرام عليك
سالم: ياحلات البر تطلعين معاي محد دري
بينما هم يسولفون وقريبين من بعض حست منيره بشي يمشي ورا ضهرها وصاحت وطاحت على صدر سالم
سالم: وش هذا والله انه داب
منيره ضامه سالم: تكفى وخره عني
سالم يضحك: مافيه شي اضحك انا
منيره: انا على طول طحت عليك والله ماستحي
سالم: عادي بعدين تعودين
منيره وهي واقفه: خلاص تبي شي
سالم: أيه
منيره: وش تبي عيوني لك
سالم: ابي بوسه
منيره بحياء: نعم
وراحت تركض
سالم: صبر ابوصلج
سالم لحقها وحط ايده ورا ضهرها وكملوا طريقهم
وصلها عند باب المطبخ
سالم: تبين شي
منيره: لاسلامتك
سالم:ماتبين....
منيره : لا روح
جاء صوت غريب من بعيد
منيره دخلت بسرعه
ابومنيره: سالم وش موقفك هنا
سالم: لا انطر الماي
ابومنيره: ماعندناماي في البيت
سالم: لا هنا ماي صحه احسن واصح
ابومنيره:يالله تصبحون على خير
سالم:وانت من اهله
راح ابومنيره وسالم
سالم انسدح على فراشه وحس بفرح
تركي:وش عندك
سالم:مافيه شي
سالم دز رساله لمنيره
الحمدالله ماكشفنا خالي
كان التلفون مع شوق بالمطبخ
شوق:افتح المسج
منيره:لاياويلج
منيره سحبت التلفون منها وقرتها ودزت عليه الحمدالله على كل حال بس انت اهم شي تغط عدل
شوق: منيره اسئليه وين تركي
منيره: سالم وين تركي فيه وحده هنا ازعجتنا
سالم: تركي عندي هنا صجني
تركي:اسئلها من اللي يسأل عني
سالم ارسل لها سؤال تركي
منيره: بعد منو شوق
تركي بعد ماجته الرساله يغني:ياعذابي
قام تركي طلع برا
وراح للمطبخ
تركي:شوق شوق
البنات ساكتات
تركي: اوف اوف آسف قصدي نسرين
قماشه:نسرين نايمه
تركي: طيب جيبيلي ماي
وقفت شوق وصبت الماء وعطت قماشه
قماشه:هذى من إيدين شوق
تركي: هاه اجل ابشرب الماء واكل القلاص بعد
قماشه: على راحتك
تركي: انا احبج ياقماشه
قماشه: اناولاشوق
تركي:اضنج انتي تعرفين
قماشه: روح روح نام
تركي: اكيد ثقلت على الحبايب
شوق بقلبها: تكفى لاتروح
قماشه: اقول مع السلامه

الليوم الثالث لهم فالبر
ام علي يالله ياورده قومي ساعديني الناس قاموا الا انتي قومي الشمس اطلعت
زهره زهره قومن اووف صدق بناتي ميتات
ام علي: علي قوم خواتك
علي: انتي روحي لخيمة المطبخ وتلقينهم وراج
ام علي: عجل علي
علي ايمثل: راشد تفضل الخيمه خيمتك
ورده منصدمه وشهقت صوت عالي
علي: ماينفع معج الاكذا
روحي لمي ابروحها
ورده: اووف
علي: زهره زهره قومي بشارالقيسي يبيج برا
زهره فتحت اعيونهاوطالعت فيه
علي :قومي كل البنات برا ينطرونج
زهره: خلاص روح انشالله اقوم
علي: يالله الحقي امي
بخيمة الجده يتريقون الحريم وكل وحده تأكل ولدها
ام فهد وقفت تطالع من بعيد شافت النياق كل شوي يقربن
ام فهد: ياحليلهن
الصغار كلهم يركضون ويحذفونهم
ام نوره تصايح : وخروا عنها الحين تاكلكم
الجده: خليهم يلعبون ماتسوي شي حنا من اول نلعب ماتقربنا ولاتجينا
ام فهد: جيبي الكامرا ياشوق
شوق: يوه بخيمته خالتي ام تركي
ام فهد: روحي جيبيها
شوق : انشالله
ام سالم: شوق اخذي الصينيه عطيها قماشه تعطي وليد ريوقه
شوق: خلاص
شوق تمشي معها الصينيه تمر من تحت حبال الخيام الين وصلت لخيمة بنات خالها ويوم وصلت عند الباب ويطلع تركي بسرعه من خيمتهم ويتصادمون وتطير الصينيه وينكت الريوق
تركي متفاجئ ومصدوم ببتسامه: أوه آسف آسف أيام سوري
شوق شهقت وتطالع بعيونه:
لأول مره احط عيني بعينك
تركي وهو يجمع الأغراض: وش قلتي
شوق كانت قاعده ووقفت ونزلت راسها: لامافيه شي كلمه طلعت عفويه
تركي وقف معها: لاحطي عينج بعيني انا بعد ابيها اول مره مثلج
تركي يالا حطي عينج بعيني
شوق: ماقدر خلاص
تركي: خلاص ارفعي راسك بتنكسر ارقبج وانتي تطالعين تحت حيل
شوق: استحي
تركي: ليه تستحين مني
انا اخليج جريئه مثل منيره
الليله الساعه القاج عند الساعه الكبيره
حشا جاك وروز وهو يضحك القاج عند الوايت
شوق بحيا: خلاص
قماشه تسمع: وشو الوايت
شوق راحت
تركي: حنا نعدد الألوان بالأنجليزي وقلت شمعنى اللون الأبيض قالت وايت
قماشه: وش هذا ليه الريوق نصه منكت
تركي: يالا شيليه
