كذا الدنيا قصه سعوديه خيال

1. 3)) عائلة أبو طلال وتتكون من : الأب – الأم


2. ريناد : بعمر رنا ... طيبه حبوبه وحلوة ... محبوبه من قبل الكل .....


3. أميرة وصوتها مخنوق : مافيني شي ....


4. مشعل : تخبين علي يعني ...

هذي قصه قريتها وهي موب طويله كثير بنزل لكم اول جزء إذا شفت ردودكم وحمستوني
نزلت لكم الباقي وإنشاء الله تعجبكم

• - وهاهي البدايه -_

الاماكن كلها مشتاقه لك ..
والعيون الي انرسم فيها خيالك
والحنين الي سرى بروحي وجالك
ماهو بس انا حبيبي
الاماكن كلها مشتاقه لك
كل شي حولي يذكرني بشي
حتى صوتي وضحكتي لك فيها شي
لو تغيب الدنيا عمرك ماتغيب
شوف حالي آه من تطري علي
الاماكن الي مريت انت فيها
عايشه بروحي وابيها
بس لكن مالقيتك
جيت قبل العطر يبرد
قبل حتى يذوب في صمت الكلام
واحتريتك
كنت اظن الريح جابت
عطرك يسلم علي
كنت اظن الشوق جابك
تجلس بجنبي شوي
كنت اظن وكنت اظن
وخاب ظني
ومابقى بالعمر شي احتريتك
المشاعر في غيابك
ذاب فيها كل صوت
والليالي من عذابك عذبت فيني السكوت
وصرت خايف لاتجيني
لحظه يذبل فيها قلبي
وكل اوراقي تموت
آآآآآآآه...آآآآآآآآآآه
لو تدري حبيبي
كيف ايامي بدونك
تسرق العمر وتفوت
آه يالامان ..وين الامان
وانا قلبي من رحلت ..ماعرف طعم الامان
ليه كل ماجيت اسال هالمكان
اسمع الماضي يقول
ماهو بس انا حبيبي
الاماكن كلها
مشتاقه لك
ناصر من بعد ماغنى الاغنيه : يالله حبيبتي تأخرنا .....
نورة وهي تلبس عباتها : خلاص خلصت بس مين هي يلي الاماكن اشتاقت لها ؟؟؟؟
ناصر : ماتعرفينها ..!!!
نورة : لآ .. ماحصل لي الشرف .....
ناصر وهو يغمز لها : أكيد تعرفينها ... نور عيني .....
نورة حمرت خدودها : ههه ... طيب . يالله مشينا ....
ناصر : تمام يامدام .. هههاي .....
نورة : ههه ... ( ونزلوا من البيت عشان يروحون )
وهم في السيارة قال ناصر : ها .. كيف ولدي ....
نورة وهي تحط يدها على بطنها : يسلم عليك ...............
ناصر : الله يسلمك ويسلمه ..... ( ووصلوا لبيت أبو ناصر ) وأول مانزلوا طار ناصر بسرعة وفتح الباب لنورة .....
نورة : ههه .. تسلم حبيبي ....
ناصر والابتسامة شاقه حلقة : العفو ياروح روح روح حبيبك ..... ( ودخلوا البيت )
ناصر ونورة : السلام عليكم ..
الكل : وعليكم السلام والرحمه .........
نايف يستهبل كالعادة : بدري كان ماجيتوا ....
ناصر : بدري من عمرك بس وش نسوي لاختك ساعه لين ماتتجهز ...
نورة وهي مفتشله : حرام عليك أنا ...
الكل : ههه ههه ...
..::::.. التعريف بالشخصيات ..::::..
1)) عائلة أبو ناصر وتتكون من :الاب _ الام
ناصر: شاب عمره 28سنه.. وسيم وجذاب طيب وحنون جدا... متزوج من بنت عمه نورة.....
سلطان: جميل جدا ووسيم للغاية.... عمرة 25سنه...
منال: عمرها 22 سنه... بنت في قمة الجمال... ناعمة حيل...
دلع : آخر العنقود يعني سكر معقود ... عمرها 18سنه يعني رايحه صف ثالث ثانوي. جميله ومرحه وطيوبة .. ملامحها ناعمة وتجذب الواحد لها ......... هي حساسة ورقيقه.......
2)) عائلة أبو نايف وتتكون من :الاب _ الام
نورة :عمرها 25 سنه ... جذابه وناعمه .. متزوجه من ولد عمها ناصر وهي ألحين حامل.....
منيرة : عمرها 22سنه ... وهي صديقة منال بنت عمها الروح بالروح ... جمالها رباني حلوة كثير وناعمة ....
نايف :عمرة 18 سنه واكبر من دلع بكم شهر ... حبوب وحلو ومملوح ... عيونه تسحر الواحد لها على طول....... رايح ثالث ثانوي ....
أحمد : أصغر واحد عمرة 15سنه.. يموت على شي أسمه إنترنت...

