كل وحده تدخل تكتب لنا طبخه يحبها زوجها ونبغى طريقتها

فكره مره حلو انا بصراحه ما اعرف الطبخ بس ودي اتعلم منكم لاني حبيت الطبخ

هلا حبيبتي ...انا زوجي يحب المقلوبه واعتقد كل الرجال يحبوها.........
المقادير:(تكفي لشخصين):
حبة طماطم كبيره
بصله متوسطه
نصف دجاجه مقطعه ومنظفه
ملح-بهارات
خضار(كوسا-بطاطس -باذنجان)
فلفل احمرحار حبتين
زيت للقلي
رز(كوب ونص)او(كوبين)
صلصه طماطم
الطريقه:
اسلقي الرز بزيت وملح وماجي ابيض(اجي) وصفيه وخليه على جنب..
احمسي البصل والطماطم بقليل من الزيت وحطي الدجاجه عليها وقلبيها بعدين اضيفي عليها كوب مويه وخليها تطبخ على نار هادئه لمدة 35 دقيقه...واضيفي الصلصه والبهارات والملح....
قطعي الخضار حلقات واقليها بالزيت نصف استواء....
اذا مر عالدجاج نصف ساعه اضيفي الخضار المقليه معها وحاولي ان المويه تكون قليله يادوب تشوفيها من بين الخضار والدجاج
بعدين اضيفي الفلفل الحار والرز المسلوق فوق الدجاج والخضار(ولا تخلطينه بالملعقه عشان يصير طبقتين احمر وابيض) وحطي على وجه الرز وهو عالنار حشوته مكونه من (بصل محموس بزيت الين يحمر وحطي معاه بهارات وزبيب)
واتركيها على النار لمدة نصف ساعه على نار هادئه جدا".... بعدين اقلبيها بصحن(حطي الصحن على فم القدر وحطي يدك تحت القدر وحاسبي من الحراره واقلبيها بالصحن)
وبس اتمنى تعجب زوجك.....

حلو الموضوع انا زوجي يحب طبخي كلو بصراحه بس اكثر حاجه يحبها <الرز البخاري > وهو بطريقة اهل المدينه المشهوره
وبصرااحه لذيذ مره وسهل
الطريقه مع المقادير : اول شي تقطعي بصل جوانح <يعني رفيع اقصر من البطاطا شوي > وتقطعي الجزر نفس الشي وتقلي كل واحد على حدا بعدين تاخذي <اللحم> اذا كان دجاج اقليه كمان قبل السلق واذا كان لحم اسلقيه في ميه ساده واقليه وبعدين حطيه كلهم في قدر وحطي في الخلاط بندوره <طماطم > بعد ماتقشريها وشوية معجون طماطم وتعصريها وتحطيها على اللحم والبصل والجزر وتحطي شوية ميه مغليه وشويه هيل وقرفه وتخلي الدجاج لما يستوي واذا لحم خليه يطبخ شوي <لاتنسي الملح> واذا تحبي تحطي حمص حطي <طبعا تكوني منقعه الرز في ميه > بعد مايطبخ اللحم اوالدجاج تقريبا نص ساعه حطي الرز وخليه يستوي على نار هاديه واذا ماكفت الميه زيدي وخليه عالبخار لما يستوي وكل حبه رز تصير لحالها .......... وبالهنا والشفا
عاد السلطات الحاره المعروفه او اللي بالخضره
راح تقولو مافيه بهارات كثيره لكن لذيذ مره واللي اقولهم طريقته يقولولي مو معقول مافي بهارات بس من جد بس قرفه وهيل وطعمه يجنن لان البصل والجزر مع القلي يحلوه وانا ماقلت على مقادير الطبخه لان كل واحده تعرف مقادير على قد العائله بس اهم شي تكثري البصل والجزر يعني لو تستخدمي على الطبخه الواحده بصله اوبصلتين خليها دبل والجزر نفس الشي
وانشالله يعجبكم

زوجي يحب اكلي كله ومؤخرا يشتهي المنسف الاردني ونزلته فالمنتدى قبل كم يوم وشكرا

يحب زوجي طبخه مالها اسم راح اعطيكم الطريقه بصراحه روعه اول شوي تحمرين حلقات بصل وتخلينها على جنب ومن ثم تقلين شرائح باذنجان طبعا الكميات على حسب القلايه اللي بتسوون فيها(القلايه حقت البيض) وتقلين حلقات فلفل رومي وتجهزين شرائح طماط
اول شئ احط الطبقه الاولى البصل ثم احط الباذنجان
ثم احط الطماط وبعدها الفلفل حطي 6بيضات مخلوطه مع ملح على الطبقات وحطيها على نار هاديه ولما تنشف تماما راح يبقى شوي من فوق ماستوى حطيه بالفرن وشغلي عليه النار الي فوق
بس صدقوني لذيذه ونفس الوقت شوي خفيفه وبالعافيه جربوها

تسلمون الله يجزاكم خير
نبغى المزيد