قماشه: والله ناس تكت وناس تشيل
تركي راح
الحريم يرتبون لأن بتجيهم جارتهم ويخمون خيامهم
وبنات ام علي يصلحون قهوه وشاي
وجايبين عود يبخرون خيامهم
والبنات الصغار مثل اميره وزهره ونسرين وتهاني ونويروامنه وامينه
جالسات برا الخيام يسولفون سوالف هالبنات اكيد عن الفنانين واللاعبين او ستاراكاديمي
اميره :يوه الليوم يعلنون النومنيه
زهره: ليت عندنا تلفزيون
نوير: غيرن السالفه الحين احد يسمعنا يضحك علينا يقول ماكبرن
وصلت جارتهم معهابنتها اطياف وولدهابدر
البنات الصغار كانو برا شافو الجاره جايه من بعيد
تهاني ونسرين يركضون ام بدر جت ام بدر جت
وباقي البنات يطالعن
بدر يطالع فيهم من بعيد
اميره تشهق: شوفيه ياحلاته يشبه ياسرالقحطاني
بدر ماعطاهن وجه وكمل طريقه
زهره: لاوالله مايشبه ياسر
في خيمة الجده
الجده: ياهلاويامرحبا اسفرت وانورت الله حيها
ام بدر: الله يحيج شلونكم
الجده: اقعدي
ام بدر بتعب: الله يقلع الروماتيز
بعد قعدة ام بدر
الجده: اي والله الله يقلعه كسر رجلين الشيبان
ام علي تدخل وهي وبناتها :
السلام عليكم
ام بدر تبي تقوم
ام علي: لالا تقومين
وسلمت عليهاوهي قاعده
قعدن يسولفن عن علوم البر والمعزا والفقع
وتعرفون الحريم وسوالفهن
دخلت أميره تضحك
منيره:وش فيك
أميره بهمس: سالم طاح
منيره تشهق: ياويلي شفيه قلبي وتضحكين بعد
أميره: طاح من حبال الخيام
منيره: اركدي الحريم يطالعون
منيره ترسل لسالم مسج
" قلبي"
سلامات عسى ماتعورت من الطيحه
بعد فتره
طاط طاط طاط
كلن يلتفت على منيره
(هب ياهذيلا فالبر وماطاحت ابراج تلفوناتهم)
منيره فتحت المسج
حياتي
بسم الله من اللي نقل الخبر
منيره تبتسم
وارسلت
قلبي اللي معك نقل الخبر بإسرع وقت
علشان انت تعرف حبي لك وش كبره
دخلن بنات ام علي معهم سماطات ويساعدونهم البنات
ويحطون صحن عندام بدر وصحن عند البنات
ويتغدون ويعينون من الله خير
ويطري على أميره سالفه بالغدا
أميره: بنات شفتوا بدر ولدها مزيون يشبه ياسر
حصه: استحي ياأميره تراج كبرتي ولاتسمعنا المره
أميره: اناماقلت شي غلط انا اقول شوفوه قبل لاتطوفكم الفرصه
منيره: مافيه احلى من سالم
شوق: اناماراح اروح
هديل: امانه اميره خلينا نشوفه
زهره: والله ياهديل تطيحين غشيانه
هديل: لهدرجه
زهره: واكثر
اطياف كانت متميزه بالجمال كانو البنات فاتحين فميهم يطالعونها
قماشه واطياف تأقلموا على بعض وسوالف وضحك
وكانت ماتغطى
ومنيره طول الوقت تخز فيها غيره
ام بدر:مع السلامه
الجده: تو الناس0
ام بدر:والله مستعجلين بعد يمكن نرد لديره بعد
وطلعوا العيال من بيت الشعر يطالعون بدر هو يتمغط وينطر اهله
العيال يغارون من بدر
طلعت ام بدر وبنتها يمشون والوفد وراهم < الجده واللي معها>
والبنات بالخيمه يطالعن
هديل: حسافه ماشفته
منيره: شوفو فهد شلون يخز اطيافوه
شوق: لاحرام عليج موفهد هذا
فهد موطويل هذا سالم
منيره تطق شوق
أميره: هديل تعالي شوفي بدر
البنات كلهن يشهقن من جمال بدر

تركي: يالا تبون تدورن فقع
يالا مشينا
الجده: لحظه بنصلي العصر
تركي: يالا انا ناطركم
الجده: اللي يروح الحريم والبنات يقعدن
ام نوره: من تمسك بنتي واعطيها هديه
زهره: انا
ام نوره: تسلمين ياقلبي امانه لبسيها اذا اغربت الشمس
زهره: الله الله بالهديه
ام فهد: شوق انتبهي على شهد
شوق: خلاص يمه اخذو عزوز معكم
بعد لحظات
تركي: يالا اركبوا
الجده ونص الحريم اركبوا وتركي واقف :
شوفو اخرشي الساعه زين
الحريم: ليه الساعه
تركي: لأن الساعه عندي شغل كبير
شوق تسمع بالخيمه يرقع قلبها من الخوف الله يستر شنوالشغل هذا
تركي: عجلن علي
ليه البنات مورايحين؟؟
ام نوره: بس زحمه على الفاضي امي اطردتهن
ركبوا الحريم وراحن بحفظ الله وتركي يفكرطول الوقت وش يقول لشوق
البنات بالخيام ياكلن حب وبساكيت وبطاط وببسي
وضحك ووناسه
بنات ام علي قالوا للخدامات يسوون قهوه وشاي وحليب بالزنجبيل
آذن المغرب
جو الرياجيل من عربن بجنبهم
وصلو والأمام الجد
جو الحريم بعدماصلو هناك وتقهوو واستانسوا
خالد: هيه وين القهوه