3)) عائلة أبو طلال وتتكون من : الأب – الأم

هيفاء : عمرها 27 سنة عندها ولد وبنت الولد أسمه سامي وعمرة 7 سنين والبنت أسمها سلوى وعمرها 5 سنين ... زوجها توفي يوم كان عمر سلوى سنتين ... وراحت هيفاء وسكنت في بيت أهلها وهي تتعذب لانها كانت تحب زوجها وزوجها يحبها وكانت مرتاحه معه كثير بس جا يومه قبل لايشوف عياله يكبرون .....
طلال : عمرة 25 سنه صديق سلطان ... وسيم لأبعد حد .. ويدخل القلب بسرعة ....
رنا : عمرها 19 سنه طيوبه وحلوة وناعمه ...
روعه : عمرها 18 سنه وصديقة دلع .. رايحه ثالث ثانوي ... جمالها موطبيعي .. كل شي فيها يسحر الواحد ...
عبد الرحمن : آخر واحد وهو صديق أحمد وفيه نفس الطبع ... وهو حبه الشديد للنت .... وعمرة 15 سنه ..
4)) عائلة أبو مشعل وتتكون من : الاب – الام
مشعل : طيب ومحترم وحلو عمرة 28 سنه متزوج أميرة وعنده بنت أسمها مها وعمرها 6 سنين ...
التوأم سلمان و روان ..
سلمان : عمره 18 سنه دائما مع ولد عمه نايف ,,, أصحاب وما يخبون شي عن بعض ... حلو ووسيم ... يحب الفر فشه والتنكيت مثل نايف وما يحب الرسميات ..... رايح صف ثالث ثانوي ....
روان : أصغر من سلمان بخمس دقايق .. وطبعا عمرها 18 سنه وهي بعد رايحه ثالث ثانوي .. حلوة وناعمه والهدوء من أطباعها .. ماتحب المشاكل ... مسالمه . وصديقة بنات عمها دلع وروعه ....
ندى : آ خر وحدة وعمرها 14 سنه ......
5)) عائلة أبو إبراهيم وتتكون من : الاب
إبراهيم : شاب رائع .. خلوق حلو ورزة ... عمرة 26 سنه ويشتغل مع أهله بالشركة ...

ريناد : بعمر رنا ... طيبه حبوبه وحلوة ... محبوبه من قبل الكل .....

