قصة مفجعه وغريبه لطالبه فاجره معي في الكليه

1. ليش وصلو الناس لذا المستوى المنحط الفلوس حتسعدها يعني حترضي ربها؟؟؟

قصة حقيقيه عن طالبه معي في الكليه فهي بالنسبه لي غريبه مره عمري ماشفت ناس بهذي الوقاحه ....
انا طالبه في كليه ......هذي اول سنه ليا طبعا رغم المشاكل (الي اشوفها الان بسيطه) اللي مرت علينا ايام المدرسه كنا نشوفها كبيره وهي في الاصل عاديه ....
كان في بالي البنت الي تكلم ولد هذي مره مفلوته ومو مربيه واذا خرجت معاه مطعم هذي فاجره
الحين صرت اشوف ذا الموضوع عادي بعد اللي شفتو من ذي البنت اللي معي في الكليه
في بداية الايام كانت شوي تستحي مني وماكانت تتكلم معي عن ذي المواضيع وفجأه نزلت الثقه مره وحده
قالتلي انها مخطوبه من واحد تعرفت عليه وتكلموو وتخرج معاه وتنام معاه تخيلو الفجر ولا ازيدكم من الشعر بيت
وبعدها بأيام اكتشفت انو لسى ماخطبها بس يبي يخطبها وامه مو راضيه عشان البنت اتعرف عليها من السوق...طيب وبعدين ....
صارت تحكيني عن واحد تاني اتعرفت عليه عن طريق صحبتها.......هنا يبدأ الموضوع زاتو (قلبنا سودانيين)
طبعا هذا الشخص مبسووط (غني) اتعرفت عليه عشان فلوسو يعني باختصار تلعب بالفلوس تخيلو
انا مره مصدومه يا ناس في احد يبيع شرفو عشان الفلوس ليش ليش ؟؟؟؟؟؟