فجر: الحين بيجبونها
خالد: عجلن
فجر: ورده جدي يبي القهوه
ورده: خلاص ابخلي الخدامات يجبونها
فجر: خالد واقف برا
اجتمعوا الحريم في بيت الشعر وتقهوو
ابوخالد: حنا بنمشي بكره انشالله اناوعايلتي
الجد: وش معجلك
ابوخالد: والله دوامي بيبدا بعدبكره
ابوفهد: وانا يمكن اروح
تركي يشهق: ليه!!!....؟؟
كلهم يطالعون تركي بستغراب
تركي: لااقصد خلونا نستانس شوي بعدين نمشي مع بعض
ابوفهد يضحك: لا لأن عندي فحوصات وتحاليل تبدأ يوم السبت
تركي بحزن: الله يسترعليكم
ام فهد: غيرالموعد يابوفهد
ابوفهد: وين اغيره انا دايم اغير مليت عاد ابخلص
خالد بحزن: وحنا نمشي يبه بعد يوه
الجد: حتى حنا موقاعدين بنلحقكم بعد يوم يومين
الجده: وحنا وش معجلنا اناابقعد عند معزاي
محمد بيلطف الجو: وش كنا انسوي امس بلحظه هذي
فهد: كنا نقصد
محمد: لا
احمد: مدري قل
محمد: كانو يتصايحون يوم وليد انقرص
ام سالم: اعوذ بالله وش طراها عليك
محمد: كذا جت فجأه
احمد: ياغبي وليد انقرص بعد العشاء
محمد: لاوالله
ابوعلي: بعدالعشاء ابودي بنات اخي بيجربعون
الجد: ماتخلي خبالك بس يطيع البنات
ابوعلي: هن طلبني يبه
سالم: انا ابودي العيال
ام نوره: السلام عليكم
< ام نوره كانت تمشى مع زوجها كما تعرفون ان ام نوره وزوجها صغار ونوره عمرها سنين>
احمد: وينج ياعمه هاه
ام نوره بتطنيش وماكنها سمعت: يبه حان وقت الأذان
الجد وهويقوم: الله يجزاج خير يابنيتي
احمد: عمه ليه تضيعين السالفه
ام نوره مطنشه: الاوين نوره
احمد: نوره طاحت كانت مع نوير صح
ام نوره: كذاب انهاكانت مع زهره
احمديضحك
ابوسالم: يالاياعيال الصلاه
العيال كلهم قاموا
وبقى الحريم ببيت الشعر
البنات ادخلن: ماعمرنا شفنا بيت الشعر
الجده: روحن الحين بيخلصون
رهف: الله شنوهذا شوق جيبي الكاميرا خلون نصور تراث اجدادي
شوق: لحظه صاروخ واناجايه عندكم
بينما شوق تركض مسكها احد من ورها
شوق تصيح والشخص يسكر فمها ويدزها للخيمه المجاوره ودخل معها وهي تصيح وتبجي وكان متلطم
قال اسكتي
شوق: اناماعرفك منو انت صوتك غريب
يفك اللثمه
......: ماعرفتيني
شوق ببكاء: لا
تركي ولع الولاعه: هاه عرفتيني
شوق تحذف نفسهاعلى تركي: وتبكي ليه كذا غيرت صوتك خرعتني
تركي منصدم وبقلبه يقول ليه سوت كذا يعني ضامنه اصير زوجها يالا اكمل عليها
تركي يضمها
وشوق صحت: انت شنو تسوي خلاص هدني
تركي بعدتركها : الله ياشوق ياليت دايم كذا
شوق: انت ماتقول الساعه
تركي: والحين كم الساعه
شوق: وربع
تركي: بس ربع ساعه تأخرت اصلآ ماتأخرت الربع اللي راح هذا كله الفلم الهندي اللي سويناه
شوق: اجل ليه ماصليت
تركي: والله صليت وجيتك ركض
شوق: يالله خلنا نطلع
تركي: لحظه ابشوف احد برا
يوم بغا يطلع ويسمع صوت البنات جايات من بيت الشعر يسولفن متجهات صوب خيمة ام فهد يدورن شوق
رهف: شوق ماجابت الكامرا
تركي: يالله خلينا نطلع
شوق: انت وين ماخذني
تركي: للكازينو
شوق تضحك
تركي: يعني وين بنتمشى
طلع تركي وطلعت وراه شوق
تركي وهويمشي: شوق عطيني يدج
شوق بحياء مدت يدها
تركي مسكهابقوه وسكرعينه ويمشي
شوق: تركي لاتطيح وش تسوي
تركي: احاول ابرمج لمسات ايدج
شوق تضحك
تركي: اوف لاتضحكين اتخدر
شوق تزيد بضحكاتها
تركي: ياويلي ويلاه امسكي قلبي
شوق مصدومه
تركي: حطي ايدج بقلبي
شوق:: لييش سلامات
تركي أخذ يدها وحط إيدها بقلبه
شوق :.....
تركي: شفتي وش كبر قلبي
شوق: كل هذا عشان.....
تركي يقاطعها حبج كله داخل هالقلب
شوق: اجل ماتحبني
تركي: لييه
شوق: قلبك صغير بس كبر هذا حبك لي
تركي: لو على كيفي سويت عمليه ووسعت هالقلب
شوق : بسم لله عليك
_
تركي بحزن: شوق تدرين تبون تسافرون
شوق: ادري
تركي: وهذا مايعنيلج شي
شوق:......
تركي: ابقعد معج طول الليوم لين يذن الفجر
شوق: لا وعدنا خالي نروح معه
تركي: وانا اهون عليج
شوق: السنه الجايه تكون ملكي ونسهر مع بعض الى مالا نهايه
تركي: الحين الساعه الاربع
شوق: ويعني
تركي: بيحطون عشاهم
شوق: بكره اكمل معك
تركي: يمكن بكره تسافرون
شوق:.....