( امهم توفت من سنين وكانوا صغار في السن ... وكان لازم من أبوهم انه يجيب له وحدة تربيهم ... وتزوج وزوجته في منتهى الطيبه .. حبت ريناد وابراهيم وربتهم كأنهم عيالها وهم حبوها وصاروا ينادونها يمه لطيبة قلبها ... )
فيصل : أخو ابراهيم وريناد من الاب .. عمرة 18 سنه وطبعا مع عيال عمة ... رومنسي وجذاب على صغر سنه ... بس الكل يحبه ...
نجود : عمرها 14 سنه ومع ندى دائما ..
وأخيرا أخوهم العزابي عبد العزيز عمرة 23 سنه قريب من عيال وبنات أخوانه كثير .على الرغم من إختلاف أعمارهم. لكن علاقتهم قويه ...
الكل اليوم متجمع في بيت أبو ناصر لان سلطان وطلال راح يرجعون من السفر "" سلطان وطلال كانوا مسافرين لندن يدرسون هناك وخلصوا آخر سنه وهذاهم راجعين ."" طلعوا الرجال كلهم عشان يستقبلونهم من المطار وبقى في البيت الحريم والبنات .....
:.:. ودق جرس الباب .:.:
قاموا مرتبشين وبسرعة حطوا طرحهم على روسهم وغطوا شعورهم .... ودخلوا الرجال ..... وركضن أم ناصر وأم طلال وراحوا سلموا على عيالهم .........
أم طلال وهي تصيح : كيفك ياوليدي ...
طلال وهو يمسح دموعها : بخير يالغاليه بخير ....
أم ناصر ودموعها تجري على خدها : وينك ياوليدي عنا ماتسأل والله اشتقنالك ..
سلطان وهو فيه الصيحه : وأنا أكثر وسامحوني ان كنت مقصر ....
وبعدها راحوا يسلمون على الباقي .....
طلال وهو يسلم على رأس جدته : شلونك يمه ( الجدة كبيرة في السن ومخرفه )
الجدة : مين إنت .؟؟؟؟؟؟؟؟؟؟؟؟؟؟؟؟؟
طلال : أفا نسيتيني يمه ...
الجدة : أنا ماأعرفك عشان أنساك .......
قالت هيفاء : هذا طلال يمه طلال أخوي .. ( لف طلال وطالع فيها وابتسم ورجع طالع في جدته )
الجدة : ايه .. طلال وليدي شخبارك يمه ؟؟؟
طلال : بخير الحمد لله . ( جا دور سلطان يسلم )
سلطان : وانا سلطان عرفتيني ...
الجدة : سلطان !!!!!!!!!!!........ ايه سلطان كيف أحوالك يمه ؟؟؟؟؟..
سلطان وهو يسلم على راسها للمرة الثانيه : بخير .. ( وبعدها راحو يسلمون على الباقي )
دلع وهي تضم أخوها بقوة : هلا بالقاطع .. شلونك .....؟؟؟؟؟؟؟؟؟؟؟؟؟؟
سلطان وهو في حضنها : بخير .. وأنت بعد ماتقولين عندي أخو أسأل عنه ...
دلع وهي تصيح : سامحني .... ( وبعدها جلسوا كلهم في الصالة الكبيرة )
الجدة وهي تطالع في سلطان وطلال : وانتوا لسى ماعرستوا ...؟؟؟؟؟؟؟؟؟؟
سلطان : لأ . يمه لين ألحين ليه عندك عروس لنا ؟؟
الجدة : لأ . بس كنت أحسبكم تزوجتوا من الصفر والحمر يلي هناك ... ( انفجرت الصالة ضحك )
الجدة وهي عاقدة حواجبها : هاو . ليه تضحكون ؟؟؟
سلمان : ههه . وانت وش دراك ان هناك في صفر وحمر .؟؟
الجدة : من التلفزيون ...
نايف : هههاي . وتشوفين تلفزيون بعد .. لا الحرمه خربت ...
الكل : ههه ...
ابو نايف وهو يحاول يمسك ضحكته : عيب يانايف ..ههه .
نايف : ههه . إن شاء الله يبه ... ( وبعدها قعدوا يسولفون ويسألون عن الاخبار والاحوال )
":":": بعد العشاء :":":"
راحوا الحريم والرجال وقعدوا في الصالة الثانية وجلسوا الشباب والبنات في الصالة الكبيرة البنات كانوا مستحيات كثير .........
طلال : أقول دلع .. يعني إذا ماعندك مانع ودي أسالك سؤال يفرقع في قلبي من زمان .... وسألت سلطان عليه وقال لي مايدري ..
دلع : وشو هالسؤال ؟؟؟؟
طلال : ليش سموك دلع ؟؟
دلع وهي تهز كتوفها : والله مادري ؟؟ تصدق سألت أمي مرة وقالت لي إن الدكتورة يلي ولدتها كان اسمها دلع .. وسمتني عليها ....
طلال : ههه ... علشان الدكتورة يعني ...
دلع :ههه ... ايه شفت شلون ..
نايف : بس إسم على مسمى ... ( الكل التفت له وهم مستغربين )
نايف يبي يصرفهم عن الكلمه يلي قالها بدون مايقصد قام يكح : كح .. احم احم ..
سلطان : أي اسم على مسمى الله يهديك ... والله ولا قاربها الدلع تقول واحد من الربع .. اذكر هذاك اليوم قبل لا اسافر اعطتني هذيك الضربه يلي بغت تكسر لي فيها ضلع لولا ستر الله ...
دلع وهي زعلانه : هين يا سليطين ... يجيلك يوم ....
مشعل : ههه .. مهاوي حبيبتي قولي لماما يلا ..
مها : طيب بابا .. ( وراحت )
سلطان : وين بدري ...
مشعل : بدري من عمرك .. بس ورانا شغل ...
سلمان بخبث : وش شغله في أخر ذا الليل ..؟؟؟؟؟؟؟؟؟؟؟
مشعل : شي مايخصك .. اشغال عائليه يعني .. خاصة ...
فيصل : ههه .. تعجبني ... اذا جيت تصرف عمرك ..
عبد العزيز : خلو الولد يعيش حياته ..
مشعل : تصدق ماحد يفهمني غيرك ........
(( في السيارة ))
مشعل : حبيبتي وش فيك ؟؟؟