ليش وصلو الناس لذا المستوى المنحط الفلوس حتسعدها يعني حترضي ربها؟؟؟

المهم بدأت المهاتفات بينهم الين ماصار يقول لها انه يبي يشوفها ماصدقت طيب قالتله
قلها ابي اعزمك حفله حلوه مختلطه بنات وشباب ورقص وسكر.........تخيلو..... انا ماكنت اصدقها احسها تبالغ لكن ماصدقت الين ورتني الصور.........هذي البنت النقص يملئ حياتها مريضه ........... والا في وحده عاقله تجاهر بالمعصيه.............
المهم وافقت انها تروح الحفله اتزبطت البنت ولبست اقصر شي عندها وتعرفوو اكتر
على بعض صارو يشوفو وو بعض كتير ووماتجي الكليه كثير تروح من البيت من الساعه 7 الين الساعه 3 الظهر عارفين فين يروحوو ................ درة العروس ما اتوقع في احد ما يعرف دا المكان خصوصا اهل جده المهم يمارسو الزنا والعياذ بالله .................. تخيلو هي تقولي وانا ابكي مو مصدقه مصدومه كنت احسب هذي الاشكال بس في المسلسلات والافلام شي خيالي ,,,,,,,,,, المهم انا ابكي واخبطها اقولها حرام عليك تقوم تقولي حماس واحساس ......... ياويلها من ربي ياويلها يوم الحساب اش تقول لربي,,,,,,,,,,
ومره من المرات قلت لأختي عنها قالتلي لاتسمعيها انتي لأنك بمجرد سماعك تاخدي ذنبها كأنك مأيدتها على اللي تسويه وقعدت فتره ما اعطيها وجه ولا اكلمها قرفت منها اكره اطالع في وجهها المهم صرت اسمعها تحكي اللي ورايا (لاحول ولا قوة الا بالله )تجاهر بمعصيتها والعياذ بالله يعني الله ستر عليك وانتي تفضحي نفسك كمان تحسبهم مبسوطين ماتدري انهم مستحقرينها على افعالها..........مساكين اهلها
المهم صارت كثير تروح معاه حتى الدوره الشهريه ماتحب تطول معاها تقول طفشت بسرعه متى تخلص......... قلتلها ازا ماتخافين من ربك وماتعرفين تخافين ماتفكرين ايش راح يصير لأهلك لو عرفو ايش تعملي وماتفكرين لو تزوجتي ايش موقفك قدام زوجك المسكين اللي خسر عليكي وفي النهايه طلعتي مو شريفه بعتي شرفك عشان وسخ الدنيا ..........وهنا الفجر والطامه الكبرى.........لمن قلتلها ايش موقفك قدام زوجك.....قالتلي( انا غشائي مطاطي العب على كيف كيفي)يالله اش دي الناس انا اشك في دينها لأنها لو مسلمه بمجرد صلاتها ماراح تعمل كذا لأن الصلاه تمنع عن الفحشاء والمنكر.... (لا حول ولا قوة الا بالله)
يارب انك تسترنا وماتسخطنا........... المهم مره قالتلي بوريكي حاجه في اللاب توب حقها تخيلو ايش ورتني (استغفر الله العظيم) فيلم جنسي لها هي وحبيب القلب مو خطيبها ياليتو خطيبها على قولها لا التاني المبسووط وماقدرت اشوفو بس عشان تصدقين على قولها........اخ خ خ
(انا من النوع اللي لمن اشوف اشكال زي كدا مفروض انصحهم انا لا اسكت لأني احس انو الذنب هذا والمعصيه ماشيه بدمها وماراح تسمع مني ) ومرره ماقدرت امسك نفسي
المهم صرخت بوجهها قلتلها انتي ماتخافين
قالتلي اخاف من مين؟ قلتلها من ربي
ماردت سكتت ونزلت راسها انكسفت
ماتحب ابوها تبي تقهر ابوها عشانو مطلق امها وعايشه عند امها المسكينه اللي مو داريه عن بنتها قلتلها ازا بتقهرين ابوكي بشرفك بينقهر بس امك بتموت قهر لأنك تربيتها ....
ومره راحت معاه قلها انو يبيها تنام معاه............. عند البحر قالتلو لا انا ما انام .........الا في مكان فيه جدران وسقف قلها الا هنا مافي الا انا وانتي وربي (استغفر الله العظيم)شايفين الفجر كيف؟!
لاحول ولا قوة الا بالله ......المشكله ان البنت عندها مرض فقر الدم الخطير ماتخاف انها تموت وهي بذاك الوضع........... والمشكله الاكبر انو اللي تنام معاه مخطوب كمان زيها كل الاثنين خاينين قلتلها اتزوجيه لازم قالت لا انا وياه بس اصدقاء(العن ابو الصداقه اللي ابيع شرفي فيها)
المهم اخر شي قلتلها لا تكلميني عشان انا شرفي وسمعتي وكرامتي وسمعت اهلي فوق كل شي عندي ولمن اتكلم معاكي احس اني اخسرهم وانا مستحيل اخسرهم انشالله.طالما انتي بعيده عني..........
وسامحوني ع الاطاله بس تكفون قولولي ايش اعمل انا نفسيتي تعبانه من يوم مادخلت الكليه شفت مجتمع فاجر اكثر من انو فاسد والله حتى دراستي صارت زفت يوميا اروح الكليه وانا مضايقه كارهتها وكارهه كل اللي فيها...........شفولي حل رغم اني انا مو صحبتها بس هي تجي كتير تتكلم معايا (احس بكلامها اني دوبي كبرت وفهمت الناس مدري هي دي الاشكال موجوده من زمان والا لمن جيت الكليه بس دي السنه)(لأنها تقولي اني انا طفله ومو فاهمه شي)
اللهم اني اسألك بأني اشهد انك انت الله الاحد الصمد الذي لم يلد ولم يولد بانك تستر علينا وعلى بنات المسلمين وتبعدنا عن رفقاء السوء يارب ياكريم
قولوا امين المهم انتبهو على بناتكم واخواتكم ترا كل مال الناس يتغيروو للأسوأ لا تنسو ردودكم.............