تركي: لازم نقعد الربع ساعه قعده ماصارت
شوق هذا انا وقعدت خلاص ابعد عن جو الحزن
تركي منزل راسه
شوق فكت الشيله وفكت شعرها وتضحك وتطالع فيه
تركي رفع راسه وانصدم ويقرب ويقرب
تركي: وش هالملاك
شوق منزله راسها
تركي تم يطالعها
شوق: تركي وش احلى شي فيني
تركي: كلج على بعضج
وهم مندمجين بالكلام وشوي جتهم لفحة هوى
وكان تركي لابس بالطو
شوق: يوه برد
تركي وهو يفتح البالطو :تعالي اقعدي بجنبي
شوق تقوم وتقعد بجنبه
وهو حاط يده حول رقبتها وهي حاطه يدها من داخل حول ضهره ونايمه على كتفه
شوق مسكره عيونها: الله ياحلو الدفا
تركي: بس الدفا
شوق: وبعد اللي دفا
طال السكوت
وصوت نداء شوق يالا عشاء
شوق فزت: يالا مع السلامه تركي: مو وقته الحين مع السلامه بعد بكره تقولينهالي
شوق: منت رايح معي
تركي: لاابقعد بروحي
ورده: وينج ياشوق
شوق: قريب
ورده: من الليوم وحنا اناديج
شوق: شنو عشاكم
وتعشوا البنات
ابوعلي يصفق: يالا يابنات بس بنروح انجربع
البنات الكبار يحوسون وين عبايتي وين نعالي
ابوعلي: هيه بدون عبي محد معاي وحنا ضلمه يالااركبو
البنات متجهات صوب السياره
الا سالم يشغل سيارة بجنب سيارتهم
منيره تطالع: انت بتودينا
سالم: ياليت
تلقيني ماسوق اطالع ورا بالقمر
منيره بحياء: لاعاد قول
سالم: ابودي العيال غارو منكم
منيره: عاد روحوا بعيد عنا
بعد قليل
رهف: هيه جا خالي
يركضن اركبن السياره
ابوعلي: من اول ماتنزل
هديل: انا
ويمشون يدورون جرابيع
البنات بصياح: جربووع جربوع جربوع
هديل تنزل وتحط جكيتها عليه وتمسكه
وشافوا نور من بعيد
العيال مسوين خطه يمشون ورا عمهم طافيه نور سيارتهم واذا انزلت وحده من البنات كبسوا عليها علشان يضحكون على كراعينها
هديل: مسكته مسكته
شوق بخوف: وخريه عني
منيره: دوري
ابوعلي: خليج عندالباب
البنات: جربوع جربوع
نزلت منيره عاد لابسه سروال طويل يضحك شكلها يوم تطرد الجربوع ويكبسون اكثر واكثر
اتصل ابوعلي على سالم
ابوعلي: ليه تكبسون روحوا عنا بعيد
سالم: انتو قريب ماشفناكم
ابوعلي: والسياره اللي بجنبكم ماعرفتها
سالم: خلاص بنبعد
ابوعلي يسرع ورا منيره
منيره تحذف جكيتها وراح
منيره تهف قذلتها: انحاش
ابوعلي: اركبي اركبي
يمشون ويمشون
منيره: عم عم وقف لقيته
ابوعلي يوقف
منيره تلحقه : مسكته مسكته
وكل البنات امسكوا جرابيع
الا شوق تخاف
ابوعلي: يالا ياشوق انزلي
شوق: لا خال اخاف
ابوعلي: ليه راكبه اجل
شوق: بس استانس واعلق
ابوعلي يضحك
وصلو البيت هلكانين وتعبانين وصلو الساعه
لقو الخيام هاديه
وكل وحده قطت روحها ونامت

قام الجد يأذن
وقامو الرياجيل يصلون
ام سالم: يالايابنات قومو ساعدوني
حصه: تو الناس يمه
ام سالم: اي تو الناس والساعه
وطلعوا البنات للخيمه المطبخ يسون الفطور ومعهم منيره تساعدهم
ابوخالد ملبق السياره قدام خيمتهم يشيلون اغراضهم ويفكون خيمتهم
عياله خالد وصالح يساعدون ابوهم وفجرتساعد امها
شالو اغراضهم
ابوخالد: فمان الله ياعيال
ويسلمون على بعض الرياجيل هو عياله
الجد: ماتشوفون شر
ابوخالد: الشرمايجيك
ام خالد تبجي: يالايمه مع السلامه
الجده: مع السلامه
ام خالد تسلم على خواتهاوبنات اخيها وفجرمعها
كلهم واقفين برا يطالعون ابوخالد وهو يمشي ويحركون إيدينهم مع السلامه
ام فهد: الله يسترعليهم
فهد: يمه حنا بكره وراهم
تركي يطالع بفهد
ودشو الخيام يكملون فطورهم
وبنات ام سالم يغسلون اللحم علشان الغدا
منيره: والله ياشوق راح نفقدج
شوق: جعلج ماتفقدين العافيه
منيره: عاد متى بتمشون
شوق: يمكن باجر الصبح
منيره: موحاضره ملكتي بعد البر على طول
شوق: من صجج انتي قايله لاهلك مابي سالم
منيره: هذا اللي مخوفني استحي من ابوي وش اقول
شوق: الله يعين
قماشه بصوت عالي بنات خالي ابومنيره عطاني سويج الوانيت ابسوق من تركب ومن تبي تسوق
منيره تغسل ايدينها: انا انا بعدج ابسوق
شوق: وانا بعد
هديل: وانا بعد
ركبوا كل البنات الوانيت وقماشه تسوق والبنات مشغلات شريط الجسمي ومسرعين
وبعدو شوي عن الخيام
منيره ساقت وقربت من خيام الرياجيل
والعيال يصفقون ويصفرون
وتقحص منيره والبنات في البدي
وساقت شوق وهديل
حصه تنادي يالا غدا
حصه تنطرهم وتسولف لجدتها عن البارح يوم يجربعون واستانسوا حيل
حطو الغدا وتغدوا وشربو شاي الوزه بعد الغدا الدسم
البنات يتمشون
الحريم تسدحن يبن ينامن
الحريم نامو
هديل راحت للمطبخ تسوي لهم فشار
البنات ينطرون هديل
نسرين جابتلهم ببسي من المطبخ وحب
حصه: وين البطاط والبساكيت
نسرين: خلي نوير تروح معي انا تعبت وانتو فوق الضلع
حصه: نوير يالا قومي
وراحو نوير ونسرين
جمعو الأغراض وحطوها بالسله وينطرون هديل
هديل: روحو انا ريضه
راحو البنات الصغار يودن الأغراض
راشد يغني دخل المطبخ
هديل : يمه خرعتني
راشد: الله وش تسوين