أميرة وصوتها مخنوق : مافيني شي ....

مشعل : تخبين علي يعني ...

أميرة : والله حال هيفاء مو عاجبني ... من مات ( ونزلت دمعتها . وبلعت غصتها ) ياسر وهي ماسكة الحزن .. حاولت معها بس مافي فايدة ... ( أميرة صديقة هيفاء من أيام ماكانوا صغار ... وياسر يصير أخوها .. حزنت لما مات وحزنت على حال صديقة عمرها ورفيقة دربها ))
مشعل وهو يتنهد : وش نسوي بعد ياأميرة .. حاولنا معها بس مافي فايدة .. وقلنا لها إن ياسر خلاص الله يرحمه بس هي معنده ولين الحين زعلانه ...
أميرة : الله يساعدها ...
(( في اليوم الثاني ))
ريناد : هلا يمه طلبتيني ؟
أم فيصل : ايه حبيبتي .. تعالي بقولك شي ...
ريناد وهي تجلس جنبها ..: وت ؟؟؟
فيصل يدخل على فجئه : ههه أختي وانجليزي مايصير .. ( وراح جلس جنبها )..
ريناد : ههه حرام عليك كلها كلمه وحدة ...
أم فيصل : الله يهديكم ههه ... المهم اسمعوا ... تجهزوا اليوم على المغرب لاننا بنروح المزرعه ..
فيصل : غريبه يمه بالعادة المزرعه مانروحها إلا الخميس واليوم اثنين ...
امه : ايه بس بنروح اليوم حاله استثنائيه لان أخو أم طلال سالم بيجي ..
ريناد : مين هذا يمه ...؟؟؟؟ خال رنا ..!!!!!!!!!!!
امها : ايه هذا خالها يلي سافر هو وعياله الكويت عشان شغله ...
ريناد : أها عرفته يلي عندة ايمان ودانه ...
امها : ايه هذاك هو ...
فيصل : عن مين تتكلمون أنا مو فاهم شي .؟؟؟
ريناد : هذا أخو خالتي أم طلال ...
فيصل : لا ياشيخه يعني فسرتيها الحين ..
ريناد : ههه وهذا سافر للكويت من كم سنه ونحنا كنا صغار عشان كذا مانذكرة ..
فيصل : طيب عندة عيال :؟؟؟؟
امه : ايه عنده ايمان ودانه وبدر وعلى ماأظن عمر ...
ريناد : وعمر هذا بعمركم انتوا يعني راح يكمل شلتكم ..
فيصل : واي وناسه ..
امه : قوموا تجهزوا مابقى شي على المغرب ولا تنسون شيلوا معاكم ملابس زيادة عشان بنام هناك ..
فيصل وريناد : أوكيك ..
؟؟؟ في المزرعه ؟؟؟
وصلوا بيت أبو سالم يلي خلاص راح يستقرون في الخبر بعد مالزمت عليهم الظروف انهم يسافرون للكويت ...
كانت عائلتهم تتكون من : الاب – الام .
بدر : أكبر واحد عمرة 25سنه ..
دانه : عمرها 20 سنه ...
ايمان : عمرها 19 سنه ...
عمر : عمره 18 سنه ...
في قسم الرجال ... ( كانوا قاعدين ومستانسين .. طبعا الشلة الرباعية شلة المراهقين ( نايف – سلمان – فيصل – عمر ) فالينها ضحك وتريقه وسوالف ... دق جوال عمر وأول ماطالع في الشاشه ابتسم :
فيصل : بسم الله لايكون جنيت .. تتبسم للجوال ..
