كاسات الصامولي روعه لاتفوتكم وبالصور خطوه خطوه

السلام عليكم ورحمة الله وبركاته
مبارك عليكم الشهر الكريم
رجعت لكم بعد غياب ومعي هالاكله الخفيفه اللي اتمنى انها تعجبكم
الصراحه انا سويتها وطلع طعمها خيال وياليت تجربونها
بسم الله نبدأ..

• * * * *

أول خطوه تجيبين الصامولي العادي انا كان طويل شوي تقطعيه لاربع اقسام زي منتو شايفين هنا
وبعد كذا تفرغينها بس القاعده تخلينها وتصفينها في صينيه تدخل الفرن
زي كذا
والحين تحشينهابهالحشوه:
3 قطع من صدور الدجاج
الصامولي كان اربع حبات بس مقسمه لاربع
جزره متوسطه
بصله متوسطه ملعقتين مايونيز
فنجال شاي كريمة خفق (انا ما حطيت الكريمه وضبطت يعني ما هي ضروريه)
تحمسين البصل دقيقتين ومباشره حطي الدجاج المسلوق المنتف
واحمسيهم شوي وحطي الجزر واحمسيهم دقيقتين يادوب وحطي نص ماجي وبهاراتك المفضله
والحين حطي الكريمه وحركيهم وغطيهم 5 دقائق
واطفئي الناروضعيهافي طبق واضيفي لها ملعقتين مايونيز
وراح تطلع بهالشكل:
والحين تحشين الكاسات الى ان تخلص الحشوه
وتضعين فوق كل واحده جبنه موزاريلا
(وممكن لو حبيتي نكهه أغنى تضعين كرافت شيدر)
وتصبح بهالشكل:
والحين ادخليها ب فرن يكون حار وخليها الى ان تذوب الجبنه فقط لا غير
(التحمير مو مطلوب)
وتطلع لك بهالشكل
وبالعافيه
دمتم بخير