هديل: فشار تبون
راشد: وين البنات ماسمع حسهن
هديل: راحن يتمشن وقالولي الحقهم بالفشار
راشد: اقسمي لنا حنا قاعدين هناك عطيه سلمان يجيبه لنا
هديل: اوكي
البنات يوه تأخرت هديل
ورده سرحانه : بقلبها تقول ياليت اناوراشد نلف كل البر بسياره وحده ونتمشى والله احبك احبك
وهي تفكر بضحكة راشد ومشيته
ورده: آه ياقلبي
قماشه: بسم الله شفيج ياورده
ورده: تذكرت شي
شوق: تذكرت..حمحم
ورده تبتسم
منيره: أميره اركضي روحي شوفي هديل تأخرت
أميره: يوه الحين جايه
منيره: تكفين اركضي
أميره راحت لهديل
مالقت احد بالمطبخ
اميره: بسم الله وين راحت
سالم يمشي ودخل المطبخ لقى اميره ويطالعها ضل واقف يطالعها
اميره منصدمه: وراك
سالم حس بروحه وطلع ولقى هديل تكلم سلمان
سالم: يوه ياهديل أميره تشبه منيره
هديل: وانت وين شفت أميره
سالم : بالمطبخ
هديل راحت للمطبخ
أميره: وينج انتي من الليوم وانا انطر
هديل: رحت اعطي العيال فشار
أميره: ذابحج الكرم
هديل: راشد قالي عطينا فشار
أميره: راشد البطه
هديل: حرام عليج راشد مو بطه
وراحن يمشن ومعهن صحن الفشار
هديل قطت روحها: السلام
أميره: يمه يامنيره سالم دخل علي المطبخ يطالع فيني طول
منيره: جذابه
أميره: والله العظيم والله انبهر من جمالي شكله بيغير
هديل: جذابه قالي سالم اميره تشبه منيره
أميره: وهو وين شاف منيره
منيره: يعني مايذكرني يوم انا صغيره
فتحو بباسيهم مع بعض اكلو استانسو امزحو تطنزو
قماشه: خلاص بس شبعت ياويلي خربتو الريجيم وزواجي بعد شهور
منيره: ومن سمنج
قماشه: لا الوحده تحافظ على رشاقتها
رجعن الخيام مالقو احد
ورده اول وحده دخلت خيمة الجده ولقت راشد يعبي الدفايه ورفع عينه وطالع بورده وفز من مكانه وردده تطالع فيه وضلو يطالعون ببعض ببتسامه
ونزلت راسها ورده وطلعت
راشد: ياويل قلبي تلته تل وهو على غفله
ورده تسمع وتضحك
ورده: منيره شكلي زين
منيره: ليش
ورده: تو شافني راشد
منيره: لا اللي يحب مايحب الشكل يحب حلا الروح
ورده اوثقت اكثر
رهف: راشد وين الحريم
راشد: اعزمتهم ام بدر
ماشفتي بدر بايعها وقف لين خيمة جدتي ونادى جدتي
رهف بلهفه : صحيح
وتركض وراحت تبشر أميره عن ياسرالقحطاني
راشد: وش فيها المهبوله هذي
البنات قاعدات بخيمة ام سالم
يسولفن وينكتون
أميره دخلت معها الكوره: بنات خلونا نلعب كوره
البنات: يالا
وراحن سون مرمى لفريق حصه ومرمى لفريق قماشه
ويلعبن ويصياح قول
لا موقوول
فاول ضربة جزاء
<عاد تعرفون بنات يلعبن كوره لازم صجه ولجه ازعاج>
أميره كانت حارس حصه وكلهم اتجهو نحو مرمى قماشه الا اميره بروحها تطالع
فيهم
فجأه اميره طالعت ورا شافت ورا الضلع بدر يطالع فيها
اميره انصدمت
<أميره ماتعودت على هالحركات>
اميره بقلبها: صح انا اقول حلو بس مو لهدرجه عرف اني انا امدحه
اميره تحاول ترجع لخيام بهروله ثم اسرعت
بدر: حطيتك في بالي ياأميره المزايين
اميره: بعد عارف اسمي
ثم جت هجمه وسجل فريق قماشه على حصه بعد فرحه بالقول فقدو أميره
وين أميره وينها
ورجعن للخيام
دورو اميره لقوها تصيح وتصارخ
منيره: وش فيك ياأميره
أميره تصارخ: مابي اشوف احد
منيره: يمه هبلتيني وش فيك انتي قبل شوي تضحكين ياويلي وش صار فختي
قماشه تضم أميره: بسم الله عليك وتقرا عليها
أميره تصارخ بزود لأنها حساسه حيل: اطلعو ودفعتهم برا
البنات طلعن اللي منصدمه واللي دمعت عيونها
ومنيره تبكي
وتركض صوب خيمة الرياجيل
تبي ابوها
دخلت مالقت احد بس عيال عمامها وعماتها حطت الشيله بوجها وتصيح
سالم وقف بطوله :منيره وش فيك
منيره: تكفى ياسالم الحقنا
اميره مدري وش بلاها
العيال يركضون ورا سالم ومنيره صوب خيمة ام منيره
منيره غطت أميره
سالم دخل شاف أميره بوضع لايحسد عليه أميره تراعد وتصايح
سالم مسك أميره بصوت عالي: اميره وش فيج
اميره يزيد بكاه: سالم خبني وراك ياليت عندي اخو وعندي سند ورى ضهري
سالم: وش فيج
أميره ببكا متقطع: ب...د...ر بدر ولد جيرانا يلحقني من مكان لمكان ويقول حطيتك في بالي
سالم بصوت عالي: اناولد ابوي
قام سالم وطلع وشاف العيال وقال وراي واخذ معه عجره
منيره: انتبه على نفسك
آذن المغرب
راحو لخيام الجيران
بصوت عالي بدر بدر بدر
والحريم تفازعن
وطلعن برا
بدربنعومه: نعم
سالم: وكنك ماسويت شي يالمره ياناعمه
ويندفع سالم بيطقه
بدر يدفه :نعم
ويطيح سالم ويقوم ويمسك ايدين بدرويرصه بعمود الخيمه والله لو جيتنا وأذيت بناتنا والله اني لذبحك واعلقك بعمودكم هذا
يالله ياعيال
الحريم يطالعن
سالم: جده يالله امشن مالكم قعده
الحريم يمشون ورا سالم وش فيك انت مهبول
سالم: مالكم دخل وهذيلا لاشوفكم عندهم ولايجونا
سالم دخل خيمتهم وامه وراه
ام سالم: ليه سويت كذا خربت كل شي
سالم: وش خربت
ام سالم: خطبنا اطياف لك
سالم بقهر: ويش
ومنيره...!!