عمر : ههه . لا هذي وحدة كنت أعرفها بالكويت ويوم قلت لها اني بسافر قامت تصيح .....
نايف : والله وطلعت راعي سوالف ياعمير ...
فيصل : هات برد عليها ( وأخذ الجوال )
عمر : ترى اسمها فتون ...
فيصل : ألو .. هلا وغلا هلا بفتون .. وش تبين فيه .... ههه .. لا ماعليك منه وصل وشوفيه منثبر .... أوكي عمري يوصل .... ايه خلينا نسمع صوتك لاتقطعين هاه .. باي حياتوو ...
سلمان : الله يغربلك تكلمها وكأنك تعرفها ...
فيصل : هي والله يلي فلتها وجلست تسولف ... بس عليها صوت واي ..
عمر : ههه ....
عند الحريم ( البنات قاموا وراحوا للغرفة الداخليه لان الحريم وسوالفهم عورت روسهم )
ريناد : اشتقنا لكم ..
ايمان : وحنا اكثر والله ..
دلع : قوموا بنات خل نرقص ...
روان : الله يرجك قولي آمين ...
دلع : بسم الله علي مالت عليك والله من جد خبله ..
رنا : أقول انتي وياها ورى ماتنثبرون وتاكلون تبن ...
منيرة : عفيه على بنت عمي الشاطرة ....
منال : يالله بنات والله زهق ..
روعة : طيب وش نسوي يعني ..
دانه : قوموا نتمشى برى ..
رنا : والله وجبتيها يابنت خالتي ... بس الشباب برى يعني فشله نطلع ...
إيمان : أوكي أجل خل نجلس هنا .. ( وراحت شغلت المسجل وقام الرقص يلي على أصوله )
وعلى فجئه سمعوا أصوات صراخ .... بس ماسمع هذا الصوت غير البنات .. طلعوا ركض
رنا : وش فيكم ؟؟؟؟؟؟؟؟
نجود : ص..صرصور ..
ندى وهي تصارخ : يمه لحقوا علينا ...
البنات : ههه ..
ريناد : مالت عليكم غربلتونا ... ( ورجعوا دخلوا )
بدر : ههه طيب تذكر نادر ..
طلال : ههه ايه ( نادر صديقهم ) تذكرت ..
سلطان : أي واحد ..؟؟؟
بدر : هذاك يلي طاح من على الدرج يوم كان بثالث ثانوي وقام يسب ويلعن في المدير والمدرسين والطلاب حتى الفراش ماسلم منه ...
سلطان : خ .. ذكرته هذا يلي جا المدير يهاوشه قاله نادر انطم وسكته قدام الناس ..
طلال: ههه ايه هذاك ...
نايف : تصدق ان أخوة معنا ..
بدر وطلال وسلطان : لا ...
سلمان : بسم الله الرحمن الرحيم .. طالعوا أشكالكم كأنكم مهرجين ... ههه ..
عمر : ايه من جد والله .. ههه
طلال : أقول جب أنت وياة ...
بدر : طيب وش أسم أخوة ؟؟؟
نايف : هاني على ماأظن ...
فيصل: وع مافي تناسق هاني ونادر ... بس والله ذا الهاني حليل مو بطال ...
سلطان : يعني على عكس أخوة .. لان أخوة كان واحد نشبه ماينطاق ......
نايف : إلا وين عزوز وإبراهيم ؟؟؟؟؟؟؟؟؟؟؟؟
طلال : ماادري قالوا بيطلعون وللحين مارجعوا ...