ام سالم: منيره ماتبيك ياما خطبناه وتطول ماتعطينارد
وهذي وافقت بسرعه شاريتك ياسالم
وبكره سامح اخوها
سالم: من اللي قالكم تخطبونها والله بدال لسامحه لاطا على خشمه وخشم اخته انامابيهم هذيلا ناس مو صاحين ماتعرفينهم يمه على طول قطيتيني عليهم
ام سالم: على راحتك
الجده بالخيمه تسولف
والبنات قاعدات
الجده: ام منيره ماصار لبنتج نصيب وكانت ماتبي سالم وكانت دايم تدعي انها ماتاخذه
ام منيره: الله يكتب اللي فيه الخير
الجده: اخذ اطياف ووافقت بسرعه
منيره وقفت على طولها تراعد وتبجي وطلعت برا والبنات يطالعون فيها
راحت لأقرب ضلع تبجي : ليه انا دايم انصدم من اللي احبهم يخونوني ليه ياسالم كذا ليه
وبعد بكاء يقطع القلب قعدت تفكر بعدين تقول ليه ياسالم ليه تحب اطياف جان قلتلي ماراح اقول شي ليتك صارحتني وماحطيتني بالأمر الواقع
حصه: سالم صحيح اللي سمعناه
سالم: لا
حصه : منيره تصيح
سالم متفاجئ: وشو
من قال لها؟
حصه: جدتي
سالم: وينها الحين
حصه: راحت ورا الخيام
سالم يركض ويركض
سمع صوت بكاء يقطع القلب قرب من ناحية الصوت
وقف يطالع فيها
بصوت مبحوح: منيره
منيره: وخر عني حسيت بعاطفه رح فرغها بطياف
سالم: اي اطياف واي خرابيط
لو اني احبها ماطقيت اخوها يامنيره
منيره: خلاص وخرعني يوم وافقت البنت يوم طاح الفاس براس جاي عندي
سالم:يابنت الحلال والله ماكنت ادري امي وجدتي راحو
قرب عندها وهي تبكي مسكها ويطالع فيها
منيره: هد ايدي
سالم: والله والله اني بكره الصبح اروح عندهم وانهي الخطبه
هاه رضيتي
منيره: لا
سالم: باين عليج بردانه
منيره:....
سالم اخذ فروته وحطها عليها
بعد العشاء
جاهم بدر من بعيد اسمعو انتو ماعندنا بنت لزواج ياسالم
سالم يطالعه: بلي مايحفظك انت واختك
ابو سالم: عيب ياسالم
بدر: خلك تجينا بكره تحب رجلينا عشان نزوجك بنتنا
سالم وقف: يالله عاد يالله ميت فيكم انا
الجد: تعال تقهو ياولدي
بدر دف الدله برجله: مابيلكم قهوه
وطلع
الحريم برا الخيام يتسمعون
ارتاحت منيره حيل من كل كلام سالم اللي قاله لبدر
الجده: انالله وانااليه راجعون
ام سالم:والله مدري وش بلاه
اميره تطالع فيهم بخوف: يارب مايدرون
كل واحد دخل خيمته بينام
بخيمة ام منيره
منيره مانامت كله تفكر بسالم واميره بعد
منيره: انتي ليه يلحقك بدر انتي وش سويتي
اميره: قصري صوتك
منيره: خلاص محد سامعك قولي هبلتيني انا وسالم الليوم
اميره: انا حسيت اني اتقرب حيل لبدر
هو يهبل يجذب يجذب بشكل ماتصورينه
انا قلت ابلعب عليه
هووامه يوم جونا انا بس اخزه هو ماعطاني اهتمام
والليوم قلتولي روحي قولي لهديل تسرع
رحت وليتني مارحت دخلت المطبخ مالقيت احد طليت شفت بدر واقف عند خيمة جدتي طالعت فيه وابتسمت كذا عشان اطيحه
هوحطني بباله ويبي يدمرني اناتخرعت وقمت انتفض
منيره: لاتعودينها ترا الرياجيل مو مثل بنات المدرسه
وخلينا ننام
بخيمة ام فهد
شوق سرحانه تفكر بتركي شلون تسافر بكره هي ماشافت تركي طول الليوم
شوق: يمه يمه
ام فهد: هاه
شوق: انا مابي اسافر ابقعد عند خوالي
ام فهد: انا ماارضى تقعدين بروحج وحتى ابوج
اقول خليني انام
في بيت الشعر
تركي يفكر
معقوله بكره يسافر قلبي وانا قاعد راح يسافروانا اموت لين يرجع ويرجعلي الروح
سالم يفكر هذا الليوم بغى ينهي علاقتنا انا ومنيره الحمدالله على كل حال
ارسل مسج
"تعال ريحني من ايامي السود#ترى الجفامابه للأحباب راحه#ماعاد بي للصمت عزم ومجهود# الصمت فيني حزن الأيام باحه# ليتك بجني طول الأيام موجود# هذا من اللي منك تنزف جراحه# اتخيلك وردآ ربا في هوا النود# واتخيلك بعيون الأشواق واحه#
منيره ارسلت
"ودي يعلمه الهوى عن شوق بنت حالفه* ماتسكن الاخافقه لو اكثرت بيوت البلاد* ودي باصابيع الشعر تكتب غلاه وتلاطفه* وكيف اني ارسم ضحكته خيال مالك له جياد*
آذن الفجر
وكل واحد سهران يفكر
كلهم توضو وصلو ونامو
الاتركي يفكر باالفراق الليوم
وغفى تركي غفوه
الخدامات يساعدون ابوفهد وعياله بالأغراض
ام فهد دخلت خيمة الجده تسلم وتبجي: مع السلامه
والحريم والبنات قامن :مع السلامه ماتشوفون شر
شوق تبجي وتسلم على الجده وخالاتها ويضمون بعض هي والبنات صارالجو كله بكاء
شوق ماشافت منيره ولاتركي
شوق بترجي: أميره اسرعي قومي منيره
أميره تركض
شوق بقلبها وهي تناظر ببيت الشعر: وينك ياتركي يعني معقوله نمت وهنت عليك
ابوفهد: يالامشينا
فهد طاط طاط: شوق اركبي
شوق: موراكبه الين يجي ابوي
فهد: ابوي بيسلم على جدتي ويجي
شوق ماعطته وجه
وتركض لخيمة ام منيره
شوق: منيره وينج
منيره: ادور شيلتي
شوق: امانه وصلي هالكلام لتركي عن طريق سالم
مع السلامه ياتركي يمكن اشوفك يمكن لا واذا انت قاعد وماتبي تشوفني الله يسامحك
وانا معقوله هنت عليك ماتبي توادعني
باي
منيره: لحظه ماحفظت
شوق وهي مستعجله: اكتبها لج بتلفونج
يالا مع السلامه
منيره بحزن: باي
وسلمن على بعض
شوق وهي طالعه لقت فهد قدامها
فهد: يالا مشينا
شوق بقلبها: والله حسبالي تركي
شوق تمشي وكل تفكيرها بتركي وتناظر بيت الشعر
ابوفهد طاط طاط: شوق
شوق تركض: يالا يالا جيت
ركبت شوق
حان وقت الرحيل اصحى ياتركي اصحى ماتبي تشوف شوق
تركي وقف مفزوع ويتلفت مافيه احد عنده شاف فراش فهد مرفوع غريبه بالعاده ينزل طرباله بجنت طربالي
لاوالله رحتي ياشوق
اخذ اشماغه ويركض
شاف الجيب حرك من عند خيام الحريم
تركي تغورقت عيونه
شوق ناظرت ورا صدفه شافت تركي يركض
شوق شهقت مع ضحكه طويله تركي بصوت عالي: شوق مع السلامه ياقلبي
شوق نزلت راسها وقعدت تبكي
افترقنا ياتركي يمكن نلتقي ويمكن لا
يمكن زواجي اناوولد عمي السنه الجايه ياخذني لديره بعيده وماشوفك
تركي طاح على رجوله يصرخ :سالم ليه ماقومتني
لكن مامن مجيب ماحد عنده
سالم فوق ضلع يدور شبكه
ومنيره فوق ضلع ثاني
منيره ترسل مسج: ياعمري ياشوق راحت
سالم: هذي شوق الغاليه عندج عاد انا اذا رحت وش تبين تسوين
منيره: اموت
سالم: بسم الله عليج
منيره: وش يسوي تركي
سالم: حالته تكسر الخاطر
منيره: يمكن هذي حالتي واكثر اذا انت رحلت
سالم: لا ماعليج اخذج الشهر الجاي اهم شي شوق وش سوت
منيره: قالتلي كلام واجد بعدين ارسلك كلامها اذا عندك تركي
ام نوره: منيره تعالي ساعديني
انا بروحي وماعندي بنات
منيره: خلاص
وارسلت
"حبيبي عمتي تبيني اساعدها تامر على شي"
سالم :
أيه امر على شي كبير بس انتي ترفضين
ام نوره طبخت الغدا وتغدوا
مرت الأيام سريعه وهم في البر
تركي طايح بهمه ويبكي
سالم ومنيره كل يوم وناسه
رهف وعلي نظره
راشد وورده غزل وحب
الجده والحريم سوالف
الرياجيل مقناص
بعد رحيل ابوفهد ب ايام
قرر الجد انهم يمشون لديره
الجد: يالا بكره الصبح تجهزو بنمشي
سالم فز خايف بيصير مصيري مصيرتركي
ابومنيره: انشاالله
الجده: خله الظهر
الجد: لا الصبح بعدصلاة الفجر
آذن الفجر
قام الجد: يالا صلاه يا عيال
وقامو العيال يصلون
الجدينادي: ام محمد ام محمد
الجده: نعم
الجد: قومي سويلنا فطور
الجده:الحريم بالمطبخ بيجبن الفطور
تركي: يمه يالا شيلو اغراضكم
الأم: خلاص ياوليدي ناد محمد واحمد يساعدونك
تركي: يالا مشينا قماشه نادي خواتج يشيلون معاج
ام سالم: تركي ناد سالم معك يجيب السياره
تركي: انشالله
ام سالم: حصه نادي خواتج يالا شيلن اغراضكن
ابومنيره: انا موقف الوانيت قولن للخدامات يشيلن اغراض المطبخ
الجده: يابنات فضن الخيام علشان يشيلونها العيال
شالو بيت الشعر والبنات يهدمن خيامهن والعيال يشيلون
جت الساعه وشالو كل اغراضهم ومامع الحريم الاعباياتهم والسيارات واقفه وهم يسلمون على بعض ويبكون وذكريات مرت وناسه
منيره: الله ياخذ المدرسه اللي تفرق بين الأحباب
ورده: اقول السبت مدرسه جهزي اغراضج بإستعداد ههه
منيره: ياخذ هالوجه يوه لاتذكرينا بهموم المدرسه
وسلمو على بعض وسالم عينه على منيره طول الوقت مافارقتها
وقال سالم
يامطري الفرقى انا كيف ابنساك # وانا الذي ماخنت حافظ وصاتك#لو الحلى طعمه مر بشفاك# احلى مراره دامها من شفاتك# اخلصت في حبك ولاقلت ابسلاك# عاشق شقى عمره سعادة حياتك#
علي يناظر رهف
راشد يناظر ورده
راشد: علي ديربالك على الورد
علي:حتى انت ديربالك على الرهف
علي بصوت عالي: ورده تعالي
راشد: وين تناديها وانا واقف
ورده: شوفو الخبل يناديني قدام راشد
رهف: انتي الخبله
ورده تمشي بحياء بصوت خفيف: نعم
علي يطالع براشد
راشد وجهه متغير يطالع يمين ويسار من الفشله
علي: يالا اركبي بنمشي
ورده تخزه وماتقدر تقول شي: زين
علي :غريبه ورده ماقالت شي
ام علي: علي تعال ساعدني
علي يتكلم مصري: حاضر ياممتي
راح علي وراشد يتلفت يمين ويسار وده يقول شي لورده قبل يجي علي
ورده راكبه بروحها وخايفه
وكانت فاتحه الباب
راشد من بعيدبصوت خفيف :ورده
ورده بقلبها: منو يناديني لا يتهيئلي
راشد بصوت مبحوح ورمنسي: ورده
ورده التفتت عليه
راشد بعيون بارقه وابتسامه خفيفه: احبج
ورده نزلت راسها
راشد يقرب : مع السلامه
ورده:.....
راشد: ورده انتضريني
باي حبي
وراح راشد
ورده تناظر زول راشد وهو مقفي
باي ياروحي
وش قصده بانتضريني
مالت على وجهي اناليه مارديت عليه
كله منطمه ومافجيت حلجي
وفجأه يفنتح الباب
رهف: وينج
ورده: انارحت بخبر كان
رهف: هيه وش فيج مخرفه
ورده: انا اشهداني ذبت بعسل راشد
واحد يتنحنح ورا رهف
كلهم طالعو الا هو علي
رهف منزله راسها تبي تروح حط يده على السياره عشان رهف ماتطلع
رهف تطالع بيده ومنزله راسها
وعلي تم يطالع فيها
ورده: هيه خل البنت تروح
علي طالع بورده وسكر باب السياره على ورده وقال خلينا على راحتنا
علي: رهف راح تفقديني
والا انا راح افقدج
رهف تناظر فيه:.....
علي: والله لفقدج يارهف
رهف تكلمي
رهف: شنو اقول
علي: الله تكلمت عيديها
رهف تناظر فيه
علي: انا ابقول شي
انا واحد اموت فيج ولاتفكرين اني العب عليج واخذي هالشي لذكرى
يالامع السلامه ودي اطول تصدقين
رهف:......
تمشي رهف رايحه لسيارتهم
منصدمه
ركبت فتحت هالشي اللي يقول عنه علي
لقت سلسال فيه حرفar
ضمت السلسال حيل وتناظر تحت شافت ورقه فتحتها لقت كلام كثير كاتبه علي وتحت
ابي منج مسج واحد ماطلبت منج شي كبير وهذا رقمي..........
رهف مستانسه حيل
وداع سالم ومنيره
سالم ارسل مسج
منيره وينج ابجيج الحين
منيره ارسلت
انا قاعده ورا الضلع
سالم
انا ابجيج من ورا الضلعان كلها
منيره قاعده بروحها وتطالع فوق
سالم يناظرها من بعيد ببتسامه
بصوت عالي: حياتي ليه بروحها
منيره تعدلت وتبتسم: مو بروحي انت معاي في قلبي ساكن
سالم وهويضحك: معقوله انا ساكن في قلبك بدون اجار
منيره: بدون اجار قلبي ملك لك والا انت شاك في الأمر
سالم يقرب حيل عند منيره ويناظر عيونها بنظره رومنسيه براقه: قلبي يحبج حيل ويبيموت من فرقاج
منيره: حتى قلبي ياقلبي
سالم: منيره خلينا على اتصال دايم ومسجات
منيره: انشالله
استمر الهدوء دقيقه
سمع سالم صوت بكاء التفت بمنيره
سالم: حياتي وش فيج
منيره تبجي: انا تعلقت فيك ياسالم وماقدر اتخلى عنك ياحياتي دقيقه تعودت عليك
واحس اني اموت من دونك
سالم يقرب عندها ويحط يده حول رقبتها ويقربها من عنده: بسم الله عليج حتى انا والله ابفقدج وماراح انقطع عن المكالمات
فجأه يدق جوال سالم
سالم: الو
ام سالم: يالا الناس اركبو
سالم: يالا جاي جاي
وقف سالم يطالع بمنيره ومنيره تطالع فيه مسك يدها :مع السلامه ياقلبي
منيره: مع الف سلامه
سالم: روحي انتي وانا ابقعد علشان مايشكون
منيره راحت وركبت السياره وتطالع بضلع اللي جمعهم اول مره
كلهم ركبو وينطرون سالم
سالم يمشي من بعيد وشاف الجد ويمشون ويسولفون ويضحكون
منيره تطالع فيه من بعيد: فديت هالضحكه والله
والله اموت فيه